Mövzusunda Dİplom iŞİ Tələbə : Rəhimli Fatma maliyyə, 4-cü kurs, bakalavr dərəcəsi Elmi rəhbər: Eldar Qocayev

Cədvəl 2.1. Hər 100NT üçün müəyyənləşdirilən sabit Danimarka kronu [36].

Net ton	Hər gün üçün sabit miqdar (Hər 100 ton üçün DKK)
	2018	2019
0-1000	8.92	10.03
1001-10,000	7.05	7.20
10,001-25,000	4.22	4.31
25,000-dən çox	2.77	2.83

Cədvəldən göründüyü kimi 2019-cu ildə Tonnaj Vergi Sxeminə edilən dəyişikliklərlə hər 100 ton üçün tələb edilən DKK miqdarı artırılmışdır.

Danimarkanın vergi sisteminə görə xarici şirkətlərə və qeyri-rezident müttəfiqlərə edilən bəzi ödənişlər Danimarkada mənbədə ödənilən vergiyə cəlb olunur.

Dividendlər üzrə vergi dərəcəsi korporativ səhmdarlar üçün 22%, fərdlər üçün isə 27% təşkil edir. Bununla birlikdə dividendlər Danimarka ilə vergi müqaviləsi ilə əhatə olunan bir yurisdiksiyadakı alıcıya ödənilirsə, bu zaman vergi dərəcəsi 15 faizə və ya daha aşağı səviyyəyə endirilə bilər.

Danimarka şöbəsi tərəfindən digər Aİ ölkəsində və ya vergi müqaviləsi olan ölkədə yeləşən bir xarici əsas şirkətə (parent company) göndərilən dividendlər Danimarkada vergi tutulmadan da ödənilə bilər. Ama bu azadolma dividend Aİ xaricindəki bir əsas şirkətə göndərildiyi halda tətbiq edilmir. Xarici əsas şirkət Danimarka şöbəsində kapitalın ən azı 10%-nə sahib olan bir şirkət olmalıdır. Digər resipientlərə dividendlərin göndərilməsi zamanı Danimarkalı şirkət 27 % vergi tutmalı və Danimarka vergi orqanlarına köçürməlidir. Bu resipient vergi dərəcəsinin 22%-ə endirildiyi bir şirkət və ya vergi müqaviləsinə əsasən alıcının vergi dərəcəsinin azaldılması hüququna malik olan bir şirkət olsa belə tətbiq edilir. Alıcı bu halda Danimarka vergi orqanları tərəfindən artıq tutulan verginin geri qaytarılmasını tələb edə bilər.

Danimarka mənbələrindən xarici resipientlərə edilən royalti ödənişləri də vergiyə cəlb olunur. Lakin, Danimarkanın royalti üzrə vergi dərəcələri ədəbi, bədii və ya elmi işlərdən istifadə hüququ üçün olan ödənişlərə tətbiq edilmir və bu vergi 22 % təşkil edir. Danimarka ilə vergi müqaviləsi ilə əhatə olunan yurisdiksiyalarda yerləşən resipientlərə royalti ödənişləri üçün vergi dərəcələri azaldılır bəz ihallarda isə 0-a endirilir.

Aİ xaricində vergi rezidenti olan və Danimarkanın vergi müqaviləsi bağladığı dövlətlərdən birində yerləşməyən hər hansı bir xarici şirkətə faiz ödənişləri edilmədiyi təqdirdə , bu ödənişlərdən vergi tutulur. Mənbədən tutulan bu vergi dərəcəsi 22 faizə bərabərdir.

Kapital gəlirləri də həmçinin vergitutma obyekti sayılır,lakin burda bəzi hallar da nəzərə alınmalıdır. Belə ki törəmə səhmlərdən, qrup səhmlərindən və siyahıya alınmamış portfel səhmlərindən əldə olunan gəlirlər vergilərdən azaddır. Bəzi istiqrazlar və borclar üzrə kapital gəlirləri isə 22% -lə vergiyə cəlb edilir.

Bütün bu sadaladığımız xüsusiyyətlər Danimarkanın vergi sisteminin mürəkkəb və vergi yükünün isə yüksək olduğunu göstərir. Lakin buna baxmayaraq istər hüquqi istərsə də fiziki şəxslər arasında bu vergiləri ödəməkdən narazı olan çox az vergi ödəyicisi ola bilər. Çünki Danimarkalılar bu vergiləri ödəməklə keyfiyyətli bir həyata invesitisiya etdiklərini düşünürlər. Bunun nəticəsidir ki ÜDM-in demək olar ki yarısını vergidən əldə edilən vəsaitlər təşkil edir və bu ölkədə vergidən yayınma halları da azdır.