Muqaddarwaalon ko hi aati hai chain ki neend Ameeron ki qismat men yeh nemat hai kahan



Yüklə 295,67 Kb.
səhifə1/5
tarix01.08.2018
ölçüsü295,67 Kb.
  1   2   3   4   5


  1. Muqaddarwaalon ko hi aati hai chain ki neend
    Ameeron ki qismat men yeh nemat hai kahan
    'Sahil', sab kuchh to milta hai, bas ghar khuda ke
    Samjhauta, naam e qismat hai yahaan..



  1. Taajir to hun, per dil taajir ka nahin hai
    Insaniyat se badh kar 'sahil', koi daulat nahin hai
    Tu ne dikhaaya hai jahan ko hamdardi ka chehra
    Is se badh kar to koi, ibadat bhi nahin hai



  1. Ai zindagi, tu mere he jism men to rehti hai
    Tera apna koi thikana to hai nahin
    Vaise bhi, ai 'sahil', dekha jaaye to
    Aaj aitbaar ka zamana to hai nahin



  1. Muqaddarwaalon ko hi aati hai chain ki neend
    Ameeron ki qismat men yeh nemat kahan
    'Sahil', sab kuchh to milta hai, bas ghar khuda ke
    Samjhauta hai naam e qismat yahaan.



  1. Mustabil ki kisey kya khabar
    'Sahil', kal per phir aitbaar kya,
    Gar cheen li yaad e maazi tu ne
    Ya rab, phir deewaana kaun, hoshiyaar kya



  1. 'Sahil', log kaafir kahen ya maanen aabid
    Mazhab ka is se hai vaastah kya
    Ya rab, tu mera aaqa, main ghulaam
    Nahin hai gehra, hamara rishta kya



  1. Neend bachon ki 'sahil', dekh
    Udte khwaab aur pariyaan dekh,
    Phir, chashm dekh kabhi apne tu
    Palken juda, shab ko uryaan dekh



  1. Gar seekh len sabaq tere imtehanon se,
    Maula To azaab insaan ke, kuchh kum ho jayenge,
    Sukoon milega 'sahil' shab ki baahon men
    Aur chain ki neend woh so paayenge

  2. Falsafi zahn ko tark kar
    Sun le 'sahil' dil apne ki,
    Auron ki bhi sun le kabhi
    Daastaan hai zeest bas sapne ki



  1. Dafn ho chuka hai zinda, wo teri mehr ke taley
    Kis munh se aaye 'sahil' ab, teri baargaah men Maula



  1. Azaab aayen jo bhi aayen,
    Majboori naam na dena hayaat ko,
    Ghoor ghoor kar nahin takte hain
    'Sahil', rab ki di hui saughaat ko



  1. Fareb gar khaaya zabaan e raqeeb se
    Phir gilah kya karen hum naseeb se,
    Kaasa ba dast hai har insaah yahan, 'sahil'
    Seekh le tu bhi kuch, kisi ghareeb se



  1. Aafat ki shokhiyaan hain tumhaari nigaah men”
    Per kum nahin hai soz jaanaan, ‘sahil’ ki aah men

Jo saadagi men kashish hai, har soorat hai wo azeem
Us shaan se jo zaahir hai, aurang e shahenshah men

Karte raho kaar apna, maayus mat hona kabhi


Guzar jaayegi hayaat varna, aarzoo e silaah men

Zameer ka bedaar rehna laazim hai bahot, varna


Pareshaan karegi zeest ‘yaro, lazzat e gunaah men

Chalte rahey manzil ki jaanib qadam ba qadam, phir


Humsafar banaate rahey, manzil ki hum raah men

Shauq bhi kya shai hai ‘sahil’, mat puchh yeh sawaal


Safiney doobtey dekhen hain talatum ki humne chaah men



Ik Jhonka Hawa Ka Bahot hai

Ik jhonka hawa ka bahot hai


Har shai yahan hai bulbula
Ik umr qaid hai lamhe men
Har saans hai misl e zalzala

Aabaad koi barbaad koi


Guzarta saans hi batayega
Kisey milega sukoon, ‘sahil’
Kaun chain ki neend so payega

