Sumqayıt İnzibati-İqtisadi Məhkəməsinin



Yüklə 112,53 Kb.
tarix22.10.2017
ölçüsü112,53 Kb.
#9728

Sorğu Avropa Şurasının və Avropa Birliyinin 2015-2017-ci illər üzrə Şərq Tərəfdaşlığı Proqram Əməkdaşlığı Çərçivəsinin “Azərbaycanda məhkəmələrin səmərəliliyinin artırılmasına, hakimlərin təliminin təkmilləşdirilməsinə və məhkəmələrdə özünü-idarəetməyə dəstək” adlı layihəsi çərçivəsində



Sumqayıt İnzibati-İqtisadi Məhkəməsinin

2016-cı il statistik hesabatlara dair



Yekun Hesabat

Sumqayıt 2017


Mündəricat

  1. Cədvəl və diaqramların siyahısı

1Giriş

1.1Layihə haqqında məlumat və minnətdarlıq

1.2Metodologiya

1.3Məhkəmə haqqında məlumat

2Məhkəmənin kəmiyyət göstəriciləri

3Həllini gözləyən işlər

4Ümumi məhkəmə işləri

4.1İqtisadi mübahisələrə dair məhkəmə işləri

4.2İnzibati mübahisələrə dair məhkəmə işləri

5Məhkəmədə orta yük

6Ümümi məhkəmə işlərindən verilmiş Apellyasiya şikayətləri

6.1 İqtisadi mübahisələrə dair işlərdən verilmiş Apellyasiya şikayətləri

6.2İnzibati mübahisələrə dair işlərdən verilmiş Apellyasiya şikayətləri



  1. Cədvəl və diaqramların siyahısı


Cədvəl 1. 2010-2016-cı illər üzrə məhkəmənin insan resurslarına dair ümumi məlumat

Cədvəl 2. 2016-cı il üzrə hər bir iş növü üzrə proseslərin gedişatı barədə məlumat

Cədvəl 3. Həllini gözləyən işlər

Diaqram 1. Həll olunmuş işlərin göstəriciləri

Diaqram 2. Ümümi məhkəmə işlərinin göstəriciləri

Diaqram 3. İqtisadi işlərinin göstəriciləri

Diaqram 4. İnzibati işlərinin göstəriciləri

Diaqram 5. Məhkəmənin orta yük göstəricisi

Diaqram 6. Ümümi işlərdən verilən Apellyasiya şikayətlərinin göstəriciləri

Diaqram 7. İqtisadi işlərdən verilən Apellyasiya şikayətlərinin göstəriciləri

Diaqram 6. İnzibati işlərdən verilən Apellyasiya şikayətlərinin göstəriciləri

  1. Giriş

6.3Layihə haqqında məlumat və minnətdarlıq


İnsan hüquqularının qorunmasını özünün ali məqsədi kimi elan etmiş Azərbaycan dövləti nüfuzlu beynəlxalq təşkilatlarla sıx əməkdaşlıq şəraitində ədalət mühakiməsinin səmərəliliyinin artırılmasına və məhkəmə sisteminin müasirləşdirilməsinə yönəlmiş köklü məhkəmə-hüquq islahatlarını uğurla davam etdirir. Bu baxımdan Avropa Şurası və Avropa İttifaqı tərəfindən Şərq Tərəfdaşlığı ölkələrində həyata keçirilən “Proqramlar üzrə Əməkdaşlıq Çərçivəsi”nin “Azərbaycanda məhkəmələrin səmərəliliyinin artırılmasına, hakimlərin təliminin təkmilləşdirilməsinə və məhkəmələrdə özünüidarəetməyə dəstək” layihəsi mühüm əhəmiyyət kəsb edir.

Layihənin əsas istiqamətləri məhkəmə prosesində vaxtın idarə olunması və məhkəmə xidmətlərinin keyfiyyətinin artırılması, o cümlədən hakimlərin təlimi proqramının və metodologiyasının təkmilləşdirilməsidir.

