SPIŻA FUQ L-EDUKAZZJONI TA’ STUDENTI 11111. L-ONOR. ETIENNE GRECH staqsa lill-Ministru għall-Edukazzjoni u x-Xogħol: Jista’ l-Ministru jgħid kemm tiġi tiswa lill-Istat l-edukazzjoni ta’ student jew studenta fi skola tal-Gvern f’sena waħda meta jkun Year 1, meta jkun Year 6, Form 1 u Form 5 bejn wieħed u ieħor?
ONOR. EVARIST BARTOLO:Ninsab infurmat li minn eżerċizzju li sar dwar in-nefqa fl-iskejjel tal-Istat għas-sena skolastika 2012-2013, irriżulta li n-nefqa ras għal ras fuq kull student hija ta’ €2,267 kull student fi skola primarja (irrispettivament jekk hux f’Year 1 jew Year 6) u €3,952 kull student fi skola sekondarja (irrispettivament jekk hux f’Form 1 jew f’Form 5).
