Pendahuluan

Rangkaian Adat, Syarak dan Undang

BISSMILAHHIRROHMANIRROHIM
LUHAK NAN TIGO – LAREH NAN DUO

Adopun nan tabagi di luhak nan tiga, di lareh nan duo iyolah tigo parkaro, mano-mano nan tigo parkaro:

1. 
   Adat nan balukisan
   
2. 
   Syarak nan babatulan.
   
3. 
   Undang nan batujuan.
   

Adopun nan di katokan luhak nan tiga iyolah:

1. 
   Luhak Tanah Datar
   
2. 
   Luhak Agam
   
3. 
   Luhak Limo Puluh Koto
   

Adopun Luhak Tanah Datar itu tarbagi ateh tigo bagian :

1. 
   Luhak Tanah Datar di Ateh
   
2. 
   Luhak Tanah Datar di Tangah
   
3. 
   Luhak Tanah Datar di Bawah
   

Adopun Luhak Tanah Datar di Ateh iyolah dari Bukit Tunggang Sikulani hinggo Ka Padang Gantiang.

Adopun Luhak Tanah Datar di Tangah iyolah sejak dari Padang Ganting Rajo Dani hinggo ka Gunung Kudo Bakatuok Koto Tujuh.

Adopun Luhak Tanah Datar di Bawah iyolah dari Gunung Kudo Bakatuok Koto Tujuah hinggo ka Tanjung Simalidu.

Sajak dari Tanjung Simalidu Mudiak : pusako pulang kepado kamanakan, sajak dari Tanjung Simelidu Hilie : pusako pulang kapado anak baitu tata barinyo.

Adopun nan dikatokan di Lareh Nan Duo iyolah : Lareh Koto (kato) Piliang (pilihan) jo Lareh Bodi (budi) Chaniago (ch;s – saniago)

Adopun Lareh Koto Piliang di sabuik Lareh Datuak Katumanggungan. Lareh Bodi Caniago di sabuik Lareh Datuak Parapatiah Nan Sabatang.

Nan disabuik Lareh Koto Piliang iyolah lareh nan panjang berkuaso di adat nan balukisan.

Nan disabuik Lareh Bodi Caniago iyolah lareh nan bunta berkuaso di syarak bakitabbullah.
Adopun pemakaian Lareh Nan Duo :

1. 
   Lareh Koto Piliang musajiknyo batunggak gantung-gantungan, balai-balainyo balabuoh gajah, sokonyo baramo-ramo si kumbang janti, kotik endah pulang bakudo, patah tumbuah hilang baganti pusako baitu juo.
   
2. 
   Lareh Bodi Caniago, musajiknyo batonggak merau, balai-balainyo salalu sajo, sokonyo gadang bagala, kato basalin, hiduik bakarelahan, mati batungkek budi, inyo barajo kamupakat.
   

Adopun adat nan balukisan iyolah ado ompek perkaro :

1. 
   Adat.
   
2. 
   Istiadat.
   
3. 
   Nan taradat
   
4. 
   Nan sabananyo adat.
   

Nan dimukasuik jo adat iyolah mengandung tigo tarjemah:

1. 
   Nan berulang-ulang
   
2. 
   Kelakuan nan tatap
   
3. 
   Kelakuan ahli nagari
   

Nan di maksud jo lukisan iyolah bagambaran (contoh) untuk maambiak adat, mako di namokan adat nan balukisan, iyolah kalakuan nan ado contoh tampek maambiaknyo itulah adat nan balukisan

Nan dimukasuik jo kelakuan ahli nagari iyolah piliah parangai urang nan mamimpin nagari, umpamonyo kelakuan ninik mamak, alim ulama jo kapalo nagari.
Adopun nagari tarbagi ateh tigo pulo :

1. 
   Nagari
   
2. 
   Tubuh Nagari
   
3. 
   Mati nan terkandung dalam tubuh, kalau di dalam nagari ikolah ahli nagari.
   

Ahli Nagari:

1. 
   Alim Ulama
   
2. 
   Penghulu
   
3. 
   Kapalo Nagari, mako kelakuan nan tigo ikolah nan di namokan: adat apabilo sapakaik ketigo-tigonyo itulah: ahli nagari.
   

Kalau di dalam tubuh kito ahli nagari ado tigo kalakuan macamnyo, apobilo sepakaik katigo-tigonyo baiklah nagari.