Bununla əlaqədar təcrübələrin və məhkəmə xidmətlərinin keyfiyyətinin və səmərəliliyinin artırılması üçün tətbiq olunan metodların qiymətləndirilməsi, hədəflərin və Avropa Şurasının Ədalət mühakiməsinin səmərəliliyi üzrə Komissiyasının (CEPEJ) rəhbər sənədlərinin və alətlərinin icrası üçün layihə çərçivəsində icra edilməli olan konkret fəaliyyətlərin müəyyənləşdirilməsi məqsədi ilə Azərbayan Respublikası Ədliyyə Nazirliyi və Məhkəmə Hüquq Şurası tərəfindən 5 pilot məhkəmə (Sumqayıt və Şəki apellyasiya, Sumqayıt İnzibati-İqtisadi, Yasamal və Oğuz rayon məhkəmələri) müəyyən edilmiş və müxtəlif vaxtlarda pilot məhkəmələrlə tanışlıq səfərləri təşkil olunmuş, Avropa ölkələrində və Bakıda faydalı tədbirlər keçirilmişdir.

Layihə çərçivəsində 2016-cı il ərzində pilot məhkəmələrdə məmnuniyyət sorğularının təşkilinə hazırlıq işləri görülmüş, hakim və məhkəmə aparatı işçiləri üçün məhkəmələrin idarə edilməsi mövzusunda təlimlər keçirilmiş, məhkəmə statistikası və məhkəmələrdə vaxtın idarə olunması üzrə CEPEJ təlimatlarının tətbiqi üzrə qabaqcıl xarici təcrübə öyrənilmişdir.

Məmnuniyyət sorğularının keçirilməsi ilə bağlı Strasbuqda və Bakıda seminar və praktiki məşğələlər təşkil oıunmuş, Avropa Şurasının ekspertləri tərəfindən məmnuniyyət sorğularının keçirilməsinə dair məlumat kitabçası təqdim olunmuş, sorğuların keçirilməsi metodologiyası, sorğu anketlərinin məzmunu, sualların xarakteri, onların qruplaşdırılması, sorğular keçirilməmişdən əvvəl bu barədə respondentlərin məlumatlandırılması, sorğuların keçirilməsi usulları və formaları, məlumatın toplanması və emalı, yekun hesabatın formalaşdırılması, məmnuniyyət sorğuları barədə ictimaiyyətin məlumatlandırılması barədə məlumat verilmiş, ayrı-ayrı ölkələrdə belə sorğuların keçirilməsi təcrübəsi öyrənilmişdir.

Hərtərəfli nəzəri və praktiki hazırlıq əsasında 2016-cı ilin avqust-oktyabr aylarında 5 pilot məhkəmədə məmnuniyyət sorğuları keçirilmiş və Avropa Şurası ekspertlərinin ilkin rəyinə görə bu iş bütün məhkəmələrdə yüksək səviyyədə yerinə yetirilmişdir.

Birgə əməkdaşlığımızın real nəticəsi olan məmnuniyyət sorğularının uğurla keçirilməsinə öz töhfəsini vermiş bütün qurumlara və şəxslərə, o cümlədən Avropa Şurasının məsul əməkdaşlarına, ekspertlərə və mütəxəssislərə dərin minnətdarlığımızı bildirir, qarşılıqlı əməkdaşlıq çərçivəsində bundan sonra da görüləcək bütün işlərdə hamımıza müvəffəqiyyətlər arzulayırıq.

6.4Metodologiya


Azərbaycanın pilot məhkəmələrindən tələb olunan statistik məlumatların hesablanması məhkəmə proseslərində vaxtın idarə edilməsinə dair SATURN təlimatlarının metodologiyasına əsaslanır. Hər bir pilot məhkəməsi öz sədrinin idarəçiliyi altında aşağdakı statistik məlumatları fərdi şəkildə doldurmağa və “Azərbaycanda məhkəmələrin səmərəliliyinin artırılmasına, hakimlərin təkminləşdirilməsinə və məhkəmələrdə özünü-idarəetməyə dəstək” layihəsinin nümayəndələrinə müəyyən olunmuş tarixədək təqdim etməyə dəvət olunur. Sumqayıt İnzibati-İqtisadi Məhkəməsidə tələb olunan 2010-2016-cı illər üzrə statistik məlumatları hesablayıb təhlil etmişdir. Məhkəmə statistikasının təhlili üçün CEPEJ ekspertləri əsasən məhkəmə işlərinin həll olunma faizi (CR) və dispozisiya müddətindən (DT) istifadə edirdilər.

