Diş texniki ixtisası üzrə nümunəvi test sualları

108) Hansı variant polimerləşən ölçü materiallarına aiddir?
A) Repin, stomalgin, düpofleks

B) Etakril, ftoraks

C) Sielast, ekzafleks

D) Tiodent,stens

E) Ekzafleks, tiodent, elastik
Etakril-metilmetalakrilat, etilmetakrilat və metilakrilat birləşməsindən ibarətdir. Tozdan və mayedən ibarətdir. Ftoraks-toz tərkibli rezindən ibarətdir. O yarımhamardır və ağız boşluğun yumşaq toxumaların rənginə uyğundur.
Ədəbiyyat: А.И.Дойников, В.Д.Синицын. Зуботехническое материаловедение. «Медицина» Москва 1986 səh 86
109) Düz dişləm hansı dişləm növünə aiddir?
A) Transversal dişləmin növüdür

B) Patoloji dişləmin növüdür

C) Fizioloji dişləmin növüdür

D) Sagital dişləmin növüdür

E) Dərin dişləmin növüdür
Düz dişləmdə frontal dişlər aşağı frontal dişlərin qapanması ilə xarakterizə olunur və yuxarı frontal dişlərin kəsici qıraqları aşağı qabaq dişlərin kəsici qıraqları ilə

bitişik toxunur.Yan dişlərin toxunması –ortoqnatik dişləmdə oldüğu kimidir.

Ədəbiyyat: В.С.Погодин, В.А.Пономарева. Руководство для зубных техников. «Медицина», Ленинград, 1983 səh 33
110) Hər iki çənənin geriyə meylliyi vəziyyətində çənələrin qapanması necə adlanır?
A) Opistoqnatiya

B) Distal dişləm

C) Progeniya

D) Proqnatiya

E) Mezial dişləm
Opistoqnatiya-alveol hissələrin və frontal dişlərin ağız boşluğa tərəf əyilməsidir.
Ədəbiyyat: В.С.Погодин, В.А.Пономарева. Руководство для зубных техников. «Медицина», Ленинград, 1983 səh 34