Nan tigo macam itu :

1. 
   Kelakuan Hati
   
2. 
   Kelakuan Lidah
   
3. 
   Kelakuan Anggota, demikianlah kelakuan ahli nagari di dalam tubuh kito sendiri.
   

Mako jalehlah bahsonyo nagari itu tampek panyusunan nan sebaik-baiknyo, apabilo sapakaik manjadi adat, baitulah adat tubuh kito, mako pahamlah kito jo adat nan balukisan.

1. 
   Pertamo Pado Nagari Sudah Tersusun
   

Pado tubuh kito:

1. 
   Wadi
   
2. 
   Mazi
   
3. 
   Mani
   
4. 
   Ma’naikan
   

Pado hati kito:

1. 
   Iman
   
2. 
   Islam
   
3. 
   Tauhid
   
4. 
   Ma’rifat
   

Pado nan bernafsu:

1. 
   Hawa
   
2. 
   Nafsu
   
3. 
   Dunio
   
4. 
   Setan
   

Pado Ruh:

1. 
   Wujud
   
2. 
   Alemu
   
3. 
   Nur
   
4. 
   Suhud
   

Mako jalehlah bahsonyo nagari itu adolah tampek manyusun tiap duo ahli nagari, aratinyo nan memerintah akan kaumnyo, demikianlah adat nan balukisan.

Adopun syarak berbatulan iyolah ampek parkaro :

1. 
   Ma’azibatkan zat Allahuta ’alah
   
2. 
   Ma’azibatkan sifat Allahuta ’alah
   
3. 
   Ma’azibatkan pi’il Allahuta ’alah
   
4. 
   Ma’azibatkan kebenaran Rasullulah
   

Nan dimukasuik jo syarak adolah syari’at nan akan disyari’atkan yaitu limo parkaro:

1. 
   Syahadat 4. Berzakat
   
2. 
   Sembahyang 5. Naik Haji
   
3. 
   Puaso
   

Dengan mensyari’atkan nan limo waktu itu mako dapeklah kito mencapai syarak nan ampek sarupo nan tasabuik di ateh.

Mako nan limo itu manjadi rukun bagi kito nan ba Agamo Islam. Mako botulnya adolah Al-qur’an jo hadist Rasulullah ‘alaihissalam, sasuai sabdanyo nan babunyi; Yubna Islam ‘alal khamsyah, nan aratinyo “Binalah Islam itu atas lima perkara”

Maka syarak nan barbotulan dipimpin oleh pangulu dalam nagari, baitulah adat dan syarak, jadi lukisannyo adat iyolah syarak.

1. 
   Nagari
   
   1. 
      Adat iyolah maisbatkan zat Allah
      
   2. 
      Istiadat iyolah maisbatkan sifat Allah
      
   3. 
      Nan Istiadat iyolah maisbatkan pi’il Allah
      
   4. 
      Nan sabananyo Adat iyolah maisbatkan kabanaran Rasulullah
      

2. 
   Tubuh
   

1. 
   Urek iyolah Iman
   
2. 
   Tulang iyolah Islam
   
3. 
   Utak iyolah Tauhid
   
4. 
   Bonak iyolah Ma’rifat
   

3. 
   Pado Roh, Hati dan Nyawa
   

1. 
   ‘Azim aratinyo kebesaran
   
2. 
   Hakim aratinyo Kokoh
   
3. 
   Qowiyun aratinyo kuek
   
4. 
   Nahiyun aratinyo hiduik
   

1. 
   ‘Azim tujuannyo adolah Wujud, wujud adolah zat Allah rasio tibo pado kito.
   
2. 
   Hakim tujuannyo adolah ‘Alemu, ‘alemu itulah sifatnyo Allah, nyawo tiba dikito.
   
3. 
   Qowiyun tujuannyo adolah Nur, Nur itu adolah ismaknyo Allah, hati tibo pado kito.
   
4. 
   Nahiyun tujuannyo adolah Suhud, Suhud itu adolah pi’ilnyo Allah, karajo tibo pado kito.
   

Pahamkanlah bahsonyo adat jo syarak sarupo tubuah jo nyawo, andai tubuah jadi adat, syarak manjadi nyawo.

Adat nan balukisan adolah Syari’at, Islam, Tubuah, Sifaik, Hamba mamakai zahir.

