Mübariz süleymanli

MAL-QARANIN SAXLANDIĞI YERLƏR

VƏ

BURADA GÖRÜLƏN İŞLƏR
Ağıl (Büt.ş.) – yay zamanı üstü açıq inək və at saxlanılan yer.

Arxaş (Büt.ş.) – üstü açıq qoyun saxlanılan yer.

Qalot (Büt.ş.) – qoyuna qüvvəli yem vermək üçün taxtadan hazırlanan xüsusi qab. (Ə gədə, o qalotlara bax indicə davar gələcəx) (Əlia.).

Qaşar (Əlia., Sova.) – qış dövründə qoyunun sax­landığı üstüörtülü yer.

Dölcəx (Büt.ş.) – döl düşən yer.

Dönə (C., P., Buz.) – qoyuna duz verilən yer.

Yaylım (Büt.ş.) – qoyunun sübh çağı otarılması.

Kələx (Büt.ş.) – divarları daşdan olan üstü açıq mal-qara saxlanılan yer. Şahbuz şivələrində də eyni mə­nada işlədilir [20, s.256].

Kom (C., P., Buz., Güla.) – üstüörtülü mal-qara sax­lanılan yer.

Küz (Büt.ş.) – quzu saxlanılan yer. Bakı dia­lek­tində də eyni mənanı verir [95, s.206].

Sərdən // bərə (Büt.ş.) – qoyun sağılan yer. Bərə qərb qrupu dialekt və şivələrində də eyni mənada iş­lədilir [22, s.200].