Birİncİ fəsİl: Elm hövzələrİndə çİçəklənmə


Fiqhin yeni ictimai sahələrə girməməsi



Yüklə 180,88 Kb.
səhifə4/9
tarix07.07.2018
ölçüsü180,88 Kb.
#56004
1   2   3   4   5   6   7   8   9

Fiqhin yeni ictimai sahələrə girməməsi


Birinci amil bizim əsas işimiz olan fiqhin yeni sahələrə girməməsi, yaxud çox az girməsidir. Bu gün çoxlu məsələlər var ki, fiqh onların hökmünü bəlli etməlidir, lakin etməmişdir. Fiqhin bacarığı var, lakin işin gedişi elə olub ki, işgüzar tədqiqatçı alim bu məsələ ilə məşğul olmayıb. Misal üçün, pul məsələsi belədir. Ümumiyyətlə, pul nədir? Fiqhin müxtəlif fəsillərində, misal üçün, zəkatda, diyədə, müzaribədə adları hallanan dirhəm və dinar nədir? Dirhəm və dinar məsələsini araşdırıb aydınlaşdırmaq lazımdır. Bankın pul və əmanət məsələlərindən başqa işlərini borc, özü də riba (sələmçilik) adlandırıb üstündən xətt çəkmək çox asandır. Yeri deyil ki, bir qədər daha artıq dərinliyinə varıb görək ki, doğrudan da borcdur, yoxsa yox?! Biz banka pul qoyur və borc veririk. Bank bizdən borc alır. Bunu kim qəbul edir? Siz banka əmanət qoyursunuz, ona borc vermirsiniz ki?

Belə məsələlər çoxdur. Böyük inflyasiyalar zamanı pulun dəyəri məsələsi necə həll olur? Əlbəttə, biz hər bir cəmiyyətdə qaçılmaz və inkişafa səbəb olan inflyasiyanı demirik. İnflyasiya olmasa, cəmiyyət statik olar. Biz o yerləri demirik, bu həftədən o biri həftəyə qədər pulun dəyərinin azaldığı, iyirmi, otuz və əlli faizlik, yaxud üç rəqəmli inflyasiyaları nəzərdə tuturuq.

Bu problemlər zamanı pul məsələsi necə həll olur? Pul borcları və bir-birimizdən aldığımız borclar necə həll olur? Əgər altı ay öncə sizdən yüz tümən borc almışıqsa, indi qaytaranda o yüz tümən bu yüz tümənlə fərqlənir. Hər halda, fiqhdə bu məsələnin vəziyyəti aydınlaşdırılmalıdır. Bu işlər üçün elmi əsas düşünmək lazımdır. Düzdür, insan ümumi və mütləq dəlillərlə işini asanlaşdıra bilər, amma bu, düzgün deyil.

Hökumət məsələlərinin çoxu, bizim nəhəng məhkəmə sistemimiz üçün diyə, cəza və digər məsələlər fiqh baxımından həll olunmamış və vəzifələri bəlli edilməmişdir. Əlbəttə, keçmişdəkilərdən heç kimin təqsiri olmamışdır. Çünki məhkəmə, diyə və cəza məsələləri onlar üçün aktual olmayıb. Amma bu gün biz təqsirkarıq. Mərhum Mühəqqiq Ərdəbili cihad fəslində deyir ki, bu mövzuya ehtiyacımız yoxdur. O bizdən daha yaxşı bilir ki, cihad necə olmalıdır. Bu məsələ onlar üçün aktual olmayıb, amma yenə də iltifat göstərib cihad barədə bir neçə səhifə yazıb. Bu gün cihad bizim üçün aktualdır. Elə bu cihad məsələsinin özü bizim fiqhimizdə aydın deyil. Yaxşı işlərə dəvət və pis işlərdən çəkindirmək məsələlərinin çoxu, hökumət məsələləri, xalqın həyatına aid olan çoxlu məsələlər, bədən üzvlərinin köçürülməsi və meyiti yarma elə məsələlərdir ki, fiqh bu sahələrdə işləməlidir. Bunların tez və ötəri araşdırma ilə həll olunacağını düşünmək olmaz. Xeyr, bunlar da fiqhin digər fəsilləri kimidir.

Siz görün bizim fəqihlərimiz ibadət, təharət və namaz bölmələrinə nə qədər diqqət ayırmışlar. Bu onların elmi dəqiqliyindən irəli gəlir, eyib də deyil. Soruşurlar ki, onlar nə üçün bu qədər diqqət ayırmışlar. Cavab budur ki, dəqiq və dərin elm öz işini görür. Lakin ola bilsin bu günün prioriteti keçmişlə fərqlənsin. Bu gün başqa məsələlər prioritetdir, beyinlər dəqiqliklə işləməli, o məsələləri ümumi mövzulara gətirməlidir.

Fiqhin tədqiqat metodlarında yeniliyin zəruriliyi


Yeniliyin olmaması - fiqhin fəqahət məsələsi, öz metodikası ilə məşğul olmamasıdır. Fəqahət bizim fiqh adlandırdığımız elmin tədqiqat metodikasıdır. Bu dərsi oxumayınca, kitab və sünnəyə əsasən tədqiqat aparmağın yollarını öyrənməzsiniz. Fəqahət - fiqhin tədqiqat metodikasıdır.