Syarak nan barbotulan odolah Hakikaik, Iman, Nyawo, Tuhan mangato batin.
Baitulah adat jo syarak sarupo tubuah jo nyawo, perhatikanlah Ranji ko dengan indak ado karaguan padonyo, bahsonyo adat jo syarak indak dapek kito pisahkan. Pahami bana, sampai sabana dapek diambiak pahamnyo.
Adopun Undang-Undang Nan Batujuan Ampek parkaro:

1. 
   Undang Undang Luhak
   
2. 
   Undang Undang Nagari
   
3. 
   Undang Undang Urang dalam Nagari
   
4. 
   Undang Undang Nan Duo Puluah
   

Nan dimukasuik Undang Undang Luhak iyolah; Alam dibari barajo, Luhak dibari ba Urang Gadang, Nagari dibari ba Datuak, Suku dibari ba Pangulu, Kampung dibari ba Nan Tuo, Rumah dibari ba Mamak (batungganai).

Nan dimukasuik Undang-Undang Nagari iyolah bak pipatah hadis malayu; Inggirie Bakorek Kuku, di Korek jo Pisau Sirauik, ka Parauk Botuang Tuo, Tuonyo Elok ka Lantai. Nagari ba kaampek suku, Suku ba kaampek Jini, paruik ba kaampek paruik. Nan Bana juo Nan ka Dipakai.

Nan dimukasuik Undang Undang dalam Nagari iyolah Kusuik disalosai, Karuak di Pajoniah, Silang diparalakan, Udua didamaikan, Sangketo dihabisi, bapadoman pado Kato Nan Ampek yaitu:

1. 
   Kato Pusako
   
2. 
   Kato Mufakaik
   
3. 
   Kato Dahulu Batopati
   
4. 
   Kato Kudian Kato Dicari
   

Adopun Kato Nan Ampek di ateh barbotulan dengan syarak, yaitu:

1. 
   Kato Pusako adolah Kalamulah
   
2. 
   Kato Mufakaik adolah Ijmak
   
3. 
   Kato Dahulu Batopati adolah Hadist Nabi
   
4. 
   Kato Kudian Kato Dicari adolah Kias (Bandingan)
   

Nan dimukasuik Undang Undang Nan Duo Puluah iolah tabagi ateh duo bagian,yaitu:

1. 
   Salapan Manjadi Larangan
   
2. 
   Duo Boleh Manjadi Talinyo.
   

Alam

Adopun Alam itu tabagi ateh ampek yaitu:

1. 
   Alam Ruh
   
2. 
   Alam Misal
   
3. 
   Alam Jasam
   
4. 
   Alam Insan
   

Nan dimukasuik Alam iolah Maso, Nan dimukasuik Rajo iolah nan mamarentah.

Samaso Alam Ruh diparentahi oleh Allah Subhanahu ta’ala, nan mamarentah ko diaratikan Rajo.

Samaso Alam Misal diparentahi oleh babagai-bagai kaadaan dan rupo nan manuruik perubahan. Nan marubah iolah Allah Subhanahu wata’ala

Samaso Alam Jasam diparentahi oleh nabi Adam alaihissalam yaitu Alam sagalo tubuah karano alam tubuah itu barasal dari nabi Adam dan nabi Adam itu diparentahi oleh Allah Subhanahu wata’ala.

Samaso Alam Insan diparentahi oleh nabi Muhammad Salallahu Alaihissalam. Nabi Muhammad itu iolah Insan, insan iolah manusia nan sampurna. Nan dimukasuikjo Sampurna iolah manusia nan patuah ateh parentah nabi Muhammad s.a.w. Nabi Muhammad s.a.w diparentahi oleh Allah Subhanahu wata’ala.

Mako takluak Rajo Mamarentah, takluak Alam adolah nan diparentah.

RAJO adolah nan memimpin, mako tiok pemimpin wajib bapadoman kapado Al-qur’an jo Hadist, dan bapi’il nan baik sarupo nabi Muhammad kito, mako ikonlah contoh gambaran sagalo Ahli Nagari.

Bapadoman pado ikolah handaknyo pamimpin dan nan dipimpin, hinggo dapek salamaik dari dunia sampai ka akhiraik.

Baitulah Undang Undang Luhak dalam pangajiannyo.
Nagari adolah Taratak, Dusun, Koto, Nagari, Korong, Kampuang, Suku dan Jurai.

