Jee le Sahil ' tu zindagi ko sanwaar ke Yeh jhagde yeh fasaad hain sab be kaar ke

1.

Jee le Sahil ' tu zindagi ko sanwaar ke

Yeh jhagde yeh fasaad hain sab be kaar ke,
Nasheman ho jiska sitaron men raushan

Usey kya dikhaoge saraab zar o deewar ke,
Naseeb me jiske ho dastaar e ghareeban

Khwaab mat dikhao usey kisi sonhaar ke,
Jab tanhayi men milta ho sukun, yaro

Kyon dekhen hum hangaame bazaar ke,
Shaikh, khaangaah men teri raunaq to hai zurur

Per, jalwe tu dekh aastaan e ibraar ke,
Na loota jahan ko na hi khud lutaa ho

Buland iraade dekhiye dosto, us khud daar ke,
Haq hai tera 'sahil' ne maana, ai munkir,

Lekin, yaad rahen tujhko anjaam, inkaar ke.
2.
Insan to jala raha hai insan, be daam,

Haif, bas machis ki teeli hai badnaam
Jab haazir hai jaan nisaar ke liye, jaanam,

Phir alfaaz ka bata yahan kya kaam,
Khaak per chalna aur anjaam bhi hai khaak,

Kya sitaare chunenge hum ja kar sar -e- baam,
Kal lo jo chaaho ai ahl e siyaasi, tum,

Aakhir, tumhari bhi hai khaak hi anjaam,
Nazar aati hai surat haq ki har ja,

Kya patta, kya gul, kya falak aur kya jaam.
Maalum hai jahan saara hain nizam e khuda

Nahin hai 'Sahil' koi tamanna -e- dawaam.

3.

Aasaan nahin hota kabhi, mushkil ka aasaan hona

Mumkin nahin hai yaro kabhi, zamin ko aasmaan hona,
Khala parwaaz hai parinda, jahan uska hai khula

Mumkin nahin dekho kabhi falak ka zindaan hona

Pila de saqi jo chaahe tu, shart meri bhi hai magar

Marz e dil ka jaam men ilaaj o darmaan hona,

Guzregi shab yeh kaise, zulmat men yeh hijraan

Zururi hai, ai maah e nau, tera, zaufishaan hona,

Suna de tu ab faisla, tayyaar hun main, ai munsif

Per laazim hai zahn men tere, insaaf ka mizaan hona,

Manzil to mil hi jayegi, aaj nahin to kal

Zururat hai lekin dosto, himmat e mardaan hona,

Logo rakho tassavur khuda ka dil men tum apne

Laazim nahin hai har jagah, muezzin o azaan hona,

Bana zamin ko bistar tu aur so ja ab 'Sahil'

Nahin hai zururi mere dost, majaazi sar o saamaan hona.

4.

Ja sukun kahin aur ja

Bula rahi hai tujhe sada

Muztarib hai jo mujhse mazeed

Us dil ko ja kar tu behla.

Rehten hon khwaab jis se dur

Jaagne per hon jo majboor

Ja, ai neend, unhen sula

Aankhen unki tu kar mastoor.
Na dikha mujhe tu ghurur yaar

Tujhe bhi jaana hai us paar

Ajal ki kashti to sab ki hai

Karte hain sab us per sawaar.

Sar jhuka aur chalte chal

Mushkilon ka milega hul

Qasd tera farz hai, 'Sahil'

Nematen rab ki, tera phal.

5.

Na deekha mujhe rang bahaar ke

Na khwaab mujhe vasl e yaar ke

Main khazaan ka pala hua hun'sahil'

Mujhe zakhm na deekha tu khaar ke,
Na samjha usool baazaar ke

Na sungha gul tu gulzaar ke

Nabz e sa'at se hai ashnayi meri

Nasheb o faraaz ke shikaar se,

Sapne na deekha us paar ke

Main ne dekhen hain rang siyaah taar ke

Kashti e hayat ke rang hain ajeeb

Jaise, sulagti hui naar ke.

