Leyha butüNDÜnya qirimtatar kongresiNİÑ deklaratsiyasi



Yüklə 73,76 Kb.
tarix10.08.2018
ölçüsü73,76 Kb.
#68631

Leyha
BUTÜNDÜNYA QIRIMTATAR KONGRESİNİÑ DEKLARATSİYASI
Biz, Butündünya qırımtatar kongresiniñ, dünyanıñ ____devletlerindeki ______cemaat ve siyasiy-içtimaiy teşkilâtlarını temsil etken delegatları, qırımtatar halqınıñ tarihiy Vatanı – Qırımda ilk defa beraber toplanır ekenmiz:

– qırımtatar halqınıñ Birleşken Milletler Teşkilâtınıñ Nizamnamesi, İnsan uquqlarınıñ umumiy deklaratsiyası, Tamır halqlarnıñ uquqları aqqında deklaratsiyada ve insan em de halqlarnıñ uquqlarına ait halqara uquqnıñ butün diger normalarında tanılğan butün aq-uquqları ve serbestliginiñ qorçalanmasından kelip çıqaraq;

– qırımtatar halqınıñ öz toprağı – Qırımda aq-uquqlarını ğayrıdan tiklev ve teminlev saasında kesen-kes deñişmeler olmağanından ğayet telâşlanğanımıznı bildirerek;

– qırımtatar halqınıñ siyasiy, iqtisadiy, maneviy ve medeniy ceetten ğayrıdan tiklenmesi oğrunda acele ve semereli çarelerniñ korülmegeni onıñ millet olaraq saqlanıp qalmasını telüke altına qoyğanını añlayaraq;

– qırımtatar halqı uquqlarınıñ tolusınen ğayrıdan tiklenmesi Ukraina devleti ve Qırımnıñ tamır halqınıñ adaletlik, demokratiya, insan uquqlarını ürmet etüv, namuslılıq ve aqsımlavsız printsiplerine esaslanğan munasebetlerniñ inkişafına siltem olacağına emin olğanımız alda;

– 1944 senesi mayıs 18-de Sonetler Birligi (SSSR) kommunist rejiminiñ qırımtatar halqına nisbeten yapqan genotsid ve halqnıñ on yıllar devamında sürgünlik yerlerinde zorbalıqnen tutılğanınıñ aqibetlerini yalıñız Ukraina devleti yoq etip olamaycağını ve demek, bu mesele BMT, Avropa Birligi, Avropa Şurası ve diger halqara qurumlarnıñ ayrıca diqqatı astında bulunmaq kerekligini añlağanımız alda;

– düñya halqları ve milletleri arasında barışıqlıq ve goñüldeşlikniñ elde etilmesine, Ukraina ve qırımtatar halqı diasporasınıñ cemaat teşkilâtları faaliyet köstergen, devletler arasında biri-birini añlavnı inkişaf ettirüv ve dostane munasebetlerniñ pekitilmesine olduqça yardım etmek niyetinde bulunğanımız alda;

– butün küç-qudretimizni, bilgimizni Qırımnıñ eyiallılığı ve qırımtatar halqınıñ özüniñ siyasiy statusını serbest belgilev ve iqtisadiy, içtimaiy ve medeniy inkişafını serbest amelge keçirmek uquqını teminlevge doğrultmaq kibi alicenap vazifeni ogümizge qoyğanımız alda qırımtatarlarnıñ, çeşit devletlerde meydanğa ketirilgen ve mezkür Deklaratsiyada qayd etilgen printsipler, maqsad ve vazifelerge muvafıq özara emekdaşlıqta iştirak etmek istegini bildirgen,


cemaat teşkilâtlarınıñ areketlerini birleştirgen ve koordinirlegen "Butündünya qırımtatar kongresi" halqara cemaat teşkilâtınıñ meydanğa ketirilüvini İLÂN ETEMİZ.

Butündünya qırımtatar kongresi merkeziy organlarınıñ bulunğan yeri Qırım, Ukraina.


– Qırımtatar Milliy Qurultayı Butündünya qırımtatar kongresi, bunıñ kibi de onıñ erkânında birleşken cemi qırımtatar cemaat teşkilâtları içün, qırımtatar halqınıñ aliy, tolu vekâletli organı olğanını BEYAN ETEMİZ;
– Qırımtatar Milliy Qurultayı, bunıñ kibi de onıñ organları ve vazifedar şahısları, Butündünya qırımtatar kongresiniñ erkânına kirgen cemi qırımtatar cemaat teşkilâtları ile azalarınıñ sayısı, faaliyet köstergen devleti ve regionından qatiy nazar musaviy ve sayğı munasebeti esasında emekdaşlıqnı inkişaf ettirecek.
Qırımtatar halqınıñ eyiallılığı oğrunda yapqan butün areketlerimiz adalet, demokratiya, merhametlik, butün insanlarnıñ, milliy mensüpliginden qatiy nazar, siyasiy, iqtisadiy, medeniy, diniy ve diger qanuniy aq-uquqlarına qattı riayet etüv printsiplerine bazanacağını TESBİT ETEMİZ.
Butündünya qırımtatar kongresinde qabul etildi.

Qırım, Aqmescit, 2009 senesi mayıs 22.





Yüklə 73,76 Kb.

Dostları ilə paylaş:




Verilənlər bazası müəlliflik hüququ ilə müdafiə olunur ©muhaz.org 2024
rəhbərliyinə müraciət

gir | qeydiyyatdan keç
    Ana səhifə


yükləyin