Khwab kaho ya paheli isey


Karega kaun taabeer iski
Halki phulki hai zindagi
Kaun jaanta hai, taqdeer iski

Har lamha khul kar ji lo yaro


Ro kar ya muskura kar jiyo
Hayat to yeh sirf tumhari hai
Chaak karo ya daaman siyo

Lutf lo tum tanhayi ka


‘Sahil’, aala yaar to tum hi ho
Gul bhi ho, gulshan bhi tum
Paasbaan aur khaar bhi, tum hi ho

  1. Sahil’, nematen mileen mujhe so itni
    Ke madad karne ki talaash men rehta hun
    Darmaan to nahin ban sakta, wo kaam to dua ka hai
    Apni koshishon se dukh ko kum karne ki talaash men rehta hun



  1. Dil e muztar ko ‘sahil’ taskeen dila de
    Aqdas khaak ko apni jabeen se mila de,
    Kab talak rahega tu , ban kar sayyarra
    Paon apne, ab dost, zameen se mila de



  1. Udaas ji ya khushi se
    Lamhaat baaqi ke jeene hain
    Aansu bhi to, ai ‘sahil’
    Kuchh behne, kuchh peene hain



  1. Kis chaman ka gul hai yeh hum jaante hain
    Har khushbu yahan ki ‘sahil’ hum pehchaante hain

Tumhen ghair lagey dost, to ghair nahin hai
Har shai jahan men yakta hai, hum maante hain

Pir o murshid ka rishtah bahot paak tha kabhi


Aaj murshid to kuhan daastaan hai, hum jaante hai

Baat nazariye ki nahin, bunyaadi hai ‘sahil’


Badla hai zamaana bahot hum jaante hain

Baad e nau bahaar chaley ya na chaley


Tabaahi ke tufaan to chalenge, hum jaante ha

  1. Misl e gulshan hai hayaat, ‘sahil’
    Aur tu hai iska baaghbaan,
    Gul bhi tere, khaar bhi tere
    Aur waqt musalsal ravaan.



  1. Jis  bhi jaanib dekhun main

Maula, har su hai tu hi tu

Zameen ko dekhun, falak ko dekhun

Bas, sada hai Allah hu.


  1. Jazbaat sumundur ke to dekho

Maujen, toofaan aur sukoot,

Kya insan bhi ik behr hai 'Sahil'

Kya munsif kya suboot


  1. Aansoo bahane se darya ravaan nahi hota

Samjahaane bujhaane se dil jawaan nahin hota
Jaise har daagh kabhi bura nishaan nahin hota

Vaise hi har daaman chaak daamaan nahin hota


Noor e khuda to hai sabke baatin men, ‘sahil’

Kaf e dast men qandeel se raasta numaan nahin hota


Chaahe kitni kyon na ho teri umr daraaz, insan

Tu phir bhi faani hai, jaavidaan nahin hota


Man men sawaalon ka uthna , fitrat insan ki hai

Momin ke man men sawaal, gumaan nahin hota


Farq itna hi hai logo aabid aur kaafir men

Zallzalon ke aage momin pareshan nahin hota


Kuchh sharma ke chhupte hain, kuchh yun hi fana

Har ek sitara falak men zau fishaan nahin hota


Dekhen hain bashar ‘sahil’, duniya men bahot

Har dil is jahaan men lekin, nadaan nahin hota


Ranj o gham men kisi ke, shirkat to laazim hai

Jo humdardi na jataaye woh insaan nahin hota




  1. Har aabid jannat ka mustahiq nahin hota hai
    ‘Sahil’, hirs o hawas ka yeh daawa hai,
    Naam rab ka ho lab per har lamha, bas
    Har marz ka yehi madaawa hai



  1. Aaj hungama e duniya logon ki samajh se baahar hai
    Ya khuda tu hi sambhaal, tu hi kuchh kar,
    Wasee’a hai jahan, naadaan hai insaan
    Bas, tujh hi se lagta hai tere bashar ko dar



  1. Na samajh paayi shoa teri wus’at e maayusi ‘sahil’,
    Khursheed se ja kehne lagi, andhera zyada hai, kahin aur chal



  1. Maana ke ‘sahil’ ek gul se gulshan nahin banta hai
    Lekin, us gul ke bina bhi, to gulshan nahin banta hai

Pehlu nasheen hon har dum, gar ranj o gham o alam
Phir, jeena bhi to kabhi, bahaar o gulshan nahin banta hai