Taskin paata hun 'Sahil', baatin men

Yaqin nahin hai kisi zaamin men,

Munafiq hai chehra zamane ka aaj

Gumaan dekhta hun zahn e momin men.

6.

Khush raho jahan ho, hum to jaanewaale hain

Rukhsati ke andaaz bhi bade niraale hain,
Aasaan nahin hai jeena, valvalon ke saath

Hum ne bhi jazbe apne, mushkil sambhale hain,

Kyon aaye koi tere maikade men, Saqi

Jab khum khaali hain aur toote pyaale hain,

Dekha karte hain saraab har subh o shaam, hum

Ai khwabo, kuch to sabr karo ab sonewaale hain,

Un se milaye koi jo khud se hon na aashna

Hum dilon ko dil se milane waale hain,

Veerani men bahaar, hairaan hai khazan bhi

Aaj kya naseem ne marqad pe phul daale hain,

Jee lete hain jo hans kar zindagi ko apni

'Sahil', wohi khuda ke bande asl jigarwaale hain.

7. Kabhi kam kabhi zyada badshah kabhi kabhi pyada

Kaisa hai yeh jahan tera ya rab, kabhi mai e naab kabhi baadah

8. Gar taskin ho bisaat ulfat ki phir ruswayi kya daagh men

Nazron se pila de saqi tu, phir zahr qabul hai ayaagh men,

Azaab bhi zindagi ka juzv hai jaise zulmat e shab

Phool to chaman men hote hain,per khaar bhi hain baagh men,

Tukhm me ghuncha, ghunche men gul, gul men nihaan gulsitaan

Anjaam bhi ayaan hota hai kabhi, ghair ahm suraagh men,

Mandir ja ya masjid ja ya kar maikade ko tu salaam

Momin to hai wohi Jo karey rab ko yaad faragh men,

Fana hai anjaam zindagi ka yaro, baqa to kuch nahin

Laazimi hai sukun ke liye tarashna, is baat ko dimagh men,

Yeh falsafa nahin hai, kul haqeeqat hai yeh 'sahil'

Aftaab ghurub hota hai, tu kab tak chalega lau e charagh men.

9. Tang drastic bhi kya shai hai 'sahil'I

Dars deti hai yeh kamaal ke,

Aasudagi men ehsaan faramosh na hona

Zamin reg hai, chalna tum sambhaal ke.

10. Aashiq jaaniye usey jo mahabat ko dawa maane

Maashuq ki justaju ko maula se dua maane,

Jaane kis nazar se dekhta hai ghuncha phul ko

Salaam kijiye usey jo adu ko khuda maane,

Ainey ki ehmiat kya, kya dikhayega sheesha usey

Har lamha e zeest ko jo riza e maula mane,

Tere kaakh o gulzaar men kya rakha hai ,sheikh

Ameer to wo hai jo khuzu ko ghana maane,

Us se badh kar nahin hai koi pir o murshid

'Sahil', wo jo har aan ko hayat o fana maane.

11. Jaan gudaaz hai bahot tanhayi aasudagi ki

Na shor o ghul koi, na hi hungama e baazaar,

Pashemaani fuzul hai logo, maazi men jeena kya

Har lamha hayaat hai, tum jee lo hazaar baar,

Jab ism hi zindagi ka hai gardish e ayyaam

Na baney kuch shakwon se na hi roye zaar zaar,

Misl e bisaat hai zindagi, mohrey hum sab yahan

Fana hai anjaam takheeq ka, kya fateh aur kya haar,

'Sahil', kaise kehte hain log gulsitaan usey

Na khazaan ho jahan na hi khalish e khaar.

