Azərbaycan Respublikası Təhsil Nazirliyi Azərbaycan Respublikası Təhsil Problemləri İnstitutu
Yüklə 1,44 Mb. Pdf görüntüsü
|
| “Təsviri incəsənət” kurikulumunun tələblərinə əsasən təlim prosesi
əvvəlcədən müəyyən olunmuş nəticələrə əsaslanır. Bu prosesdə müəllim əlaqələndirən, yol göstərən, istiqamət verən “bələdçi” – “fasilitator”, şagirdlər isə öyrənən, tədqiqat aparan, öyrəndiklərini tətbiq edən və təqdimat etməyi bacaran yaradıcı subyektlərdir. Təsviri incəsənət fənni İbtidai (I–IV siniflər) və ümumi orta (V–IX siniflər) təhsil səviyyələrində tədris olunmaqla şagirdlərin bilik və bacarıqlarının, məntiqi, tənqidi və yaradıcı təfəkkürünün inkişafında mühüm əhəmiyyətli rol oynayır. Burada şagirdlərdə konseptual biliklərin və psixomotor bacarıqların hərtərəfli inkişafı üçün çox geniş imkanlar var. Təsviri incəsənət fənninin tədrisi məqsədyönümlü bir proses olub öyrədən (müəllim) və öyrənən (şagird) arasında qarşılıqlı anlaşmaya, ünsiyyətə əsaslanır. Burada başlıca məqsəd öyrənməyi (yaratmağı) öyrətməkdən ibarət olsa da, bəzən «öyrədənlər» özləri öyrəndikləri kimi «öyrətməyə» üstünlük verirlər. Bu zaman şagirdin ehtiyacları nəzərə alınmır, təlim prosesi onların bacarıq və 47 arzusundan asılı olmayaraq təşkil edilir ki, bu da ümumilikdə təlimin keyfiyyətinə mənfi təsir göstərir. Fənnin tədrisinə bu cür yanaşma şagirdlərin təlimə olan marağını azaldır, onlarda özlərinə inamsızlıq yaradır, təsəvvürlə- rində, təxəyyüllərində canlandırdıqlarını təsvir etmək arzusundan, mücərrəd ideyaları real həyatda tətbiq etmək imkanlarından uzaqlaşdırır, müxtəlif sahələrdə yaradıcı təfəkkür prosesinin inkişafını aşağı salır. Bu problemin həlli baxımından özünəməxsus sistemə malik olan təhsil pillələri gözlənilən nəticələri ilə bir-birindən fərqlənir və bir-birini tamamlayır. Hər bir təhsil pillələsi ardıcıl sıralanmaqla təhsilin ümumi sistemini təşkil edir. Ona görə də təhsilə bir sistem kimi baxılır. Bu zaman demokratikləşmə, humanistləşmə, differensasiya, fərdiləşmə, sosiallaşdırma, variativlilik və inklüzivlik aparıcı prinsiplər kimi əsas rol oynayır. Yeni fənn kurikulumlarında hər bir təhsil pilləsində verilmiş siniflər üzrə gözlənilən təlim nəticələri əvvəlcədən məzmun standartları şəkilndə müəyyən- ləşdirilmişdir. Burada təlim prosesi bütövlükdə hər bir sinif üzrə davamlı inkişaf edən, şəxsiyyətyönümlü bir proses kimi çox mühüm əhəmiyyət kəsb edir. Təhsil insanın sosiallaşma prosesində ümumbəşəri və milli dəyərlərə yiyələnməsini davamlı bir fəaliyyət kimi əhatə etdiyindən ona həm də proses kimi yanaşılır. Onun didaktik əsasını isə təbiətə müvafiqlik, praktiklik, istiqamətlilik, variativlik, mərhələlilik, fasiləsizlik və fərdi ehtiyacların nəzərə alınması təşkil edir. Təhsil bütövlükdə müəllim və şagird fəaliyyətinin yekunu olduğundan ona nəticə kimi baxılır. O bütöv bir mərhələli prosesin sonu kimi dəyərləndirilir. Yeni fənn kurikulumlarında təlim strategiyaları aşağıdakı 3 mühüm məsələləri əhatə edir: Yüklə 1,44 Mb. Dostları ilə paylaş:
|