Buynuzvari keratoz (kutanoz horn). Üz, başın tüklü hissəsinin dərisi və ya əlin dərisindən qabaran keratinoz törəmələrdir. Törəmələr ölçü və formasına görə müxtəlif olaraq qəhvəyi rəngli, qara görünüşdədir. Bunlar bir ziyildən və ya tamamilə bağlanmamış epidermal əlavələrin kistalarından formalaşa bilər. Nadir hallarda senil keratoz, yaxud karsinoma üzərində kirəcləşmə olua bilər. Cərrahi eksiziya ilə müalicə edilir.
Keratoakantoma. Xoş xassəli, spontan sağalan keratin və skvamoz hüceyrələrdən yaranmış xarakterik kraterə bənzər görünüşlü bir şişdir. Tük follikullarından başlanğıc götürdüyü güman edilir. Bədənin hər yerində, hətta bəzən ovuc içində və ayaq altnda da müşahidə olunur. Spinosellulyar kanser ilə səhv salına bilər. Differensial diaqnozda histopatoloji müayinə lazımdır. Keratoakantoma, ümumiyyətlə, 2 sm-dən kiçik ölçülərə malik olur, 2-8 ay müddətində öz-özünə atrofik, tüksüz bir çapıq qoyaraq sağalır. Kişilərdə daha çox müşahidə olunur. Spinosellulyar kanserə nisbətən 1/3 dəfə az rast gəlinir.
Tərkibinə sağlam kənarlar da daxil olan, fusiform, kraterin ortasından keçən şəkildə biopsiya edilməlidir. Əks təqdirdə spinosellulyar kanser kimi diaqnoz qoyula bilər.
Müalicə. Qazımaq və koaqulyasiya məsləhət görülürsə də, bu metodlarla dəqiq diaqnoz qoymaq üçün histopatoloji müayinə mümkün olmadığına görə eksiziya daha yaxşı üsuldur. Radioterapiya və krioterapiya da yaxşı nəticə verə bilər.
Dostları ilə paylaş: |