Tubuah adolah:

1. 
   Api, Api itu iolah Annasir Muhammad
   
2. 
   Angin, Angin itu adolah nafas Muhammad
   
3. 
   Air, Air itu adolah air nur Muhammad
   
4. 
   Tanah, Tanah itu adolah daging tibo di kito
   

Mako dari itu jalehlah bahsonyo Nagari tampek penyusunan nan indak dapek di ubah-ubah.

Baitulah pemakaian jo pangajiannyo dari Undang Undang Nagari.

Adopun Arati Undang Undang dalam Nagari iolah bak pipatah hadis malayu: Salah Cancang Mambari Pampe, Salah Bunuah Mambari Diat, Salah Makan Memuntahkan, Salah Tariak Mangumbali, Kok Sasek Suruik, Talangkah Kumbali, Gawa Manyombah, Salah Maisi. Adat di Pakai, Limbago di Tuang. Salah kapado Allah Mintak Tobaik. Sabagaimano nan tacantum dalam Al-qur’an surat ......... ayat ......., nan babunyi: Tubu Ilallah Taubatun Nasuha. Aratinyo “Bertobatlah kamu kepada Allah dengan sebenar-benarnya tobat”

Salah kapado Manusia Mintak Maaf, sabagaimano nan tacantum dalam surat ............., ayat ............. babunyi: Fa’fu waspahu aratinyo “bermaaf-maafan lah kamu sesama kamu” dan Basupaha. Dan Utang di Bayie, Piutang di Tarimo sasuai jo sabda nabi nan babunyi:..........

Nan di mukasuik jo Salah Cancang Mambari Pampe iyolah; arati cancang iolah melukai, arati Pampe iolah Manilai kerugian orang.

Pahamnyo mako indak buliah malukoi tubuh dan hati urang lain, jikalau kito menyakiti tubuah dan hati urang lain, tantunyo salah. Sabagaimano nan tacantum dalam Al-qur’an surat annisa’ ayat (1) yang berbunyi Wattaqullahallali Tasa Allunabihi Wal Arham Innallaha Kana‘ Alaikum Raquiba. Aratinyo “Bertaqwalah Kamu Kepada Allah Dengan Namanya, Kamu Saling Menyintai Satu Sama lain Dan Peliharalah Hubungan Silaturrahim, Sesungguhnya Allah Selalu Mengawasi Kamu”.

Nan di mukasuik jo Salah Bunuh Mambari Diat, yang di katakan membunuh menghilangkan nyawa, yang dikatakan dengan adat yaitu mengganti.

Pahamnya barang siapa yang sengaja atau tidak di sengaja membunuh orang lain, menurut undang-undang dalam nagari itu salah. Sesuai dengan firman tuhan Annisa ayat (92) yang berbunyi Wama Khanalilmukmin ‘Yatuktula Mukminin Ihlakatoan Wamangqatala Mukminan Khatoaan Fatahiru Raqabatin Mukminatin Wadiyantum Musalla Matun Illa Ahlihi. Yang artinya : Dan Tidaklah Boleh Seorang Mukmin Kecuali Karena Tersalah (Tidak Sengaja) dan Barang Siapa yang Membunuh Seorang Mukmin Dengan Tidak Sengaja, Hendaklah Ia Memerdekakan Seorang Budak atau Membayar Diat dan Menyerahkan Kepada Keluarganya. Ikolah nan di katokan salah bunuh mambari diat..

Nan dimukasuik Salah Makan Mamuntahkan iolah sagalo sesuatu perbuatan nan balabih-labihan, mako parbuatan itu di sabuik salah makan, yaitu alah mendatangkan akibaik nan indak elok, mako kita harus manahan parbuatan anggoto nann barlabih-labihan, karano parbuatan itu alah di kandalian oleh hawa nafsu dunia setan, kalau kito tahan parbuatan tu mako kito akan mendapekkan kasalamatan dunia akhiraik.

Nan di mukasuik jo Salah Tarik Mangumbalikan iolah: harato kapunyoan urang lain mako ditarik jo tarik usul aratinyo tarik satau nan punyo karano tarik itu tarbagi limo parkaro iolah:

1. 
   Tarik Usul
   
2. 
   Tarik Sangketo
   
3. 
   Tarik Sangkutan
   
4. 
   Tarik Cabuoh
   
5. 
   Tarik Baguno
   

Nan di mukasuik jo Sosek Suruik, Talangka Kumbali iolah: Satu parbuatan nan indak di sangajo, mako kito harus kumbali dari parbuatan nan salah kapada parbuatan nan bana.