Bunun özünün də inkişafa ehtiyacı var. Bu, kamil bir şey deyil, təkamüldə olan bir şeydir. İddia etmək olmaz ki, biz bu gün fəqahətdə zirvəyə çatmışıq, daha bundan yaxşısı ola bilməz. Xeyr, haradan bəllidir? O qədər böyük alim olmuş Şeyx Tusinin fəqahəti vardı. Onun bir məsələyə dair fətvalarına baxın. Bu gün hansı müctəhid elə araşdırmağa hazırdır? O fətvalar sadə və bəsitdir. Bugünkü müctəhid heç zaman elə araşdırmağa razı olmaz.

Fəqahət müxtəlif dövrlərdə kamilləşmişdir. İnsan fəqahət tarixinə baxdıqda bəzi dövrləri görür. Əlbəttə, fikirlər müxtəlifdir. Mənim fikrim budur ki, şeyxin dövrü bir dövrdür, Əllamənin dövrü başqa bir dövrdür. Ona əllamə (müxtəlif elmlərdə mütəxəssis) deyirik, mühəqqiq (tədqiqatçı) demirik, halbuki bunlar bir şeydir. Ona görə ki, əllamənin işində fiqhi-elmi araşdırma və əsaslandırma daha çoxdur. İnsan onun mövzu ilə necə davrandığını daha yaxşı anlaya bilir. Lakin mühəqqiqdə daha aydın anlamaq olmur.

Sonra təxminən 250 illik bir dövr keçir. Mühəqqiq Kərəkinin zamanı yenə başqa bir dövrdür. İnsan aydın şəkildə görür ki, Mühəqqiq Kərəkinin fiqhi tədqiqat metodu Əllamənin metodu ilə fərqlənir. Eyni fəqahətdir, lakin kamilləşmişdir.

Sonra Vəhid Bəhbəhaninin şagirdlərinin zamanı olan sonrakı dövrə çatırıq. Bu dövr üsul metodologiyasının çiçəkləndiyi dövrdür. Riyaz sahibi, Qəvanin sahibi, Şeyx Cəfər Kaşifül-ğita, Seyid Bəhrül-ülum və digərləri bu dövrə aiddirlər. Sonra Şeyx Ənsarinin və Cəvahir sahibinin dövrü gəlir. Bu dövrdə fiqh metodlarının yenilənməsi Cəvahir sahibinin tədqiqatlarına nisbətən şeyxin tədqiqatlarında daha aşkar görünür; baxmayaraq ki, Cəvahir sahibinin tədqiqatları da yenidir. Şeyx Ənsaridən sonra bir dövrün adını çəkib fiqh metodologiyasında yenilik yarandığını söyləmək istəsək, mənim qüsurlu gümanıma əsasən, o dövr mərhum Ayətullah Bürucerdinin dövrü olmalıdır. O, metodologiya işində yeni mərhələ açdı. Hansı dəlilə əsasən bizim alimlərimiz və böyük tədqiqatçılarımız bu metodlara əlavə edib onu kamilləşdirə bilməzlər?! Ola bilsin bu, bəzi məsələləri də əhatə etsin və nəticələrin çoxu dəyişilsin. Metodların çoxu dəyişildikdə məsələlərin cavabları da dəyişiləcək və fiqh başqa cür olacaq. Bu, vacib işlərdəndir.

Bugünkü tədqiqatçı, misal üçün, Şeyx Ənsarinin işlədiyi sahələrlə kifayətlənməməlidir. Həmin dərin sahədə daha dərinliyə getməməlidir. Bu, kifayət etmir. Tədqiqatçı yeni üfuqlər kəşf etməlidir. Bu iş keçmişdə də olmuşdur. Misal üçün, Şeyx Ənsari iki dəlil arasındakı əlaqədə hakimlik məsələsini kəşf etmiş, sonra digərləri onu dərinləşdirmiş və inkişaf etdirmişlər.

Fiqhin metodlarında yeni üfüqlər açmaq lazımdır. Hansı dəlilə görə bizim böyüklərimiz, fəqih və tədqiqatçılarımız bu işi görə bilməməlidirlər?! Doğrudan da bu dövrün və bizim dövrümüzə yaxın alimlərin bəzisi elmi qüvvə və dəqiqlik baxımından həmin sələflərdən geri qalmırlar. Lakin hövzədə bu iradə hərəkətə gətirilməlidir. Bu cəsarət peyda olmalı və hövzə bunu qəbul etməlidir. Əlbəttə, kim nə desə, hövzə də qəbul etməməli, eyni zamanda məqbul çərçivələrdə deyilmiş yeni söz rədd edilməməlidir.



Yüklə 180,88 Kb.

Dostları ilə paylaş:
1   2   3   4   5   6   7   8   9




Verilənlər bazası müəlliflik hüququ ilə müdafiə olunur ©muhaz.org 2022
rəhbərliyinə müraciət

    Ana səhifə