1.Məhkəmə işlərinin həll olunma faizi (CR göstəricisi): CR faizlə ifadə olunmaqla baxılmış  işlərin sayının cəminin daxil olan işlərin sayının cəminə bölünməsilə qalığın 100-ə  vurulması nəticəsində əldə olunur.

                                 

 

Klirens dərəcəsi 100 faizə yaxınlaşdıqca müvafiq məhkəmənin daxil olan işlərə nisbətdə baxdığı işlərin sayının tənasüb olduğu qənaətinəgəlməyə imkan verir. Beləliklə, Klirens dərəcəsi istənilən məhkəmənin daxil olan iş yükünün öhdəsindən necə gəldiyini göstərir.



Nümunə: Məhkəməyə təqvim ilində 500 yeni iş təqdim edilibsə və məhkəmə eyni zamanda 550 iş tamamlayıbsa, CR göstəricisi 110 % təşkil edir. Məhkəmə 400 iş tamamlasaydı, CR göstəricisi 80 %  olardı. CR göstəricisinin 100 %-dən yüksək olması həllini gözləyən işlərin sayının azaldığını göstərir.

2.Məhkəmə işlərinin dövriyyə əmsalı: Verilən dövrün sonunda həll olunmuş və həll olunmamış məhkəmə işlərinin sayı arasındakıəlaqədir. Bu il ərzində həll olunmuş və ya həll olunmamış standartlaşdırılmış məhkəmə işi növlərinin sayının hesablanmasını tələb edir.



3.Dispozisiya müddəti (DT göstəricisi):  müşahidə dövrü ərzində həll olunan məhkəmə işlərinin sayı ilə müşahidə dövrünün sonunda həll olunmamış qalan məhkəmə işlərinin sayını müqayisə edir. İlk öncə, həll olunan məhkəmə işlərinin sayı müşahidə dövrünün sonunda həll olunmamış qalan məhkəmə işlərinin sayına bölünür, daha sonra 365 əldə olunan rəqəmə bölünür ki, bu da göstəricinin günlərlə ifadəedilməsinə imkan yaradır. Bu əmsal qəbul edilən işlərin məhkəmə sistemi tərəfindən nə dərəcədə tez təhvil verildiyini, yəni, işin növündən asılı olaraq, hansı müddətə həll olunduğunu müəyyən edir. Bu göstərici məhkəmə sisteminin məhkəmə işləri axınını nece idarə etdiyini qiymətləndirməyə imkan  verir.


6.5Məhkəmə haqqında məlumat


Azərbaycan Respublikasında məhkəmə sisteminin müasirləşdirilməsi və "Azərbaycan Respublikasının bəzi qanunvericilik aktlarına dəyişikliklər və əlavələr edilməsi haqqında" Azərbaycan Respublikası Qanununun tətbiq edilməsi barədə Azərbaycan Respublikası Prezidentinin 19 yanvar 2006-cı il tarixli Fərmanı ilə Sumqayıt şəhərində Sumqayıt Yerli İqtisad Məhkəməsi təşkil edilmişdir.

Azərbaycan Respublikası məhkəmələri hakimlərinin sayının artırılması və məhkəmələrin ərazi yurisdiksiyasının müəyyən edilməsi haqqında Azərbaycan Respublikası Prezidentinin 17 avqust 2006-cı il tarixli Fərmanı ilə Azərbaycan Respublikası məhkəmələri hakimlərinin sayı artırılmış və Sumqayıt Yerli İqtisad Məhkəməsi üzrə 2 hakim vəzifəsi müəyyən edilmişdir. 