UNDANG-UNDANG NAN DUO PULUAH
Adopun undang-undang nan duo puluah tabagi ateh duo :

1. 
   Nan manjadi larangan Salapan.
   
2. 
   Duo Boleh manjadi kaduonyo
   

Nan dimukasuik jo Larangan iolah parbuatan nan indak buliah kito karajokan:

1. 
   Larangan Allah jo Rasul iolah larangan sarupo Kafir Jo Maksiat.
   
2. 
   Larangan sagalo manusia iolah sagalo Perbuatan Nan Indak Elok, Larangan Adat Syarak Jo Undang. Ikolah Larangan Nan Salapan iolah sabagian dari Undang Undang Nan Duo Puluah, barang siapo mamparbuat salah satu Larangan Salapan iko mako urang tu mandapek salah manuruik Adat. Sorak jo Undang. Ikolah nan manjadi larangan yaitu :
   

Samun	Sakar
Maliang	Juri
Upeh	Racun
Siar	Bakar
Dago	Dagi
Tikam	Bunuah
Sumbang	Salah
Rebut	Rampeh

Pahamnyo kito indak buliah malakekan parbuatan Larangan Nan Salapan itu mako wajib kito paliharo diri kito dari sagalo perbuatan nan indak di ridhoi allah sarupo larangan nan salapan.
Apo artinyo Samun yaitu:

Maambiak harato urang jo kekerasan, tampeknyo di rimbo nan langang antaro kampuang ciek kampuang.

Adopun Samun tabagi tigo :

1. 
   Samun Putiah
   
2. 
   Samun Mambubuang
   
3. 
   Samun Bungkuih
   

Nan di mukasuik jo Samun Putiah iyolah Tabukti Urang Nan Basalah Tarang- Tarangan, Hinggo Indak Dapek Batindak Lain.

Nan di mukasuik jo Samun Mambubuang iolah Batali Galeh aratinyo Bertali Undang Kapado Nan Lain. Mako Bajalan Sudi Jo Siasaik, Balayia Si Undang-Undang Lumpuoh, Hilie Badayuang Mudiak Bagalah Tibo Di Tabiang Tumbuak Manumbuak, Tibo Di Lubuak Minum Makan Aratinyo Tibo Di Tampek Nan Basalah.

Umpamonyo: saurang di samun urang di suatu tampek kamudian di tampek nan lain kedapatan barang itu, mako ditanyo dimano inyo dapek barang tu, baitulah sataruinyo sampai kapado nan bapilih.

Nan dimukasuik Samun Bungkuih iolah : Nagari Nan Barutang Artinyo Indak Dapek Nan Basalah.

Umpamonyo: saurang anak tingga pado suatu nagari, kamudian mati inyo pado nagari itu. Kamatiannyo di sababkan oleh Sanjato Nan Tajam, Tubuhnyo Luko Darah Baserak, Bangkai Tajelo. Tapi indak tau urang nan mambunuh, mako dunsanak urang tu manuntuik, mako nagari berutang, artinyo tanggung jawab talatak di tangan ahli nagari, yaitu: Niniak Mamak, Alim Ulama dan Kapalo Nagari sarupo Pamuka Masyarakat dan nan lainnyo dalam nagari tu, karano indak dapek Nan Runciang Tanduak Nan Bangka Kuniang, mako ahli nagari membayar diat kapado siwarisnyo nan manuntuik tu.
Apo Atrinyo Sakar yaitu:

Iolah Maambiak Harato Urang Lain Dengan Manyakiti Tubuhnyo, Tampeknyo Di Labuah, Di Tapian.

Pahamnyo Samun Sakar itu iolah parbuatan nan indak di ridhoi Allah, mako barang siapo nan malakukan tantu salah, sabab itulah samun sakar manjadi larangan nan salapan dalam adat.
Apo Artinyo Maliang:

Iolah Maambiak Harato Urang Lain Di Dalam Simpanan atau Diambiak Malam Hari, Mako itu Maliang Namonyo.
Apo Artinyo Curi:

Iolah Maambiak Harato Urang Nan Di Lua Simpanan atau Nan Di Ambiak Siang Hari, Mako itu Curi Nan Kanannyo.
Adopun Maliang Curi tabagi ateh tiga parkaro:

1. 
   Maliang Harato Namonyo
   

Nan di mukasuik Maliang Harato iolah: Maliang Barundang, salahnyo Bakandang artinyo Bakanyatoan.

