Düz bağirsağin xoş VƏ BƏdxassəLİ ŞİŞLƏRİ zamani ön və AŞAĞI Ön rezeksiya əMƏLİyyatlarina müASİr yanaşmalar

Praktiki tövsiyyələr

1. 
   Düz bağırsağın xərçəngində və endoskopik yolla çıxarıla bilinməyən displaziyaya uğramış poliplərində yeganə radikal müalicə metodu TME-dır. TME həm açıq, həm də laparoskopik yolla həyata keçirmək mümkündür. TME keyfiyyətinin həm makroskopik-viziual, həm də mikroskopik qiymətləndirmək müalicənin nəticələrini dəyərləndirmək baxımından olduqca vacibdir.
   
2. 
   Həm laparoskopik, həm də açıq əməliyyatlarda cərrahi müdaxilənin radikallığını müəyyən etmək üçün SRS-in morfoloji olaraq tədqiqi mütləq həyata keçirilməlidir. SRS pozitiv olan bütün xəstələr əməliyyatdan sonra xüsusi nəzarətə götürülərək, növbəti müalicə planına daxil edilməlidir.
   
3. 
   TME-ni laparoskopik üsulla həyata keçirən zaman onun keyfiyyətinin aşağı düşəcəyinə şübhə varsa, əməliyyatlar mütləq olaraq açıq olaraq davam etdirilməlidir. Yüksək keyfiyyətli TME həyata keçirildikdə belə SRS status təhlükə altına düşərsə bu xəstələr əməliyyatın laparoskopik, yaxudda açıq icra olunmasından aslı olmayaraq lokal residiv baxımından risk qrupuna aid edilərək əməliyyatdan sonrakı müalicə planına daxil edilməlidir.
   
4. 
   SRS neqativ olan xəstələrdə yüksək keyfiyyətli TME həyata keçirilmişsə, regionar limfa düyünlərində metastatik zədələnmə yoxdursa (T₁ və T₂ törəmələr, o cümlədən displaziyaya uğramış poliplər) müalicə cərrahi yolla başa çatdırılmalı əməliyyatdan sonra heç bir kimya şüa müalicəsi aparılmamalıdır. Mezorektal fassiya SRS baxımından təhlükə altında olan bütün xəstələrdə(MRT, KT nəticəsində) əməliyyatdan əvvəl radiokimyaterapiya kursu aparıldıqdan sonra cərrahi müdaxiləyə məruz qalmalıdırlar.
   
5. 
   Düz bağırsağın bədxassəli törəmələrində və displaziyaya uğramış poliplərində ilk seçim kimi laparoskopik texnologiyadan istifadə olunmalı lakin bu rutin olaraq edilməməlidir. Cərrahın bacarığı və istəyi, texniki imkanlar, xəstənin istəyi əməliyyat növünün seçimində mühüm rol oynayır.
   
6. 
   TME və ön rezeksiya həyata keçirən zaman onkoloji nəticələrlə yanaşı funksional nəticələrdə nəzərə alınmalıdır. Əgər şiş toxuması sinir elementlərinə invaziya etmişsə onların sinir qoruyucu cərrahiyyənin prinsiplərinə uyğun rezeksiyası mümkündür. Sinirləri qorumaq üçün sinirlərin anatomik variasiyalarını və topoqrafiyasının bilinməsi çox vacibdir. Əgər sinir variasiyası yayılmış tipdədirsə, onların “tutqaca” alınmasına gərək yoxdur. Sinirlərin qarının arxa divarında görərək izlənməsi kifayət edir. Açıq əməliyyatlarda 2.5-lik mikroskopun, (laparoskopik əməliyyatlarda buna ehtiyac yoxdur) tətbiq görməni asanlaşdırır. Magistral tip sinir variasiyalarından sinirlərin izlənməsini asanlaşdırmaq üçün onları “tutqaca” almaq olar. Bu işləm izlənmə prosesini asanlaşdıracaqdır. Yadda saxlamaq lazımdır ki, tutqaca alan zaman əməliyyat müddətinin uzanması və əməliyyat daxili itirilən qanın həcmində artma müşahidə edilə bilər.
   
7. 
   TME həyata keçirən zaman 4 nöqtədə sinir zədələnməsi baxımından ehtiyatlı olmaq lazımdır: AMA köküətrafı, kiçik çanağın girəcəyi, lateral bağlar və paraorqan (ön-yan sahələr) zonalarında. Sinir identifikasiyasını asanlaşdırmaq üçün sağ hipoqastral siniri taparaq proksimala və distala doğru digər sinir strukturlarını asan bir şəkildə identifikasiya etmək olar. AMA kökü ətrafında sol paraaortik sinir liflərini tapmaq üçün arteriya kəsildikdən sonra damarın güdülünə maksimal yaxın olmaqla distala doğru disseksiya davam etdirilərək sinir endirilməlidir.
   
8. 
   İstər laparoskopik, istərsə də açıq əməliyyatlar zamanı TME ilə yanaşı vegetativ sinir elementləri tam qorunması mümkün olmayan hallarda, onların hissəvi qorunmasına çalışmaq lazımdır. Əməliyyatdan sonra sidiyə getməni normal halda saxlamaq üçün aşağı hipoqastral sinir kələflərini qorumaq (heç olmazsa bir tərəfli) mütləq vacibdir. Düz bağırsağın distal törəmələri T₄ mərhələsində olan şişləri, iltihabi ağırlaşmalar, əməliyyat önü şüaterapiya sinir zədələnməsi baxımından risk qrupunu təşkil edirlər.