Rusiya Prezidenti Vladimir Putin və ABŞ Prezidenti Donald Tramp arasında telefon danışığı olub. Bu barədə Ağ Ev məlumat yayıb.
Telefon danışığı zamanı D. Tramp ölkəsinin Rusiyaya koronavirusla mübarizədə yardım etməyə hazır olduğunu bildirib. Eyni zamanda, D. Tramp ABŞ-ın təkcə Rusiyanın deyil, Çinin də daxil olduğu silahlanma üzərində nəzarətə bağlılığını bəyan edib (Fərid Əkbərov, 2020 b).
10.05.2020.
Moskvanı ABŞ-ın kosmik resursların mənimsənilməsi ilə bağlı planları narahat edir. Bunu Rusiya Xarici İşlər nazirinin müavini Sergey Ryabkov deyib. Onun sözlərinə görə, amerikalıların kosmosdakı siyasəti Yerdə tutduqları xətlə eynidir: “ABŞ-ın “kim bizlə deyilsə, bizə qarşıdır” prinsipi Yerdə olduğu kimi, kosmosda da var”.
Qeyd edək ki, ABŞ Ayın resurslarının hasilatı ilə bağlı Kanada, Yaponiya, BƏƏ və bir sıra digər Avropa ölkələri ilə müqavilə imzalamağı planlaşdırır. Vaşinqton ilkin mərhələdə razılaşmaya Rusiyanı cəlb etməyib (Rusiya təşvişdə.., 2020).