2. 
   Maliang Bicaro Namonyo
   

Maliang Bicaro iolah: Manyabuik urang lain atau mungkia janji, dan membukak perbuatan nan di rahasiokan urang lain, karano parbuatan tu mambao fitnah.

3. 
   Maliang Parbuatan Hati Namonyo
   

Nan di mukasuik Maliang Perbuatan Hati iolah: manyambunyikan sagalo perbuatan hati, zahirnyo bak kato urang: lain di muluik lain di hati, mangguntiang dalam lipatan, manuhuak kawan sairiang saiyo batuka sabuik, sairing basimpang jalan, nan bak balam jo katitiran saangguk lai sangayo indak, itu nan di katokan Maliang Perbuatan Hati, nan mambaok kito kapado munafik. Mako itulah Maliang Curi manjadi larangan nan salapan dalam adat.
Apo Artinyo Upeh:

Iolah Mambari Makan Nan Manyakiti Dengan Indak Mahilangkan Nyawo Manusia atau Binatang Taranak Urang Lain.
Apo Artinyo Racun:

Iolah Mambari Makan Nan Manyakiti Dengan Mahilangkan Nyawo Manusia atau Ternak Urang Lain
Upeh Racun tabagi kapado:

1. 
   Upeh Racun nan lah lazim kito danga tajadi dalam nagari nan mamakai sayak
   
2. 
   Upeh Racun dalam parkataan kapado urang lain nan manyikiti hati seseorang.
   

Nan dimukasuik Upeh Racun dalam Parkataan iolah: kato-kato nan langsuang kito barikan kapado urang lain nan manyakiti hati sasaurang.
Mako sagalo parbuatan anggoto lidah dan hati, indak buliah manyakiti jo mambunuah parasaan urang lain, mako sabab itulah Upeh Racun manjadi larangan nan salapan dalam adat.
Apo Artinyo Siar:

Iolah Sijahek Handak Mambaka Sasuatu atau Pakarjaan Nan Handak Aniayo Kapado Urang Lain, tapi Alun Jadi Balaku Artinyo Alun Mandatangkan Kerugian Kapado Nan Punyo.
Apo Artinyo Bakar:

Iolah Sijahek Mambaka Suatu Nan Bukan Haknyo Hinggo Habis di Makan Api Artinyo Alah Balaku Pakarjaannyo.
Nan di mukasuik dengan siar bakar iolah nan menghanguskan nan bukan haknyo sandiri, bukan membaka barang saja.

Mako sagalo karajo nan manghanguikan pado urang lain baik tubuah, hati dan jiwa urang lain. Sabab itulah Siar Bakar manjadi larangan nan salapan dalam adat, jadi barang siapo nan manghanguikan tubuah dan hati atau jiwa dan harato urang maka parbuatan itu salah.

Apo Artinyo Dago:

Iolah melawan kapado ibu bapak atau kapado rajo dan pangulu artinyo malawan kapado adat, syarak dan undang.

Apo Artinyo Dagi:

Iolah kok gadang lah nak malondokan, kok panjang lah nak malindikan, kok cadiak lah nak manjua atau rajo dan pangulu lah mangatokan kato nan indak patuik kapado sagalo anak buah.

Nan dimukasuik jo Dago Dagi iolah : membantahi sagalo peraturan menurut adat, yarak dan undang, artinyo perintah dari pado ibu atau bapak atau dari pado niniak mamak atau daru pemerintah sagalo-galonya wajib patuhi dengaqn tidak ado perasaan melawan di dalam hati.
Apo Artinyo Tikam:

Iolah malukoi jo senjata nan tajam dengan tidak mengilangkan nyawa manusia atau binatang ternak orang.

Apo Artinyo Bunuh:

Iolah menghilangkan nyawa makhluk ataupun dengan apa saja, maupun manusia, maupun binatang ternak urang.

Yang malukai dengan bukan sajo dengan sanjato nan tajam, melainkan sagalo perbuatan melukai jiwa dan hati urang lain seperti dengan ujung lidah dan tunjuk.
Nan dimukasuik dengan tajam ujung lidah iolah nan nan ado mengakibatkan tubuh sakik dan mati tubuh, kato-kato nan menusuk hati dan jantung serta perasaan orang lain.