Azərbaycan Respublikası Prezidentinin məhkəmə sistemini təkmilləşdirmək və “Məhkəmələr və hakimlər haqqında” və “Məhkəmə Hüquq Şurası haqqında” Azərbaycan Respublikasının qanunlarına dəyişikliklər və əlavələr edilməsi barədə 15 iyul 2010-cu il tarixli Fərmanı ilə Sumqayıt Yerli İqtisad Məhkəməsinin əsasında (bazasında) Sumqayıt İnzibati-İqtisadi Məhkəməsi təşkil edilmişdir. Sumqayıt İnzibati-İqtisadi Məhkəməsi üzrə 5 hakim vəzifəsi və 22 ştat vahidi müəyyən edilmişdir.


Hakimlərin sayı
(faktiki;
FTE)

2010

2011

2012

2013

2014

2015

2016

0

5

5

5

5

5

5




Heyətin ümumi sayı (hakimlər istisna olmaqla; faktiki; FTE)

2010

2011

2012

2013

2014

2015

2016

0,00

22,00

22,00

22,00

21,00

21,00

22,00

Hakim köməkçiləri və məhkəmə iclas katiblərinin sayı (faktiki; FTE)

2010

2011

2012

2013

2014

2015

2016

0,00

10,00

10,00

10,00

9,00

9,00

10,00

Digər işçilərin sayı (faktiki; FTE)

2010

2011

2012

2013

2014

2015

2016

0,00

12,00

12,00

12,00

12,00

12,00

12,00

Cədvəl 1. 2010-2016-cı illər üzrə məhkəmələrin insan resurslarına dair ümumi məlumat
Azərbaycan Respublikası Prezidentinin 09 avqust 2010-cu il tarixli 310 nömrəli Fərmanı ilə Sumqayıt İnzibati-İqtisadi Məhkəməsinin yurisdiksiyasına aid olan ərazi vahidləri:
Abşeron rayonu, Xaçmaz rayonu, Xızı rayonu, Qobustan rayonu, Quba rayonu, Qubadlı rayonu, Qusar rayonu, Siyəzən rayonu, Sumqayıt şəhəri, Şabran rayonu, Şamaxı rayonu, Şuşa rayonu və Zəngilan rayonu.

Məhkəmələr və hakimlər haqqında qanunun 42-ci maddəsində İnzibati-iqtisadi məhkəmə və onun səlahiyyətlərindən bəhs edilir.

Bu maddə də qeyd olunur ki, İnzibati-iqtisadi məhkəmə birinci instansiya məhkəməsi kimi qanunla səlahiyyətlərinə aid edilmiş inzibati və iqtisadi mübahisələrə dair işlərə baxır. 

İnzibati-iqtisadi məhkəmə məhkəmə statistikasını təhlil edir, məhkəmə fəaliyyətinin təşkili vəziyyətini, məhkəmə təcrübəsini öyrənir və ümumiləşdirir, Azərbaycan Respublikası qanunvericiliyi ilə ona aid edilmiş digər səlahiyyətləri həyata keçirir.



  1. Məhkəmənin kəmiyyət göstəriciləri


Bu cədvəldə 2016-cı il üzrə həm inzibati həmdə iqtisadi işlər üzrə qalıq işlər, il ərzində daxil olan işlər, il ərzində həll olmuş işlər, 2017-ci ilə qalıq keçən işlər, apellyasiya şikayəti verilmiş işlər və apellyasiyada ləğv edilmiş işlərin sayı barədə məlumatlar qeyd olunub.

2016-cı ildə Sumqayıt İnzibati-İqtisadi Məhkəməsinin icraatına iqtisadi mübahisələrə dair 1611 iş daxil olmuş, 2015-ci ildən qalan qalıq işlərlə (127) birlikdə  cəmi 1738 iş olmuş, 44 iş isə 2017-ci ilə qalıq keçmişdir. Bu işlərdən 124 apellyasiya şikayəti verilmiş, onlardan 21 iş ləğv olunmuşdur.

2016-cı ildə Sumqayıt İnzibati-İqtisadi Məhkəməsinin icraatına inzibati mübahisələrə dair 2219 iş daxil olmuş, 2015-ci il tarixdən qalan qalıq işlərlə (370) birlikdə məhkəmənin icraatında 2589 iş olmuş, 707 iş isə 2017-ci ilə qalıq keçmişdir. Bu işlərdən 484 apellyasiya şikayəti verilmiş, onlardan 104 iş ləğv olunmuşdur.