12. 'Sahil', kyon tark kiya hai likhna, tu pareshan hai kya

Yeh chund ghazalon ka majmua hi tera deewan hai kya,

Jab jal raha hai zamin per be bas kisi ka dil

Phir, yeh udta hua falak men bata dhuaan hai kya,

Nahin hoti hain poori hasraten kisi ki,yaro

Kaho khalaon men yeh kisi ka armaan hai kya,

Zindagi ki haqeeqat se ba khabar hai 'sahil', khub

Dunyawalo, yeh batao tumhen haq pe gumaan hai kya

13. Gar saath ho tera 'sahil' mujhe
Manzilon ki fikr phir kyon karun,
Jab dil men basta ho ik dost
 tufaanon se main kyon darun

Turfa hai yeh zindagi, kaho

 khul  kar main kyon na jiyun,
Anjaam e zeest hai fana, jab

Kaho roz roz phir kyon marun,

Banda ba shar hai, yaro

Main Khaamion se kyon darun,

Joi dil bhar aaye 'sahil' mera

Phir aankh ko main kyon na bharun.

14. Aag ka darya ashk bahaye

Kashti uske paas na aaye,

Jal kar bad naseeb woh darya

'Sahil', rotey rotey khaak ho jaaye.

15. Manzil e darya fana hai 'Sahil',

Kashti e zeest hai rawaan us per,

Kar hua maula se tu

Humsafar hon saadiq insaan us per.

16. Dil ko na aaye qarraar to kya kijiye

Na karna aata ho pyaar to kya kijiye

Mahabat ki lau se raushan ho chehra

Chhupaaye dil beemaar to kya kijiye

Har bhanware ko gul na bhaaye to kya kijiye

Tabiyat aaye khaar pe to kya kijiye

Khazaan o bahaar ka rishta ajab hai

Khazaan talaaq de, bahaar ka kya kijiye

Neend na aaye to falak ko kya dekhna

Sitaron ka nahin lamhon ka shumaar kijiye

Laazim hai shikebaayi dosto

Ajal hi munh pher le to intezaar kijiye

Aur, aa jaaye wo farishta jab dar pe kabhi

To himmat e mardaan se inkaar kijiye

Jahan hai mera 'sahil', na hadaf na hadood koi

Udta parinda hun , mera intezaar kijiye

17. Ai dilruba mujhe mat bula

Kuch kehna hai aa kar suna,

Kh- moshi mujh per haavi hai

Tu aa, suna,aur chain se sula

18. Qaraar e aish o ishrat hai mohaal

Mat bhulna is baat ko har haal

Yaad karoge ik roz ai logo, phir

Na lautenge kabhi wo guzishta saal

Har tukhm men phool, har phool haseen

Murjhaate gul ko na karna, paaemaal

Bande hain sab khuda ke, zaat usi ki hai

Haraam hai karna, kisi ka najaaiz istemaal

Badalta hai jahan ab tez raftaar se dekhiye

Samajhna na mumkin hai , yeh hai pir e zaal

Asl jauhar hai baatin men dosto

Bhul jaate hain yeh kyon, yeh sahib e maal

Ajab nahin hain yeh baaten zahn men kabhi

Momin ke man men bhi uth te hain sawaal

'Sahil', dars na de, zimma wo vaaiz ka hai

Tu ban kar deekha zamaan ko misaal

19. Kafan ko mezbaan zamin chahiye

Saada lauhi, na ke husn e tamkin chahiye

Ashk e buka se kab miti hai tishnagi

Dil ko darya nahin, taskeen chahiye

Kya karenge le kar mah o anjum ko dosto

Naqsh e pa ke liye to zamin chahiye,

Guftagu ainey se yeh humnavayi kaisi

Soorat nahin, seerat haseen chahiye,

Justaju khuda ki, daleelon ki bahas

Tasavvur e maula ko to yaqin chahiye,

Dair o haram, na pir e aasitaan koi

Is dil ko 'sahil' arsh e bareen chahiye.

