Aidlik və ünvanlılıq

-13-

Başqa bir sual da meydana çıxır: ən güclü idmançılardan kimlər Bakıya getməyəcək? Yalnız voleybolçularımız və qılıncoynadanlarımız müvafiq komandaların ikinci heyətləri ilə təmsil olunacaqlar. Bu növlər üzrə əsas heyətin oyunçuları dünya Liqasında Qran-Pri uğrunda mübarizə aparacaq, qılıncoynatma üzrə Rusiya yığması isə Avropa Oyunları başa çatandan dərhal sonra Moskvada başlanan dünya çempionatında güclərini sınayacaqlar. Su idmanı növlərində yuniorlar çıxış edəcəklər. Çünki iyulun axırlarında Kazanda bu növlər üzrə dünya çempionatı keçiriləcək.

Bakıda 12 idman növü üzrə Olimpiya lisenziyaları uğrunda mübarizə gedəcək. Kamandan ox atanlar, yüngül atletlər, velosipedçilər, üzgüçülər, həmçinin güllə və stend atıcılığı, triatlon, çimərlik voleybolu və stolüstü tennis ustaları bu Oyunlarda Rio-de-Janeyroya vəsiqələr qazana bilərlər.

Oyunların proqramına daxil olan elə bir idman növü yoxdur ki, rusiyalılar həmin növdə medallar uğrunda mübarizə aparmasınlar. Lakin çimərlik futbolu (Rusiya yığması bu növ üzrə dünya çempionudur), basketbol (3:3), idman akrobatikası və aerobika növlərinə xüsusi ümid bəsləyirik. Təbii ki, belə yarışların proqramına ilk dəfə daxil edilmiş sambo da buraya aiddir. Bakıda samboçular səkkiz çəki dərəcəsində medallar uğrunda mübarizə aparacaqlar – dörd çəki dərəcəsində kişilər və dörd çəki dərəcəsində qadınlar. Rusiyalı veteran çempionlar, adətən Olimpiya Oyunlarında olduğu kimi, Bakıya da öz həmvətənlərinə azarkeşlik etmək üçün gedəcəklər. Dəstək qrupunun tərkibində təqribən 100 nəfər olacaq”.

Aşağıdakı məqalə <> qəzetindən götürülmüşdür bu xəbərdə isə etik normalar kəskin şəkildə pozulmuşdur: