Sonra şagirdlərə 3 rəngdə (göy, qırmızı, yaşıl) səkkizguşəli ulduzlar təqdim olunur və bu ulduzlara baxanda nəyi xatırladıqları soruşulur.Şagirdlərdən bayraq, gerb, himn cavabı alındıqdan sonra bu anlayışları ümumiləşdirmək tapşırılır. Şagirdlərdən “Dövlət rəmzləri” cavabı alındıqdan sonra onlar haqqında nələr bildikləri soruşulur və qeyd olunur.
Tədqiqat sualı: -Bəs, dövlət rəmzləri haqqında nələri bilirsiniz?
Tədqiqatı aparmaq üçün şagirdlər qruplara bölünür və onlara tapşırıqlar verilir.
Bayraq qrupu:
Dövlət bayrağımız haqqında nə bilirsiniz?
2.Gerb qrupu:
Dövlət gerbimiz nə vaxt yaranıb və hansı sənədlərdə rast gəlirsiniz?
3.Himn qrupu: Himnin müəllifləri kimdir və hansı tədbirlərdə səsləndirilir?
Qruplar işlərini təqdim edirlər və müzakirə olunur.
Yaradıcı tətbiqetmə: Şagirdlərə PHOTOPEACH da yığılmış testlər təqdim olunur, müəyyən vaxt ərzində cavab vermək tapşırılır. http://photopeach.com/album/5gtx7m
Şagirdlərə düşünmək və bir az dincəlmək üçün krosvord təqdim olunur. Onlara krosvordu həll etməklə “Bir kərə yüksələn bayraq, bir daha enməz” aforizmini müəllifinin soyadını tapmaq tapşırılır.
Fərziyyələr, təqdimatlar, şagirdlərin cavabları ümumiləşdirilərək nəticə çıxarılır.
Möhkəmləndirmə mərhələsində şagirdlərə mövzu ilə bağlı suallar təqdim olunur.
Ev tapşırığı: “Azərbaycan Respublikası AXC-nin varisidir” adlı
təqdimat hazırlayın.
Sonra müşahidə, şagirdlərin dərs boyu verdikləri cavablar və qrupların təqdimatı əsasında qiymətləndirmə aparılır.