20. 'Sahil' Se Ek Guftagu
Aaghaaz e peeri ki mat kar tu baat

Khuftagi men subh ki mat kar tu raat ,

Uth 'sahil', din hai, waqt e khuftan nahin

Maah se nahin, aftab se kar mulaqaat

Kya karun jab qalam hai na dawaat

Bisaat men bhi khaayi hai main ne maat,

Maana, kiran subh ki jaga rahi hai mujhe, per

Mera saya bhi lagta hai mujhe, meri raat

Sookhi hai zamin, veeraan hai dil mera

Kyon bhooli hai mere kuche ko aaj barsaat

Gul ho charagh e umr to muzaiqa nahin

Jaanta hun main khub, yeh zeest hai be sabaat.

Bas soney de 'sahil', mujhe soney de

Sambhaalega wo jiski hai yeh kaaenaat.

Shak o gumaan se mat dekho mujhko tum yaro

Muztarib hai meri tarah yeh guzarti raat

21. Kyon motaqid karey koi is zamane ka

Phisalti zabaan hai naam jis fasaane ka

Teri muskurahat hi gawahi nahi deti

Kya karenge hum jaanan tere bahane ka

Junoon hai kaamil, deewana hun yaro

Koi qissa na sunao majnun deewane ka

Rang yaksaan hain jaanum  qaus o quzaah ke

Har rang men badalta hai tareeq manaane ka

Bahane banao aur na pakde jao, tab hi

Lutf  hai dosto kahani banane ka

Sukun chahiye yaro tanhayi nahin

Na do pata tum kisi veerane ka

Humnava na ho gar humsafar 'sahil'

Phir lutf kya koi daastaan sunane ka.

22. Halaawat e sukhan ko zahn nahin dil chahiye

Gosha geer ko bhi kabhi raunaq e mehfil chahiye

Rozgaari, rozgaari hai, kaari nahin, lekin

Charahgar ko bhi to kabhi bismil chahiye

Momin kya banega, khuda hai tu

Shaikh, Maula ko bas  firotani ka haamil chahiye

Falak ko hum chhu liye, sumundur kiye uboor

Ab to hamen dosto raah e manzil chahiye

Na mumkin hai samajhne na rumooz tere maula

Tera hi bheja hua koi raaval chahiye

Ab muntazir hun 'sahil' us roz ka hi main

Khuda jab khud kahey, usey 'sahil' chahiye.

Log nafaa nuqsaan ki baat karte hain

Zamin o aasmaan ki baat karte hain

Jeene ka shaoor nahin hai jinhen

Woh apni jaan ki baat karte hain

Maante they log  farishta, adu ko bhi kabhi

Apne bhi aaj mehmaan, ki baat karte hain

Kabhi unsiat baant te they ghairon ko log

Ab yaar bhi lagaan ki baat karte hain

Mat karna koi baat ibadat ki yaro

Yahan log sar o saamaan ki baat karte hain

Zamana badla hai 'Sahil' dekh aaj kaise

Humsafar bhi har ja pehchaan ki baat karte hain.

23. Aaj sahr ne kaha mujh se, tu subh kyon muskuraya tha

Bata 'sahil',  tere khwabon men raat kaun aaya tha

So raha tha tu, ai dost, is chain o sukun men

Mere qadmon ki aahat ne bhi, tujhe nahin jagaya tha

Saba ke jhonke mehakte huay na utha sakey tujhe

Teri dehleez per parinda bhi geet gungunaya tha

Kya dahr e ulfat men guzri thi haseen shab teri

Bata, libaas e ulfat men tu kya sharmaya tha

Kya koi sirhaane tere, tujhe sulane aya tha

Kya saqi ne shab bhar, jaam chhalkaya tha

Ya, kya tu mere aane ki khushi men muskuraya tha

'Sahil' bata, raat kis ne tujhe tadpaya tha.

