| Cəmiyyətin əsas hüceyrəsi
İnsan bədəni hüceyrələrdən təşkil olunmuşdur. Hüceyrələrin çürüməsi və xəstəliyi zəruri və təbii olaraq bədənin xəstəliyi deməkdir və əgər genişlənsə, insanın bütün bədəni üçün təhlükəli yerlərə çatacaq. Cəmiyyət də bu şəkildə hüceyrələrdən təşkil olunmuşdur. Bu hüceyrələr ailələrdir. Hər bir ailə cəmiyyətin bədəninin bir hüceyrəsidir. Bunlar sağlam olsa, bunlar düzgün rəftara malik olsa, cəmiyyətin bədəni sağlam olacaq.3
Sağlam ailə - sağlam cəmiyyət
Əgər bir cəmiyyətdə ailə möhkəm olsa, ər və arvad bir-birinin hüququna riayət etsələr, bir-biri ilə gözəl əxlaqla keçinsələr, qarşılıqlı həmkarlıqla problemləri aradan qaldırsalar və övladları tərbiyə etsələr, belə ailələrə malik olan cəmiyyət yaxşı cəmiyyət olub qurtuluşa nail olacaq. Əgər cəmiyyətdə islahatçı olsa, belə cəmiyyətləri islah edə bilər. Əgər ailə olmasa, ən böyük islahatçılar da gəlsələr, cəmiyyəti islah edə bilməzlər.4
Ailə təməlinin möhkəm olduğu hər hansı bir ölkənin çoxlu problemləri, xüsusən də əxlaqi və mənəvi problemləri sağlam və möhkəm ailənin sayəsində aradan qalxacaq, yaxud ümumiyyətlə, yaranmayacaq.5
Bu nikah və evlilik əlaqəsi Allahın böyük nemətlərindən, yaradılışın sirlərindən və cəmiyyətlərin davamlılığının, həmişəyaşarlığının, sağlamlığının və yaxşılığının səbəblərindən biridir.6
Ailə qurmaq əgər sağlam formada baş versə və cütlüyə hakim olan əxlaq düzgün, məntiqli, şəriət qaydalarına və Allahın müəyyən etdiklərinə uyğun olsa, bu, cəmiyyətin islahının və bütün cəmiyyət üzvlərinin səadətinin təməli olar.2
Ailə qurmaq bir ictimai ehtiyacdır. Əgər bir cəmiyyətdə ailələr düzgün olsa, sağlam olsa, möhkəm olsa, zəifləməsə, ailənin hədləri və sərhədləri qorunsa, bu cəmiyyət yaxşı şəkildə düzələ bilər, onun üzvləri əqli baxımdan inkişaf edə, psixoloji cəhətdən tam sağlam və komplekssiz insanlar ola bilərlər.3
Dostları ilə paylaş: |
