| Qəmi bölüşmək - həqiqi yardım
Digərinə həqiqi yardım budur ki, iki nəfər bir-birinin qəm-qüssələrini aradan qaldırsınlar. Hər bir insan həyatında çətinlik görür, qəmlənir, problem yaranır, qaranlıq yaranır, tərəddüd yaranır. İki nəfərin hər biri belə bir zamanda həyat yoldaşının köməyinə tələsməli, ona yardım etməli, qəmini dağıtmalı, ona yol göstərməli, səhvini aradan qaldırmalıdır; əgər ondan bir xətanın baş verdiyini görürsə, qarşısını almalıdır.6
Evdar qadının idarəçiliyinin böyük əhəmiyyəti
Qadınların ev daxilindəki vəzifələrinin nə əhəmiyyəti bayırdakı vəzifələrdən azdır, nə də əziyyəti. Bəlkə əziyyəti daha çoxdur. Ailəni idarə etmək üçün onun da işləməyə və çalışmağa ehtiyacı var. Çünki evin daxili idarəçisi qadındır, ailə onun tabeliyində, nəzarəti, təşkilatçılığı və idarəsi altındadır. Bu çox əziyyətli işdir, çox zərif işdir. Təkcə qadın zərifliyi bu işin öhdəsindən gələr. Heç bir kişinin bu incəliklərə riayət etməsi mümkün deyil.1
Qadın evin işində bikar deyil ki. Bəzi adamlar güman edirlər ki, qadın evdə bikardır. Xeyr, qadın evin içində ən çox, ən çətin və zərif işləri görür.2
Bəzi adamlar elə bilirlər ki, qadının işi ev işindən ibarətdirsə, bu, qadına hörmətsizlikdir. Xeyr, heç bir hörmətsizlik yoxdur. Əksinə, qadın üçün ən əhəmiyyətli iş həyatı ayaqda saxlamaqdır.3
Dostları ilə paylaş: |