24. Kya puchhte ho mujhse mere naam o nishan,

Mere alfaaz hi mere  honey ki gawahi denge

25. Chehchaha rahi thi bulbul dahar -e- chaman men aaj

Tere badan ki mehak thi har saman men aaj

Ghazaala nai thi nazar men, mehak  usi ki thi

Aayi thi kya yeh khushbu khaak e khatan se aaj

Dekh kar tujhe zamin per sharmaye baitha tha chaand

Ik andhera tha ajab sa, neele gagan men aaj

Hua karti thi  saadagi  logon ka shiaar kabhi

Tafreeq dekhiye aap, rahan sahan men aaj

'Sahil', talkh na thi zabaan na alfaaz be adab

Shaistagi kahan hai bad naseeb dahan men aaj

26. Wus'at e zanjeer tak hai 'sahil' yeh gaam mera

Be naam hun, kyon puchhta hai tu naam mera

Wo guzre mere kuch se sard hawa ki tarah

Tasleem na sahi, le to jaate salaam mera

Maana, ghulam hun per hun  main khuddaar

Shaikh sahib, mat puchho auron se daam mera

Siwa qarz ke tere, aur kuchh nahin hai mera

Rakh le zaamin ai saqi, tu tuta jaam mera

Dil muztarib hai, aur zahn  darham bahot

Kaun le gaya hai chheen kar aaj aaraam mera

Mat karo  tum baaten fana ki ab logo

Mitti ka dhaancha sahi, hai to andaam mera

Ba khabar hai darya rab ke nizaam se,khub

Nahin puchhta hai wo, 'kya hai anjaam mera'

Hamdard hai wo, hamsafar mera, yaro

Koi to pahunchao 'sahil' tak paighaam mera

27. Sumundur men kal ka darya shaamil hai

Ai zindagi , kya fana hi teri manzil hai,

Dard e dil, paas e wafa, tum se kya kahen,

Kitne mukhtalif hain jazbaat aaj, jahan dil hai,

Faramosh hai kitna yeh banda khuda ka

Raasti se dur aur ibadat se ghaafil hai,

Himmat e mardaan ki log karte hain baaten

Shikebaayi nahin hai, to insaan buzdil hai,

Sunte they dil misl e mom hotey hain

Pighalna hai farzi,  aaj dil sang dil hai,

Aaj pur sukun kaun hai tu hi bata, 'sahil',

Jisey dekho be qarrari ka haamil hai,

Tujhse puchhta hun main ai khudaya

Kya yeh teri hi banayi hui mehfil hai?

28. Khaate hain qasmen yeh khuda ki, ahl e siyaasi

Koi in se badh kar kaafir o zandeeq to deekhaaye

29. Zindagi khub haseen hai 'sahil'

Khwab to mahz saraab hain,

Dhalta suraj, nikalta chaand

Husn ke hi to baab hain.

30. Life is indeed beautiful, Ashok

Dreams no more than mirage,

The setting sun, the rising moon

Chapters of beauty, that I envisage.

31. Gar iyaan na hua aftaab kal

Kya nahin hain phir kal mere pal,

Kya zulmat men nahin jeete hain log

Kya khazan men nahin hoti hai fasal

Kya hotey hain daur sirf bahaar ke

Marsiya nahin sirf naghme malhaar ke,

Dil bhi to rota hai kabhi, kabhi

Sehne padte hain zakhm bhi khaar ke,

Kar lo pursish tum baghbaan se

Puchho jo chaaho tum gulsitaan se,

Nizaam kiska hai yeh jahan, 'sahil'

Puchh lo tum neele aasmaan se,

Tu hi bata de 'sahil' ko maula

Nizaam saare jahan ke tere hain sab,

Tu hi khuda hai, bhagwan bhi tu

Tu hi sab ka, ek hai rab.

32. Wo gul hi kya na hon jiske khaar, paasbaan

Wo chaman hi kya jo na ho kabhi khazan ka mezbaan,

Meri khud ki chaah hai karun main dil ko, udaas

Tu palkon ko yun num na kar, ai dil e naadan,

Jab yaad dilaati hai azaab rab ki tujhe , 'sahil'

Rehna phir azaab men bhi, to azaab ka meharbaan,

Gar shauhrat na ho na jah o jalaal, muzaiqa nahin

Farz hai tera phir bhi 'sahil' rakhna dil ko shaadmaan,

Yaad rahe tujhko dost har subh o har shaam

Deekhte hain mah o anjum jab siyaah ho aasmaan.

