Sonra müəllim şagirdlərin yeni mövzuya dair nələri bilmək istədiklərini
müzakirə edir və ortadakı sütunda yazır.
Daha sonra mövzuya aid mətn (dərslikdə və ya əvvəlcədən hazırlanmış)
hissə-hissə oxunur, birgə müzakirə edilir, qoyulmuş sualların cavablarına xüsusi
diqqət yetirilir.
Şagirdlərin mövzu ilə bağlı suallara cavabları və eləcə də digər yeni biliklər
cədvəlin üçüncü sütununda əvvəlki qaydada müəllim tərəfindən qeyd olunur.
Sonra şagirdlər mövzuya dair əvvəlki bilikləri ilə yeni öyrəndiklərini
müqayisə edir və ümumiləşdirirlər.
Bu prosesdə şagirdlərin ikinci sütunda verdikləri sualların bəziləri cavabsız
qala bilər, yəni onların cavabları mətndə olmaya bilər, bu şagirdlərdə «hələ
nələri öyrənmək» lazımdır sualını yaradır, onların şəxsi tədqiqat aparması üçün
stimul verir.
BİBÖ metodu vasitəsilə əşya, hadisə, yaxud təsvir obyekti haqqında
uşaqların nələri bildiklərini müəyyən etmək mümkündür. Şagirdlər lazım
gəldikdə müəllimin köməyi və istiqamət olmadan cədvəldə nələri öyrənmək
istədiklərini də qeyd edə bilərlər. Bu üsuldan istifadə etməklə əşya və ya
hadisələr, rəssamlar, təsviri incəsənətin növ və janrları haqqında öyrəndiklərini
yazırlar.
64
BİBÖ fəal təlim metodu kimi müasir dövrün tələblərinə cavab verir,
«şagird–şagird», «müəllim–şagird» ünsiyyətinin möhkəmlənməsinə xidmət edir.
