Tədqiqatın obyekti və predmeti. Dissertasiya işinin əsas obyektini Müasir Azərbaycan ədəbi dili təşkil edir. Lakin mövzunun əhatə dairəsinin genişliyini nəzərə alaraq müasir Azərbaycan ədəbi dilindəki bir sıra dil faktları haqqında dəqiq fikir söyləmək, konkret nəticəyə gəlmək üçün müəyyən faktlar bəzi türk dillərinin dil materialları ilə linqvistik müqayisə müstəvisində verilmişdir. Tədqiqatın predmetini isə müasir Azərbaycan ədəbi dilinin söz yaradıcılığı prosesində iştirak edən qeyri-məhsuldar şəkilçilərin funksional xüsusiyyətləri təşkil edir.