Parwaaz karey gar andaleeb chaman se, ai baaghbaan


Wohi saman o gulaab se, wohi gulshan nahin banta hai

Baad e nau bahaar se na hi mausam e khushgawaar se


Napaayedaar dil lagi se kabhi, gulshan nahin banta hai

Phool ek ho, ho woh apna, to umr daraaz ho gulshan ki


Ghair hon gar phool hazaar, to gulshan nahin banta hai

  1. Hum bhi rakhte hain nazar qayamat ki janaab
    Khokhli duniya ki humdardi ka pura hai hisaab

Jitne behr kiye uboor humne sab ki hai roodaad
Kis men kitna josh tha aur kis men kitna aab

Kotahi na ki qasd men, mustehkam tha yaqin


Fikr na ki humne yaro, miley na miley sawaab

Dua lab per har dum thi, nazren falak ke paar


Kathin na tha chalna phir, bin suney jawaab

Pursish kyon hum se ‘sahil’ tufaan o talatum ki


Jab nakhuda rab tha apna, phir kya khauf e girdaab

Jis safiney men le jaayega, mallah bhi hoga tu


Maula, yakta hoga woh safar, hoga woh nayaab

  1. Aaj insaan ke seene men ek vehshat e dauraan hai
    Har jism yahan nang, aur chaak har daamaan hai

Hirs o havas ke qabze men hai dil sab ka yahan
Qaatil baneen hain nazren sabki, talkh sabki zabaan hai

Khanjar liye phirte hain aaj seedhe saade log


Maaniye, zindagi hi sabki chund roza mehmaan hai

Har jabeen per shikan, dafn aaj muskaan hai


Jisey dekhiye yaro, wohi sakht pareshaan hai

Jahan khilte they phool, mehakti thi khushbu


Aaj, bahaar nahin dilon me sabke khazaan hai

Kabhi aisa to na tha, zawaal insan ka ai ‘sahil’


Yeh kya maajra hai, yeh kis jahan ki dastaan hai

  1. Kitne hisse kar diye hain tere, ya rab
    Tere hi insan ne, teri hi zameen per,
    Ghoomega kya ik roz yeh jahan men
    Likh kar baghwaan, allah, god, jabeen per.



  1. Ana ko kar fana ‘sahil’
    Phir hogi humsafar taskeen
    Raah men tere honge gul

Bin khaar hogi woh zameen


  1. Zahn bhi ‘sahil’ hai ajeeb o ghareeb

Kabhi zameen per kabhi falak qareeb

Dua maang kar bhi isey tasalli nahin

Jawaab chahiye isey, ai al mujeeb


  1. Raushan rahegi sham’a jab tak

Jalte rahenge parwaane

‘Sahil’, firasat jab tak zinda hai

Mast rahenge deewaane


  1. Sar jhuka kar chal ‘sahil’
    Choomegi qismat kaf e pa,


Guzarte dekh us raah tujhe
Ruk jaayengege toofaan zara,
Lab per ho gar naam rab ka 
Banegi phir simoom, saba,
Baatin men hogi na tere
Hamdardi ke, kuchh bhi siwa,
Phir sab se hogi rafaaqat
Adoo na hoga koi tera,
Banega phir tu mustahiq
Khuda ke karam aur mehar ka,
Khazaan ke daur to aayenge
Ke hai yeh zeest ka faisala,
Ibadat khud ba khud ho jaayegi
Rahegi tujh per shifa ata,
Sar jhuka kar chal ‘sahil’
Nahin hai aur koi raasta,

Yaad rahey hamesha tujhko

Hai sab maula ki riza.


  1. Kuchh kehne ko nahin to kh-mosh hun
    Kuchh peene ko nahin per madhosh hun
    Ghalat fahmi hogi yeh samajhna ‘sahil’
    Ke sukoon men main be-josh hun.

