Hariiroo hojii fi sirna hiikkaa waldhabbii falmii hojii keessatti rakkoolee mul’atan

5.1.2. Walta’iinsa Gareewwaniin Waliigaltee Hojii Addaan
Kutuu
Waliigalteen hojii walta’iinsa gareewwaniin addaan cituu ni danda’a.
Waliigaltee hojii walta’iinsaan addaan citeera jedhamuuf waliigaltichi ifatti
barreeffamaan kan raawwatame ta’uu qaba.
66
Kaffaltii adda addaa kan akka
kaffaltii hojiirraa geggeeffamaa kaffaluuf walta’iinsi taasifamu waliigalteen
hojii addaan cituu hin agarsiisu. Kana malees, hojjetaan mirgoota isaa
seeraan kennamaniif dhiisuuf walta’iinsi raawwatu bu’aa seeraa akka hin
qabaanne tumaan labsichaa kun ni teechisa. Qabatama jiru keessatti garuu,
faallaa tumaa kanaa yeroo raawwatamu ni mul’ata. Dhimma qabatamaa
tokko keessatti hojjetaan hojjechiisaa isaa duraanii waliigaltee hojii koo
seeraan ala addaan kuteera jechuun himateera. Hojjechiisaa isaa duraanii
kana kan himate yeroo dhaabbata (hoteela) isaa dhaabbata biraaf kiraa kennu
hojjettoota isaatiif waliigalteen ana waliin qabdan addaan citee dhaabbata
hoteelicha haaraa kireeffate waliin itti fufa kan jedhu xalayaa kenneefi ture.
Himatamaanis gochaan hojjechiisaa isaa duraanii kun seeraan ala waliigaltee
addaan kutuu dha jechuun faayidaa gara garaa gaafachuun kan himate yoo
ta’ellee, manni murtii dhimmicha ilaale waliigalteen himataan himatamaa
1ffaa waliin qabu fedhii isaaniitiin (akkaataa LHH kwt 25/2/ tiin) adda cite
jechuun himatamaa itti-gaafatamummaa irraa bilisa taasiseera
67
. Kunis,
manni murtii kun waliigalteen hojii walta’iinsaan addaan citeera jedhamuuf
waliigaltichi ifatti barreeffamaan kan raawwatame ta’uu qaba jechuun LHH
kwt 25 jalatti kan teechifame hubachuu dhabuu irraa kan madde dha.
66
LHH,
Olitti yaadannoo lak.8,
kwt 25.
67
Tasfaayee Hayilee fi Hoteela Maayaa (him 1ffaa) fi Boston Partners (him 2ffaa), MMA
Adaamaa, Lakk G 82610 (kan hin maxxanfamne).
PDF Creator - PDF4Free v3.01 http://www.pdf4free.com

---

Joornaalii Seeraa Oromiyaa [Jiil.5, Lak.1, 2008] 
Oromia Law Journal [Vol.5,No.1,2016]
100
Joornaalii Seeraa Oromiyaa [Jiil.5, Lak.1, 2008]
Oromia Law Journal [Vol.5,No.1,2016]