Ümümilikdə 2016-cı ildə Sumqayıt İnzibati-İqtisadi Məhkəməsinin icraatına 3830 iş daxil olmuş, 2015-ci il tarixdən qalan qalıq işlərlə (497) birlikdə məhkəmənin icraatında 4327 iş olmuş, 751 iş isə 2017-ci ilə qalıq keçmişdir. Bu işlərdən 608 apellyasiya şikayəti verilmiş, onlardan 125 iş ləğv olunmuşdur.





2016

1 yanvar tarixinə həlli gözlənilən işlər

İl ərzində start verilmiş yeni işlər

İl ərzində həll edilmiş işlər

31 dekabr tarixinə həlli gözlənilən işlər

Barəsində apellyasiya şikayəti verilmiş qərarlar

Apellyasiyada ləğv edilmiş və ya dəyişdirilmiş qərarlar

1. İqtisadi mübahisələrə dair işlərin ümumi sayı

127

1 611

1 694

44

124

21

2. İnzibati işlərin ümumi sayı

370

2 219

1 882

707

484

104

Məhkəmə işlərinin hesablanmış ümumi sayı

497

3830

3576

751

608

125

Məhkəmə işlərinin göstərilən ümumi sayı

497

3830

3576

751

608

125



Cədvəl 2. 2016-cı il üzrə hər bir iş növü üzrə proseslərin gedişatı barədə məlumat

  1. Həllini gözləyən işlər


Bu cədvəldə 2016-cı il üzrə Sumqayıt İnzibati-İqtisadi məhkəməsinin qalıq işləri və onların müddətləri göstərilmişdir.


Aşağıda verilən müddətdən əvvəl qeydiyyatdan keçmiş işlərin sayı:

Yekun cəm

İşlərin növü

1 ildən az

Ümumi işlərin %-i

1-2 il ərzində

Ümumi işlərin %-i

2-5 il ərzində

Ümumi işlərin %-i

5 ildən artıq

Ümumi işlərin %-i




1. İqtisadi mübahisələrə dair işlər

38

5,06%

4

0,53%

2

0,27%

 

0,00%




2. İnzibati işlər

685

91,21%

16

2,13%

6

0,80%

 

0,00%




Hər dövr üzrə cəmi

723

96,27%

20

2,66%

8

1,07%

0

0,00%

751

Cədvəl 3. Həllini gözləyən işlər
İqtisadi işlər üzrə cəmi 44 iş qalıq qalmışdır. Bunlardan 38 iş 1 ildən az, 4 iş 1-2 il ərzində, 2 iş isə 2-5 il ərzində qalan işlərdir. Bu işlər araşdırılmış və müəyyən edilmişdir ki, bunlar icraatı dayandırılmış və ekspertizada olan işlərdir.

İnzibati işlər üzrə cəmi 707 iş qalıq qalmışdır. Bunlardan 685 iş 1 ildən az, 16 iş 1-2 il ərzində, 6 iş isə 2-5 il ərzində qalan işlərdir. Bu işlərdə araşdırılmış və müəyyən edilmişdir ki, 1 ildən az olan işlərin sayının belə çox olması səbəbi məhkəməyə noyabr və dekabr aylarında daxil olmasıdır ki, bunlarda həmin müddətdə baxıb qurtarmaq mümkün deyildir. 1-2 və 2-5 illərdə olan işlər isə icraatı dayandırılmış və ekspertizada olan işlərdir.



Cəmi məhkəmədə 751 iş qalıq qalmışdır. Bunlardan 723 iş 1 ildən az, 20 iş 1-2 il ərzində, 8 iş isə 2-5 il ərzində qalan işlərdir.
Diaqram 1. Həll olunmuş işlərin göstəriciləri
  1. Ümumi məhkəmə işləri


2016-cı ildə Sumqayıt İnzibati-İqtisadi Məhkəməsinin icraatına 3830 iş daxil olub, il ərzində 3576 iş həll olub və 751 iş qalıq qalıb. Nəticədə məhkəmə işlərinin həll olunma faizi 93%, işə baxılma müddəti isə 77 gün olub. 2010-2016- cı illər üzrə ümumi məhkəmə işləri qrafik şəklində aşağıda göstərilmişdir.

