Deuterokanonik kitabları Yoxlama versiyası

27-41 Susanna ölümə məhkum edilir
27 
Hakimlər   öz   sözlərini   deyəndə
Susannanın   xidmətçiləri   çox   utandılar,
çünki Susanna haqqında bu günə qədər heç
vaxt belə şeylər deyilməmişdi.
28 
Ertəsi gün
xalq   onun   əri   Yoakimin   evinə   toplandı.
Onu   ölümə   məhkum   etmək   üçün
Susannaya   qarşı   mənfur   planlarını   tətbiq
etmək niyyətində olan iki hakim də oraya
gəldi. 
29 
Onlar xalq qarşısında belə dedilər:
«Xilkiyanın   qızı,   Yoakimin   arvadı
Susannanı   gətirin».   Onu   çağıranda
30 
Susanna   anası,   atası,   uşaqları   və   bütün
qohum-əqrəbaları   ilə   birlikdə   gəldi.
31 
Susanna sifətdən o qədər incə və gözəl
214

---

idi   ki,  
32 
bu   iki   əxlaqsız   adam   onun
gözəlliyindən   zövq   almaqdan   ötrü
üzündəki örtüyü qaldırmasını əmr etdilər,
çünki   onun   üzü   örtülü   idi.  
33 
Susannanın
ailəsi və orada olan hər bir kəs ağlayırdı.
34 
Amma   iki   hakim   xalqın   önündə   ayağa
qalxdı,   əllərini   Susannanın   başına   qoyub
onu təqsirləndirməyə başladılar. 
35 
Susanna
isə göz yaşları içərisində gözlərini göylərə
dikmişdi, çünki o, Rəbbə ümid edirdi. 
36 
Bu
iki hakim dedi: «Biz bağçada gəzirdik, bu
qadın da iki xidmətçisi ilə gəldi və bağın
əsas   qapılarını   bağlayıb   xidmətçilərinə
getmələrini   əmr   etdi.  
37 
Sonra   bağda
gizlənən gənc bir adam ona yaxınlaşdı və
onunla yatdı. 
38 
Biz bağın bir tərəfində idik
və   bu   qanunsuzluğu   görəndə   onları
yaxaladıq.  
39 
Onları   cinsi   əlaqədə   olan
yerdə   yaxaladıq.   O   adamı   tuta   bilmədik,
çünki o, bizdən güclü idi, qapıları açdı və
qaçdı.  
40 
Amma   qadını   yaxaladıq   və   onu
dindirdik,   o   isə   bizə   cavab   vermək
istəmədi.   Doğru   şahidlik   etdiyimizə   and
içirik». 
41 
Bu iki adam həm xalqın başçıları,
həm   də   hakim   olduqlarına   görə   xalq
onların   sözlərinə   inandı   və   Susannanı
ölümə məhkum etdi.