    Hungaama machaana zuroori nahin


    Khalwat meri koi majboori nahin
    Main ne khud kiya hai yeh intekhaab
    Duniya se meri koi doori nahin

    Tanhai men taskeen  bhi aasaan nahin


    Har bashar jahaan men koi insaan nahin
    Khala aur falak men hai tafreeq bahot
    Har khuli jagah koi aasmaan nahin



  1. Sukoon to ‘sahil’ man o dil men hai


    Khalwat ka sukoon bhi mehfil men hai
    Gar, gufatagu khud se musalsal rahey
    Dil to yaro sang-dil men bhi hai



  1. Gulshan o biyaabaan ke ho jo darmiaan

Us raah per chal ‘sahil’, jeena aasaan hoga

Yaksaan milega mausam, qana’at ke honge

Phool bahaar na khazaan, sukoot na toofaan hoga
37. Door karti hai ghalat fahmi insan ko insan se

Paida karti hai gumaan unke woh, darmiaan

Goya, abr aa gaya ho unki zaat ke beech

Jahan saaf tha tab tak woh neela aasmaan




  1. Ibarat paziri to sahil maaqooliat hai

Ke kum hi milte hain mauqey kisiko dobaara

Sajde kijiye, ya duaaen maangiye

Nahin milta hai falak se kabhi toota sitaara

38. Ai Andaleeb Tujhe Salaam

Na khaar se chherdkhaani na gul se dil lagi
Chhord aaya hai door ‘sahil’ woh iraada e masti

Jaata hai gulsitaan woh, milne bas baghban se


Sun ne woh naghma koi, bulbul ki aawaz sureeli

Khil uth ta hai dil uska, dekh naachti hawa ko


Baad e nau bahaar se, hamesh khelti hui kali

Nazar aayi jab andaleeb, hairaan hua tab ‘sahil’


Badan tha uska gul sa, aankhen theen uski neeli

Jannat ki woh pari thi, ya hoor koi zameen per


Aah bhari shaair ne phir, aankhen theen uski geeli

39. Ab to saansen bhi dua maang kar hi leta hun

‘Sahil’, bharosa jo kum hota ja raha hai

40. Rab se na hui to woh mehrami hi kya


Khud se na hui to woh dil lagi hi kya

Maangte ho dua roz, keh kar hai aakhiri


Fana ki na hui to woh aakhiri hi kya

Afsurdagi na dil men, na pashemaani koi


Bhale tar ho woh chashm, woh nami hi kya

Falak na suney, na sitaare woh sada


Cheekh dil se na uthey to woh ghami hi kya

Zakhm na koi, na hi daaman pe koi daagh


Farishtah sahi ‘sahil’, per woh aadmi hi kya

41. Shabnam ne nahin bhigoya, asnsoo hain yeh falak ke


Kya sitaare bhi aaj ‘sahil’, mujh se udaas hain

42. Kaafiron se suna hai naam rab ka ‘sahil’


Woh unke har aah e majboor men hai

Tere baada men saqi woh suroor hai kahan


Jo chashm e num o rukh e mastoor men hai

43. Naale na suna, na tu gham ki daastaan

Bahot dekhi hai main ne zindagi ‘sahil’

Maskhari ka hai shauq, dil lagi mera pesha

Bana leta hun har ja ko main apni mehfil

44. Sukoon se dekh doobte suraj ko


Umeed e farda dil men ho
Milegi manzil ‘sahil’ tujhe
Bas, yaqin tera manzil men ho

45. Naale na suna, na tu gham ki daastaan


Bahot dekhi hai main ne zindagi ‘sahil’
Maskhari ka hai shauq, dil lagi mera pesha
Bana leta hun har ja ko main apni mehfil

46. Gulaab ko dekha khilte huay to chashm huay num


Yaad aayi tifli tab ‘sahil’ko, yaad aayi khushi kuchh gham
Maazi bhi kya shai hai yaro, tilism hai us men pinhaan
Kyon karta hai insaan kaho, ek doosre per sitam

47. Haal na puchho dukhi bandiyaan da


Phande, phande nen, ki puchhna phandiyaan da
Darya ich paani bahot ai aj kal, ‘sahil’
Haal bura ai yaaro, zamaane de rondiyaan da==

48. Ai jindri vee badi bala ve


Hasaundi te rula ve
Changey bhale sutte nun
Hichkoley de, hila ve

49. Mahabataan vee vekhiyaan, nafrataan vee vekhiyaan


Karam audey te aafataan vee vekhiyaan,
Koi hai jera ai keh sakey, tu ee das ‘sahil’
Jinhen mahabataan te nafrataan naiyo vekhiyaan

