Girîdî Hanyavîyem ben Salacıoğlu’dur nâmım Seyâhat ehliyem bir yerde yok temkîn ü ârâmım Vücûdum Ka’besine bir erin avniyle yol buldum Egerçi hacc-ı beyt etdim velî eskitdim ihrâmım Şarâb-ı vahdetin yek cur’asın nûş eyledim bir dem İçinde mest olup hâlâ o keyfiyyetle sersâmım Kurulmuş bezm-i aşk câm-ı mahabbet devr eder bir bir Demem gel iç bu demden sûfî yokdur sana ibrâmım Ne tâ’at ne ibâdet kaldı oldum kâfir-i mutlak O dostun aşkı yağma kıldı zühdüm dînim îmânım Safâlar vaktidir arz-ı cemâl etdim dem-i nevrûz Bi-hamdi’llâh irişdi izzet ü rif’atle bayrâmım