33. Aane ki baat karo to sab baaten hain

Farzi aaj ki saari mulaqaten hain

Zikr aftab ka, wo bhi kor chashm se

Us se jiske liye sab raaten hain

Raah e mustaqbil taweel hai bahot

Yaro hum to har din khair manaate hain

Hum ko hi naseehat kyon zabt e sukhan ki

Log to baaten kaisi kaisi banate hain

Hamdardi tha shiaar logon ka kabhi

Aaj to bujhti aag ko yeh sulgaate hain

Hum to salaam unko karte hain yaro

Jo khud gir kar auron ko utha te hain

Neend na aaye to wo sitaare ginte hain

Raaten jaag kar wo hamen sulaate hain

Kisi ne ki thi baat hafize chheenen ki

Afsaane maazi ke bahot sataate hain.

34. Azaab hai jeena gham ke saaye men, 'sahil'

Yaro, dukhre apne hum to bhulaate jaate

35. Gar iyaan na hua aftaab kal

Kya nahin hain phir kal mere pal,

Kya zulmat men nahin jeete hain log

Kya khazan men nahin hoti hai fasal
Kya hotey hain daur sirf bahaar ke

Marsiya nahin sirf naghme malhaar ke,

Dil bhi to rota hai kabhi, kabhi

Sehne padte hain zakhm bhi khaar ke,

Kar lo pursish tum baghbaan se

Puchho jo chaaho tum gulsitaan se,

Nizaam kiska hai yeh jahan, 'sahil'

Puchh lo tum neele aasmaan se,

Tu hi bata de 'sahil' ko maula

Nizaam saare jahan ke tere hain sab,

Tu hi khuda hai, bhagwan bhi tu

Tu hi sab ka, ek hai rab.

36. Kaf e pa they kyon aaj num mere

Jab huay they kum kuch gham mere,

Zakhm taaza huay phir kyon

Tu hi bata, dukhi man mere,

Kaf e pa they kyon aaj num mere

Kotaah they kyon aaj dum mere,

Mehroom tha kyon main khud se aaj

Kaf e pa they kyon aaj num mere,

Be surey they kyon sargam mere

Koi to lagao marham mere,

Bulbul bhi aaj parwaaz hui

Kaf e pa they kyon aaj num mere,

Jazbaat they kyon barham mere,

Kafepa they kyon num nere,

Kya shabnam ko aaj hi aana tha

Daaman mera bhigona tha,

Kaf e pa they kyon aaj num mere,
Kh-mosh hai kyon, sanam mere

Kya raaz hai koi humdum mere,

Udaasi thi kyon faza men aaj

Mundamil kab honge yeh zakhm mere,

Kaf e pa they kyon aaj num mere

37. Baaten

Himmat thi 'sahil' jab jawani ki

Hum karte they baaten janfishani ki

Misl e darya tha josh tab shabab ka

Fikr na thi tab ravani ki

Dil o dimagh seerab they donon

Darkar na thi taaza paani ki

Shafaq ki laali hum khud hi they

Baaten na hotini noorani ki

Yaro, rishta samjho gul o khaar ka

Phir karna baaten nigahbani ki

Ab to 'sahil' rang pheeke hain bahot

Aur baaten, naqsh e pa o nishani ki

Tere daur men, peeri, sab kotah hai

Koi baat nahin ab farawani ki.

38. Jaari hai nafas ka aamad o shud yaro

Varna, hum ko bhi log be jaan hi kehte

Hote gar hum misl e farishta,'sahil'

To hum bhi jeene ko aasaan hi kehte

Mehmaan navaazi ki tameez ab kahan

Varna, hum bhi adoo ko mehmaan hi kehte

Faani hai hayaat,  shukr manao, varna

Log jism ko rooh ka zindaan hi kehte

Bula lo jis naam se chaaho tum yaro

Ibadat ko farishte bhi imaan hi kehte

Na hoti maseehaayi gar jahan me, dosto

Hum shayad rab ko bhi gumaan hi kehte

Yeh fitne, yeh jhagde, yeh fasaad, maula

Tere jahan ko varna hum khaandaan hi kehte

Khush qismat hai 'sahil' har haal men tu

Teri kaamyabi ko varna sab imtihaan hi kehte.