Nan dimukasuik dengan tajam ujung tunjuk iolah perbuatan nan ado mengakibatkan sakit atau mati, tubuh dan hati dan perasaan karano di tunjuk satu perbuatannya.

Demikianlah tikam bunuh nan mengakibatkan matinyo tubuah, hati dan perasaan orang, mako sekali-sekali jangan kito perbuatan tikam bunuh. Itulah sebabnya tikam bunuh menjadi larangan di dalam adat.
Apo Artinyo Sumbang

Iolah menyertai perempuan nan muhrim pado pihak ibu bapak atau pado pihak sanak saudaro artinyo nan haram di kawini manurik syarak.

Apo Artinyo Salah:

Iolah menyertai perempuan nan marando atau yang di larang tarik menarik, nan di larang kawin berkawain artinyo di larang menurut adat.

Nan di mukasuik menyertai perempuan iolah mencampuri perempuan muhrim jo indak muhrim.

Adapun bukan muhrim tabagi ateh duo :

1. 
   mukhrim mutlak
   
2. 
   mukhrim mukayat.
   

Nan di mukasuik jo mukhrim mutlak iolah nan indak manganduang sabab untuak mamuruihkan mukhrimnyo, sperti ibu atau sudaro atau anak nan sa ibu sebapak, dan nan sabapak manuruik katarangan Qur’an dan Hadist.

Nan di mukasuik jo mukhim mukayat iolah nan manganduang sabab untuak manjadi mukhrim. Dan ado pula sababnyo untuak mamutuihkan saparti sudaro bini kito nan sa ibu sabapak, dan kalau bini kito mati putuihlahlah mukhrim kito jo saudaronyo itu. Itulah nan di katokan mukhrim mukayat.

Sabab perbuatan sumbang salah indak di Ridhai Allah, mako sbaba itu sumbang salah manjadi larangan nan salapan manurut adat.
Apo Artinyo Rabuik:

Iolah mangfambil harato urang di labuah, di tapian, di pasar nan ramai atau di tampek karamaian.

Apo Artinyo Rampeh:

Iolah mangambil harato urang jo kakarasan dengan berterang-terangan amuah jo anggan, sagan jo rajan itulah nan di katokan jo rampeh.

Nan di mukasuik jo Rabuik Rampeh iolah parbuatan kito nan sangek jahek marusakkan jiwa jo hati urang lain, karano parbuatan kito.

Mako itulah sababnyo rabuik rampeh manjadi larangan nan salapan dalam adat.

Demilianlah uraian satu persatunyo larangan nan salapan dalam adat, dan nan salapan itu pulo di larang oleh syarak dan undang-undang, perhatikanlah keterangan supayo kito dapek manjalankan dalam kehakiman ada.

NAN DUO BALEH MANJADI TALINYO
Adopun Undang-Undang Nan Duo Puluah, Nan Duo Baleh Manjadi Talinyo iolah:

Terlolah Terkejar Terikat Terkunkung ( terkobek ) Tertando Terbeli

Terancang Meragih Terbayang Tertabur Terlacut Terpukul

Nan di mukasuik jo tali iolah : pengikat seseorang nan di tuduah melakukan salah satu larangan nan salapan.

Mako tiap-tiap kito akan mendakwakan salah satu kejadian nan alah tajadi dalam nagari, mako harus nan di tuduah itu kanai dek salah satu tali nan duo baleh, mako salah si pendakwah dan salah si pencemooh, mako udang lalu manghabisi itulah nan di namokan undang suruik manghangusi.

Nan di mukasuik jo undang lalu manghabisi iolah mandakwakan nan kanai dek tali nan duo baleh mako nan di dakwah indak dapek batindak lai, mako lalu undang lapado nan di tuduah, itulah undang lalu manghabisi.

Nan di mukasuik jo suruik menghangusi iolah pendakwah nan indak kanai dek tali nan duo baleh, mako suruik undang kapado si pendakwah.

Apo artinyo Telolah :

Iolah si jahek hampir-hampir dapek dengan nyato ruponyo mako urang itu dapek di dakwah.
APO ARTINYO TERKEJAR

Iolah si jahek tampak-tampakkan pungguang dengan nyato ruponyo, mako urang tu dapek di dakwah.

APO ARTINYO TARIKAIK

Iolah dapek barang nan hilang tu pado hampir rumahnyo, mako urang tu dapek di dakwah.