50. Yaadaan bachpan diyaan

Darya ichon darya te ‘sahil’, Chenaab
Te pe’en nun mil jaave mai e naab
Fer ki karni je loko tussi sharab
Je langey twahde kolon, Raavi da aab

51. Tere qahr se nahin hai khauf mujhe


Tere karam se lagta hai mujhe dar
Uthaunga vazn in gulon ka kab talak
Haazir hai, ya rab, tere ‘sahil’ ka sar

52. Waqt bahot hai dil jalaane ko


Fursat nahin hai raah dikhlaane ko
Baat karte hain lekin sukoon ki ‘sahil’
Kya hua hai is jadeed zamaane ko

53. Nahin hai ‘sahil’ yeh koi ittefaaq


Tukhm se ghuncha, gul se khaak
Daur e hayaat ka hai yeh dastoor
Kar le tasleem, tu kar le idraak

54. Hawa Ki Kya Ada Thi Aaj

Hawa ki kya ada thi aaj
Jhoomti goya bahaar thi aaj
Gungunaati hui sada ke saath
Mazeed lutf pe sawaar thi aaj
Hawa ki kya ada thi aaj

Dheemi thi raftaar uski


Magar thi woh lagataar uski
Hum bhi saath phir ho liye
Nadi se aayi jab pukaar uski
Hawa ki kya ada thi aaj

Rukh pe thi muskaan uski


Har ada thi nadaan uski
Saba ya naseem thi kya
Haseen thi aan baan uski
Hawa ki kya ada thi aaj

Humsafar thi woh kuchh der tak


Subh se le kar andher tak
Shab ne kiya ghaayab usey
Shaayad kal saver tak
‘Sahil’, hawa ki kya ada thi aaj

55.


Kis daur ki aamad hai tujhe, kyon muntazir hai ‘sahil’
Aaj darham dekh har ja tu, barham hai teri mehfil
Chalte ja tu raah per apni, fikr tujhe hai kya
Khud ba khud aayegi ik din, hai door abhi manzil

56.


Sukoon ka aashiyaan hai shab
Shab se khauf to na samjhi hai
Subh se shaam to ‘ai ‘sahil’
Kathin aur bahot lambi hai

57.


Teri tajalli ne kiya tha Musa ko kor chashm
Be hosh na hoga ‘sahil’, ya rab, teri qasam
Tujhe baargaah men dekhne ka mushtaq hai woh
Sar jhuka hoga sharm se, aankh hogi uski num

58.


Afsos ke har tukhm kabhi gul nahin banega
Jaise har bashar kabhi insan nahin banega,
Insaniyat to ‘sahil’ goya mehakta gul hai
Kya aaj ka insan, kabhi insaan  banega
59.

Tum mere paas hotey ho goya jab koi doosra nahin hota"


Afsos 'Momin", "sahil ke dil men rab hai mustaqil, woh tanha hahin hota

60.
Riza sab prabhu ki hai


Kripa  Maula ki sab
‘Sahil’, mojiza masiha ka
Tafreeq,  insaan ki sab

61.


Kya gaati thi maan sulaane mujhe

Koi naghma hi hoga, koi lori ‘sahil’

Maazi ki yaaden kuhan hain ab itni

Yaad karna unhen, be had mushkil


62.

Jab toofaan aaya silah ke saath

Phir gilah ‘sahil’ kis baat ka

Har shab ki hui jab saver teri

Phir, gilah bata kis raat ka
63.
Tilism e mausam e gul jannat baney

Gar mil jaaye koi andaleeb wahan

Uske naghme se dil bahal jaayega

Kum hoga ‘sahil’ ik bad naseeb wahan

64.

Ba faiz e mausam e gul ‘sahil’



Har su hai hai aaj khushbu e gul

Na chali hawa to kya hoga kal

Yaad kisey rahegi yeh bu e gul

65.


Mausam e khazaan se pareshaan kyon

Jab tukhm hai us men ‘sahil’ bahaar ka

Kyon na waaqif ho gaya hai tu umeed se

Zaiqa bhoola hai kya, tu lutf e intezaar ka


66.

