PEYĞƏMBƏRİN (S) FATİMEYI-ZƏHRAYA MƏHƏBBƏTİ Rəsuli-Xuda dəfələrlə buyurardı ki, Fatimə (s.ə) mənim ruhumun və bədənimin bir hissəsidir. O, mənə hamıdan əzizdir. Fatimə hər dəfə ata evinə gələndə, Peyğəmbər (s) onun hörmətinə ayağa durar, əllərindən öpərdi. Əlbəttə bu məhəbbət təkcə atalıq vəzifəsindən ibarət deyildi, çünki Peyğəmbərimizin Fatimədən savayı üç qızı da var idi. Lakin ondakı ləyaqət və yüksəklik Fatimeyi-Zəhraya olan məhəbbətini daha da artıq etmişdi. Fatimeyi-Zəhraya Peyğəmbərimizin məhəbbəti təkcə anasından yetim qalmasına görə deyil, bu məhəbbət Həzrət Əliyə ərə gedəndən sonra və ömrünün axırına kimi davam etmişdir.