39. Aaiye, miliye mujh se aap kabhi ru ba ru

Gul farosh hun, baant ta hun main khushbu

Phool yaksaan hain baagh ke sab mere liye

Kya gulaab kya saman, kya dost kya adu

Mai to mai hai saqi, tafreeq is men kya

Nashe ko kya pata, kya jaam kya subu

Bas, jeene ka saleeqa seekh lo, phir

Na tilism hai zeest yaro, na koi jaadu

Rahe dahan men 'sahil', zabaan  shireen hamesh

Yaad karti hai dunya usiko, jo ho khush gulu.

40. Insaan ke hukm ka wo pa band nahin hai

Faza men parinda, qafas men tang nahin hai,

Kyon jalaati hai shama khud ko raat bhar

Raushan rakhna hai farz uska, nairang nahin hai

Chalna hoga tujhe shaikh,baargaah tak uski

Raah e khuda per haif, aurang nahin hai

Kya hua hai saqi, khaali kyon hain  jaam

Pheeki kyon hai mai teri, aaj rang nahin hai

Pesh raft ke  milte hain dekhne ko nishaan

Yaro ,ilm to bahot hai, farhang nahin hai

Jaise baagh men har phool gulaab nahin hota

Khalaa men har parinda, saarang nahin hai

Saum o salaat, namaaz, sajda, laazim hain

Kisi ke dil ki baat nahin, tarang nahin hai,

Dhal chuka hai aftab, parinde bhi sab kh-mosh

Waqt ibadat ka hai 'sahil',  ghul aahang nahin hai.

41. Manind e waqt wo kahan rukne waale hain

Ab un se kya kahen jo khud hi jaane wale hain

'Sahil', mahabat ki qaail to dunya hai saari

Hamen un se mila jo us per marne wale hain

Naghma bulbul ka suno, larazti khazan ko dekho

Sabr karo yaro,ab ghunche khilne wale hain

Kya karenge haasil wo baharon ka lutf

Jo gulon ke khaaron se darne waale hain

Shukr manao yaro, kaasa ba dast nahin ho

Qismat ke maare, aahen bharne wale hain

Kya darayegi hamen tu baad e mukhalif

Hum to muqqadar se bhi ladne wale hain

Shama to rehti hai bas raat bhar raushan 'Sahil',

hum to ta umr jalne waale hain

42. Chhord chale  'sahil' hum  chund roza naam ko

Tu hi karna salaam ab, is muntazir izdehaam ko

Na-kaam rahi hai justaju raah e khuda ki meri

Ab tu hi deekha, maula,raah apne ghulaam ko,

Dair o haram muqaddas hain, yaad rahe bande

Dil men gar yaqin na ho, mat kar badnaam ehraam ko,

Hayat hi jab  haqeeqat hai, kis saraab ki ab talaash.

Yaro, dhundte ho tum kis jahan ke dawaam ko

Kijiye jo dil men aaye, na bhulna per kabhi  

Aarizi zindagi ko, na hi kaar ke farjaam ko

Hasraton ke sholon men rahega woh gharq

Jo ehmiat na dega  zameer ke paighaam ko

Dekhe they zamaane,barson pehle hum ne

Jab lete they sar apne, log auron ke ilzaam ko

Aasaish ki god men mahv ho kar, 'sahil'

