Hazırda Respublikamızdatikintinin yüksək templə inkişafı inşaat materiallarının istehsal sahəsindən və keyfiyyətindən xeyli dərəcədə asılıdır. Bu isə inşaat materialları sənayesinin qarşısında mühüm vəzifələr qoyur. Belə ki, istehsal olunan materialların keyfiyyətli olması, yerli xammal və materialların tətbiqi ilə daha ucuz başa gəlməsinə diqqətin artırılması və s. vəzifələr ön plana çıxır. Hazırda bina və qurğuların inşasında tətbiq olunan materiallara və məmulatlara daha yüksək tələblər qoyulur. Nəzərə alsaq ki, hazırda inşa edilən bina və qurğularda yüksək istismar göstəricili materialların o, cümlədən müxtəlif təyinatlı üzlüklərin tələb edilməsi onların uzunömürlü və dayanıqlı olmasına səbəb olur.
Hazırda inşa edilən bina və qurğuların istismar şəraitindən asılı olaraq müxtəlif növ üzlüklər tətbiq olunmaqdadır. Belə üzlüklərin bir növü də klinker kərpicidir. Belə kərpiclər, eləcə də bağ içərisində yolların tərtibatı üçün də çox yararlı materialdır, o cümlədən yüksək yüklənmə olan yerlərdə: avtomobillərin girib çıxdığı yollar,daxili həyətyanı sahələr, piyada keçidləri, velosiped yolları, səkilər, meydançalar və s. yerlərdə ondan tirlənmə kimi istifadə olunur. Klinker kərpici qismən az öyrənilmiş, xüsusən də ölkəmizdə istehsalı olmayan, xaricdən idxal olunan və istifadə sahəsi geniş olan inşaat materialıdır.
|