• 
  Nan dimukasuik jo tarikaik iolah umpamo seorang kehilangan, kebetulan dapek barang itu dalam pakarangan seseorang. Mako uarang tu dapek da dakwah.
  

Sawah silungkang ganang aia

Tampek urang baladang kapeh

Nan barutang nan mambayia

Nan manyancang nan mamampeh

Lai pulo sawah silungkang ganang aia

Tampek urang baladang kapeh

Lai pulo nan barutang nan indak mambayia

Nan tak manconcang nan tak mamapeh.

• 
  Manilah ruponyo nan tagisia kanai miangnyo, nan tagoyang kanai obehnyo, bapuja bapawik aakar, bausok babori makan, mustahil awak ndak tau.
  

APO ARTINYO TERKUNKUNG
Iolah indak ado urang nan kalua masuak, selain dari pado inyo waktu itu urang kahilangan, mako urang itu dapek di dakwah.
APO ARTINYO TERTANDO
Iolah mambari bekas pado tubuahnyo dengan nyato ruponyo, mako urang tu dapek di dakwah.

• 
  Nan di mukasuik jo tatando iolah : sewaktu sijahek itu melakukan kejahatan itu, honggo dapek di pukul jo kayu dan batu hinggo ado bekas di tubuahnyo.
  

APO ARTINYO TERBETI
Iolah terbukti sagalo kejahatannya ataupun dapek barang nan hilang tu pado tangannyo sandiri mako urang tu dapek di dakwah.
APO ARTINYO TACANCANG
Iolah lukotubuahnyo dengan nyato ruponyo, mako urang tu dapek di dakwah.
APO ARTINYO TERAGIH
Iolah putuih rambutnyo atau pakainanyo dengan nyato ruponyo mako urang tu dapek di dakwah.
APO ARTINYO TERBAYANG
Iolah di bawah pikek dibwah langgau, berbaun bak ambacang, bauris bak si pasin, mako urang tu dapek di dakwah.

• 
  Nan di mukasuik dibawah pikek di bawah langau iolah kato dari urang ka urangatau kaba angin atau tangiang-ngiang bahwa si A nan malakukan perbuatan itu.
  
• 
  Nan di mukasuik nan babaun bak ambacang dan bauris bak si pasin iolah ado ruponyo atau tandonyo.
  

Umpamonyo seseorang lalau atau nampak, sudah urang tu lalu ado urang kahilangan, mako urang tu sudah berubah hidupyo dari nan biaso, mako urang tu dapek di dakwah.

APO ARTINYO TERTABUR

Iolah lakunyo mashur jahek lazim dek nan banyak, boyan dek dek nan sakato, bahwa laku jo parangainyo jahek.

• 
  Nan di mukasuik jo boyan iolah sudah manjadi kebiasaan oleh urang tu, dan semua orang sudah tau bahwa parangainyo jahek, makourang tu dapek di dakwah.
  

APO ARTINYO TERLECUT

Iolah kedapatan si jahek tu sahinggo dapek di lacut hinggo into dapek di lacuik hinggo into mengkau akan kesalahannyo, mako urang tu dapek di dakwah dan indak dapek batidak lai.

APO ARTINYO TERPUKUL

Iolah kedapatan barang sijahek tu pado tampeknyo melakukan kejahatan tu.

• 
  Nan dimukasuik jo barang sijahek itu iolah barang kepunyaanyo si jahek tu sandiri. Perangainyo terburu atau terkelalaiannyo, mako tinggal barang tu pado tampek tu, mako urang tu dapek di dakwah.
  

• 
  Penjelasan kalau kito mandakwah sesuatupado urang lain tapi urang tu tapi urang tu indak kanai dek salah satu tali nan duo baleh, mako kiti di namokan manunjuak ta-etang mengakok ta-iko-iko, mako kito berarti mambari malu urang. Salah talatak pado kito juo, karano pandakwahan itu indak dapek bukti nan dapek di pegangi oleh hakim.
  
• 
  Mako disikolah berlaku undang lalu menghabisi, undang suruik manghghangusi, mako kito nan manuduah akan manarimo hukuman dari hakim. Mako hanguslah urang nan manuduah, karano perbuatan nan di lakukannyo adalah sio-sio
  

Disusun Oleh: (Yasdinul Huda)_Soko Malin, Pusako Malin Qori (Petopang di Bauah)-Tanjung