Mat bhulna tu kabhi, ranj o gham o alaam ko

43. Misl -e -waqt wo kahan rukne waale hain

Ab un se kya kahen jo khud hi jaane wale hain

Mahabat ki qaail to dunya hai saari 

Hamen un se milao jo us per marne wale hain

Naghma bulbul ka suno, larazti khazan ko dekho

Sabr karo yaro, ghunche khilne wale hain

Kaho, kya  karenge haasil wo baharon ka lutf

Jo gulon ke khaaron se darne waale hain

Shukr manao yaro, kaasa ba dast nahin ho

Qismat ke maare, aahen bharne wale hain

Kya darayegi hamen tu baad e mukhalif

Hum to muqqadar se bhi ladne wale hain

Shama to rehti hai bas raat bhar raushan

Hum to yaro ta  umr jalne waale hain

Un se kehna 'Sahil', wo jo nazar phernewale hain

Aaj hum unhin ki gali se guzarne waale hain.

44. Log nafaa nuqsaan ki baat karte hain

Zamin o aasmaan ki baat karte hain

Jeene ka shaoor nahin hai jinhen

Woh apni jaan ki baat karte hain

Maante they log farishta, adu ko bhi kabhi

Apne bhi aaj mehmaan, ki baat karte hain

Kabhi unsiat baant te they ghairon ko log

Ab yaar bhi lagaan ki baat karte hain

Mat karna koi baat ibadat ki yaro

Yahan log sar o saamaan ki baat karte hain

Zamana badla hai 'Sahil' dekh aaj kaise

Humsafar bhi har ja pehchaan ki baat karte hain.

45. Aaj sahr ne kaha mujh se, tu subh kyon muskuraya tha

Bata 'sahil', tere khwabon men raat kaun aaya tha

So raha tha tu, ai dost, is chain o sukun men

Mere qadmon ki aahat ne bhi, tujhe nahin jagaya tha

Saba ke jhonke mehakte huay na utha sakey tujhe

Teri dehleez per parinda bhi geet gungunaya tha

Kya dahr e ulfat men guzri thi haseen shab teri

Bata, libaas e ulfat men tu kya sharmaya tha

Kya koi sirhaane tere, tujhe sulane aya tha

Kya saqi ne shab bhar, jaam chhalkaya tha

Ya, kya tu mere aane ki khushi men muskuraya tha

'Sahil' bata, raat kis ne tujhe tadpaya tha.

46. Bunyaad tehzeeb ki murrawat o haya hai

Lekin, zamana yeh 'sahil' aaj bahot naya hai

Badle tewar, badle rang, kaise badle hain

log Khuda hi jaane kal ka daur kahan gaya hai

Teri nematon se maula khush nahin hain

log Saraabon men jaane kya sukun paaya hai
Mukhlis mizaj, shireen zabaan, sarmaya tha

Aaj shaurat, naam aur sarwat hi sarmaya hai,

Charche hote they dosto sadaqat ke kabhi

Ab libaas riyakaari ka dil ko pehnaya hai

Yaro, socho ge tum bhi is baat ko ik roz

Aaj ki hulchul men tum ne, kya ganwaaya hai.

'Sahil', kya khilega wo gulshan baharon se bata

Jisey baaghbaan ke haathon ne khud dafnaya hai.

47. Teri mehfil men gin ne jo paimaane aate hain

Maikhwaar nahin saqi, wo deewaane aate hain,

Ziyarat khumgaah ki, zariya hai dil behlaane ka 

Be basi men log gham bhulaane aate hain,

Hamdardi ke danke kyon bajaate ho, yaro

Manzur hai, log zakhmon ki yaad dilaane aate hain

Na milna chaaho na sahi, muzaiqa nahin hai dosto, 

Per bhulna mat, bahaane hamen bhi banaane aate hain

Zinda hai yaad maazi ki, zahn ke goshon men kahin

Khwabon men yaad ab bhi, wo guzre zamane aate hain

Kar li hai  sulah hum ne haqeeqat se kaamil, dosto

Ai shab, ab to bas, hum khwabon ko sulane aate hain.

Num chashm aate hain log, koi puchhe to un se

Wo kis ki mazaar per phul chadhaane aate hain