Kurs ishining amaliy ahamiyati: Prezidentimiz oʻzining Oʻzbekiston Respublikasi Oliy Majlisining birinchi majlisidagi ma’ruzasida ta’kidlaganidek noyob tarixiy yodgorliklarni saqlash va ta’mirlash, oʻzbek xalqi yaratgan va milliy boylik boʻlgan san’at asarlarini izlab topish, ularni Oʻzbekistonga qaytarish ma’naviyat dasturimizning muhim boʻlagini tashkil etadi. Bu milliy boylik bizga ota-bobolarimizdan meros boʻlib qolgan. Binobarin biz ham uni koʻz qorachigʻimizday asrab-avaylashimiz va kelgusi avlodga meros qilib qoldirishimiz kerak. Ma’naviy-madaniy merosga nisbatan bildirilgan bu fikr Respublikamiz ijtimoiy hayot sohasining barcha vakillariga ma’suliyat yuklaydi. Zero, milliy boylik hisoblanmish noyob tarixiy yodgorliklar har bir millatda oʻz tarixiy oʻtmishi uchun gʻurur va iftixor tuygʻusini uygʻotish bilan birga, oʻz ma’naviyati vaurs madaniyatini ana shu oʻtmishga loyiq shakllantirishdek, buyuk oʻtmishga mos buyuk kelajak yaratishdek katta mas’uliyat hissini ham chaqiradi.
Bundan tashqari madaniy me’rosimizni asrab-avaylash va qayta tiklash hamda ichki turizmni rivojlantirish sohalariga oid prezidentimiz tomonidan tasdiqlanayotgan qator farmon va qarorlarni asos sifatida qabul qilgan holda, tasviriy san’at yoʻnalishi talabalari hamda umumta’lim maktab oʻquvchilarni me’moriy obidalarni tasvirlash mashgʻulotlarini yanada mukammal oʻzlashtirishlarida amaliy ahamiyat kasb etadi.
