Rəhimli, İlham Əziz oğlu Azərbaycan teatr tarixi : 5 cilddə / İ. Ə. Rəhimli.
IV cild. - Bakı : Şərq-Qərb, 2017. - 480 s.
Sənətşünaslıq doktoru, professor İlham Rəhimlinin "Azərbaycan teatr tarixi" fundamental tədqiqat əsəri 5 cilddən ibarətdir. Alimin bu əsərlərində Azərbaycan milli teatr tarixi min-min illər əvvəllərdən mövcud olan xalq oyun-tamaşalarından, meydan teatrından başlayaraq günümüzə qədər olan dövrü əhatə edilib. Azərbaycan teatrşünaslığında peşəkar səhnə sənətimizin bütün tarixi mərhələləri-təşəkkülü, inkişaf tarixi, əsas yaradıcılıq mərhələləri, bədii-estetik səciyyələri, poetikasının əsasları, janr üslub müxtəlifliyi ilk dəfə konseptual şəkildə, elmi-nəzəri prinsiplərlə, xronoloji ardıcıllıqla araşdırılıb. Dördüncü cild "Mövzu, janr və üslub axtarışlar" bölümü ilə başlayır. Bu bölümdə Azərbaycan Dövlət Musiqili Teatrının (1938-1949 və 1956-2016), Gənc Tamaşaçılar Teatrının (1938-2016), Naxçıvan (1938-2016), Gəncə (1938-2016), Tiflis (1938-1947 və 1999-2016), İrəvan (1938-1949 və 1967-2016) teatrlarının yaradıcılıqları əhatə olunub.
Dostları ilə paylaş: |