Gulshan bana lo yaro veeraan aashiaane ko


Baargaah e sukoon is darham zamaane ko

Gham ka ho koi hadisa gar yaad e maazi men


Bhula do ya suna do tum, us afasaane ko

Kaif ho aisa dil men dosto ru ba ru e saqi


Mai ki na parey zururat, phir paimaane ko

Jaante hain ai naaseh hum, nuskhe sab taskeen ke


Kuchh waqt to de ai zaalim lekin, dil manaane ko

Gul hon tere kuchh aisey riyaaz e dil men ‘sahil’


Jee karey bulbul ka phir, naghma sunaane ko

Khuftah hai yeh duniya, bin ehsaas hain yeh log


Tu hi bata maula, kya hua hai is zamaane ko

Chalte hain hum rab ko liye saath apne yaaro


Baithe rahen jo tayyar hain, hamen dubaane ko

Neki aur badi ki pehchaan har insan ko hai


Ibn e mariam ki darkaar nahin, yeh bataane ko

Dekh kar kahey tujhe duniya rashk o hasad se


Kuchh to keh kar jao logo, ‘sahil’ deewaane ko

Mil jaaye raah gar ya rab, tujh tak pahunchne ki


Darkaar nahin phir kaandhon ki, mujhe uthaane ko

67.


Koi labrez paimaana e qaraar dikhao
Khaali hamen koi baazaar dikhao
Sach ke ghordey per jo daure
Vaisa ‘sahil’ sawaar dikhao
68.
Hai aaj darham barham ki duniya
Sukoon nahin gham ki duniya
Ashk nahin to sookhe darya
Ek nahin, tum aur hum ki duniya

69.


Kahan gayi humdardi yaro
Har ja garmi sardi yaro
Be se thi bahaar kabhi
Aaj be sa hai be-dardi yaro
70.
Ulfat bhi aaj nyaari hai
Aaj ki mahabat, kal kaari hai
Vazn phoolon ka dekh ‘sahil’
Kaandhon per kitna bhaari hai
71.
Sawaal nahin karta hun main
Rab se bahot darta hun main
Jung mere zahn men hai
Ab khud hi se ladta hun main
72.

Dubo de ‘sahil’, isey kar de fana

Khatrnaak hai varna be inteha ana,

Momin hai tu, naam rab ka hai lab per

Safiney ka mallah tu usey bana
73.

Manind e darya hun, sumundur hai qareeb

‘Sahilk, ghuroob honey ko hai aaftaab

Lutf le mukammal chaandni raaton ka

Jab talak tere falak men hai mahtaab

74.


Haqeer hun, dabeer hun, tera main faqeer hun Ya rab, aaj tera insaan, kal ek tasweer hun Kya hun, kya nahin hun, per jaanta hun itna ‘Sahil’, muqaddar ke ruqqe pe bas tasteer hun

75.


Insananon se to vaajib hai pursish “ insan kab honge”

Sitaaron se puchhe kaun meharbaan kab honge


Ghaarat har jaanib, shor o ghul o hungama ba pa

Yeh kooche yeh gulshan kaho veeran kab honge


Roz marra ke tamaashe, to jhelta hai ghareeb

Jaane woh bad naseeb pareshaan kab honge


Ai ahl e siyaasi, khauf khuda ka to karo

Na jaane, yeh sangdil pashemaan kab honge


Aaj sitaare bhi takte hain zameen ko mayoos

Kaun jaane ‘sahil’ woh kehkashaan kab honge

76.

Chal, ai zeest, tujhe chhord aaun kahin



Tujhe bhi phir, kahin taskin to miley

Khaak hi sahi teri qismat, maana

‘Sahil’, na sahi falak, zamin to miley

77.


Sada e tehzeeb o tammadun

Kis bala ka naam hai tehzeeb o tamaddun


Kis zamaane ka ye hawaala hai
Kuchh to bata, hamen ‘sahil’ samjha
Yeh ahd e jadeed bahot nirala hai

Kaha karte they jadd e amjad kabhi


Izzat se badh kar koi shai nahin
Munh chhupaaye hain log girebaan men aaj
Daamaan kisi ka paak hai nahin

Mahabat,murawwat men khudi na thi


Jaan nisaari ka woh zamaana tha
Dastak na dete they mehmaan kabhi
Ke sajde ka naam aana jaana tha

Woh kahan hai daur aaj Insaniyat ka


Haathon men nahin khanjar dilon men hai
Baat hoti hai kis tehzeeb o tamuddan ki
‘Sahil’, dilchaspi to ab nafraton men hai

78.


