O`ZBЕKISTON RЕSPUBLIKASI OLIY VA O’RTA MAXSUS TA‘LIM VAZIRLIGI QARSHI DAVLAT UNIVЕRSITЕTI PЕDAGOGIKA KAFЕDRASI p.f.n.dots.I.Radjabova Qarshi-2022 PEDAGOGIK KONFLIKTOLOGIYA FANI 11-Mavzu.Pedagogik konfilektologiyada tolerantlik tushunchasi va mediatsiya qoidalari (2 soat) Reja: 1. Pedagogik konfilektologiyada tolerantlik tushunchasi
2. Tolerantlik xususiyatini o’rganishda milliy an’analar, milliy qadriyatlarni o’rni.
3. Mediatsiya - vositachilikning asosiy vazifasi va qoidalari.
Tolerantlik - (lotincha “tolerantlo” chidamlilik,bag’rikenglik, sabr-toqatlilik,yon berish) dinlar, ijtimoiy tartiblar, milliy va diniy urf –odatlar, madaniyatlar, o’zga diniy, siyosiy qarashlar, e’tiqodlar hamda turmush tarziga nisbatan sabr –bardoshlilik, chidamlilik, odoblilik, andishali bo’lish ma’nolarini anglatadi
Tolerantlik - deganda tor ma’noda, dinlar rang-barangligini inkor etmaslik, dinlararo bag’rikenglik tushuniladi. Tolerantlik tushunchasi ekistrimizim kabi tushunchalarga qarshi bo’lib, falsafiy-ijtimoiy ong tarkibidan o’rin oladi va inson tafakkurida namoyon bo’ladi. Tolerantlik murakkab va o’ziga xos, ham ijtimoiylik, ham individuallik xususiyatlarini o’zida mujassam etgan voqelik hisoblanadi. Tolerantlik faqat insonning o’z shaxsiy xususiyatlariga aloqador bo’lgan psixologik tushuncha bo’lmay, balki insonga xos bo’lsa ham, ana shu o’ziga xoslikni boshqa insonlarga qarata ishlata olish, qo’llay bilish ko’nikmalaridan iboratdir.
Shuning uchun tolerantlik ham inson shaxsiy hayotiga, ham uning ijtimoiy hayotiga aloqador bo’lgan voqelik sifatida amal qiladi. Erkin, sotsial va madaniy tarkibi, kelib chiqishi bir xil bo’lmagan ixtiyoriy jamiyat, o’z barqarorligini ta’minlash uchun tolerantlikka muhtojdir. Tolerantlikning samaradorligi esa, undagi hukmron mifologik, diniy va ilmiy-ommaviy ong bilan qay darajada mos kelishiga bog’liq. .