Diaqrama2. Ümümi məhkəmə işlərinin göstəricilər

6.6İqtisadi mübahisələrə dair məhkəmə işləri


2016-cı ildə Sumqayıt İnzibati-İqtisadi Məhkəməsinin icraatına iqtisadi mübahisələrə dair 1611 iş daxil olub, il ərzində 1694 iş həll olub və 44 iş qalıq qalıb. Nəticədə məhkəmə işlərinin həll olunma faizi 105%, işə baxılma müddəti isə 9 gün olub. 2010-2016- cı illər üzrə iqtisadi işlər qrafik şəklində aşağıda göstərilmişdir.

Diaqrama3. İqtisadi işlərinin göstəriciləri

6.7İnzibati mübahisələrə dair məhkəmə işləri


2016-cı ildə Sumqayıt İnzibati-İqtisadi Məhkəməsinin icraatına inzibatii mübahisələrə dair 2219 iş daxil olub, il ərzində 1882 iş həll olub və 707 iş qalıq qalıb. Nəticədə məhkəmə işlərinin həll olunma faizi 85%, işə baxılma müddəti isə 137 gün olub. 2010-2016- cı illər üzrə iqtisadi işlər qrafik şəklində aşağıda göstərilmişdir.

Diaqram 4. İnzibati işlərinin göstəriciləri



  1. Məhkəmədə orta yük


Bu cədvəldə 2011-2016-cı illər üzrə məhkəməyə daxil olan yeni işlər, həll olmuş işlər, həllini gözləyən işlər, məhkəmə işlərinin həll olunma faizi və işə baxılma müddəti müəyyən olunur. Həmçinin büdcə, hakimlərin sayı, hakim köməkçiləri və məhkəmə iclas katibləri, digər işçilər, heyətin ümumi sayı və bunların qarşılıqlı nisbətləri göstərilmişdir.

Diaqram 5. Məhkəmənin orta yük göstəricisi

  1. Ümümi məhkəmə işlərindən verilmiş Apellyasiya şikayətləri


Bu cədvəllərdə 2011-2016-cı illər üzrə həll olunmuş işlər, onlardan verilmiş apellyasiya şikayətləri, apellyasiyada ləğv edilmiş və ya dəyişdirilmiş işlərin sayları və faizləri qeyd olunub. 2016-cı ildə cəmi 3576 iş həll olmuş, onlardan 608 iş üzrə yəni 17% apellyasiya şikayəti verilmiş, bu şikayətlərdən 125 iş yəni 3.5% ləğv edilmiş və ya dəyişdirilmişdir.
Diaqram 6. Ümümi işlərdən verilən Apellyasiya şikayətlərinin göstəriciləri

6.8İqtisadi mübahisələrə dair işlərdən verilmiş Apellyasiya şikayətləri


2016-cı ildə iqtisadi mübahisələrə dair 1694 iş həll olmuş, onlardan 124 iş üzrə yəni 7.3% apellyasiya şikayəti verilmiş, bu şikayətlərdən 21 iş yəni 1.2% ləğv edilmiş və ya dəyişdirilmişdir.

Diaqram 7. İqtisadi işlərdən verilən Apellyasiya şikayətlərinin göstəriciləri




6.9İnzibati mübahisələrə dair işlərdən verilmiş Apellyasiya şikayətləri


2016-cı ildə inzibati mübahisələrə dair 1694 iş həll olmuş, onlardan 484 iş üzrə yəni 25.7% apellyasiya şikayəti verilmiş, bu şikayətlərdən 104 iş yəni 5.5% ləğv edilmiş və ya dəyişdirilmişdir.

Diaqram 8. İnzibatii işlərdən verilən Apellyasiya şikayətlərinin göstəriciləri
Yüklə 112,53 Kb.

Dostları ilə paylaş:




Verilənlər bazası müəlliflik hüququ ilə müdafiə olunur ©muhaz.org 2024
rəhbərliyinə müraciət

gir | qeydiyyatdan keç
    Ana səhifə


yükləyin