Bhule vaada ‘sahil’ hum, jo hamen nibhaana tha

Dil hi men woh reh gaya, raaz jo hamen bataana tha


Shab ko so gaye hum yaro kar ke usey alvida

Faramosh kaar kyon aaftaab, usey to hamen jagana tha


Sabr na seekha na seekha khumgaah ka saliqa kyon

Rind baney kyonkar saqi, haath men jab paimaana tha


Muddat hui miley tum se, khalwat kyon, ‘sahil’ bata

Rafaqat se kyon rootha tu, kya dosti ko aazmaana tha


Charche suney they khalwat ke, khalwat ke sukoon ke, yaro

Zindagi ka mafhoom bas, khud ko hamen samjhaana tha


79.

Jo miley kaho usey jazaakallah

Dua karo umr ho daraaz uski

Sun le rab, har dil aazurdah ki aah

Pahunche ‘sahil’ us tak aawaaz uski

80.


Rishton men qaatil to be zabt zabaan hai
Mahabat men nigaah to dil ki zabaan hai
Firasat ko samajhte hain taqreeren aaqil
Firasat men “sahil”, kh-moshi hi zabaan hai

81.


Rang gulon ke kya dekhta hai

Baat kar to khush bu ki

“Sahil”, laal to naar bhi hoti hai

Baat kar to khush khu ki

82.

Log to zeest ko bulbula ya hubaab kehte hain


Hum to ‘sahil’, hubaab ko hi hubaab kehte hain

Gardish e ayyaam, badalta waqt, hukm rab ka


Isi ko mah o anjum o aaftaab kehte hain

Tafreeq to fitrat hai chaman ki, ai baghbaan


Kum aaqil to har gul ko gulaab kehte hain

Be sabaati sahi,  numood o bood to hai


Na jaane log kaise hayaat ko saraab kehte hain

Koi adaavat nahin tere maikade se, saqi


Be zabti ko log, farsh e kharaab kehte hain

Daanishmand miley koi ahl e siyaasi men, aaj


Aise bande ko logo, hum nayaab kehte hain

Samajh le jo chaahe zindagi ko tu, haq hai tera


Shaikh, hum to isey tajurbon ki ktaab kehte hain

Daulat, maal o mat’a, kaakh o gulzaar, so kya


Hum to mahabat o murawwat ko asbaab kehte hain
83.
Tifli, ghuncha, tukhm, nishaan hain nadaani ke
‘Sahil’, inhin ko hum, peeri ka hisaab kehte hain

Каталог: image
image -> Kataloq sərgi-Yarmarka Azərbaycan xalqının ümummilli lideri Heydər Əliyevin 90 illik yubileyinə həsr olunur
image -> 2. Fakültə:İnformasiya texnologiyaları, aqrarmühəndislik və energetika mühəndisliyi
image -> Penitensiar sistemdə Vərəmə nəzarət üzrə TƏLİmat
image -> Azərbaycan Dövlət İqtisad Universiteti «TƏSDİq ediRƏM»
image -> TƏSDİq ediRƏM” azərbaycan tariXİ
image -> Aqrar bazarin formalaşmasi və İNKİŞaf xüsusiYYƏTLƏRİ fənni üzrə İŞÇİ TƏDRİs proqrami
image -> Kafedrasi
image -> AZƏrbaycan respublikasinin təHSİl naziRLİYİ azərbaycan respublikasinin təHSİl probleməRİ İnstiTUTU azərbaycan döVLƏT İQTİsadi universiteti
image -> Qrafikdizay n fənninin proqramı baki – 2013 Azərbaycan Respublikası Təhsil Nazirliyi Azərbaycan Dövlət İqtisad Universiteti “Dİzayn” kafedrası Qrafik dizayn
image -> AZƏrbaycan respublikasi təHSİl naziRLİYİ azərbaycan döVLƏT İQTİsad universiteti «İQTİsadi TƏHLİl və audiT»

Yüklə 295,67 Kb.

Dostları ilə paylaş:
  1   2   3   4   5




Verilənlər bazası müəlliflik hüququ ilə müdafiə olunur ©muhaz.org 2020
rəhbərliyinə müraciət

    Ana səhifə