BU MƏLUN KİMDİR?
Məlun Təmim ibni Həsin Fərazi qışqırıb deyirdi: “Ey Hüseyn və ey Hüseynin qoşunu! Fəratın suyunun balığın qarnı kimi parıldadığını görmüsünüzmü?Allaha and olsun ki, bir damcı belə o sudan sizə verməyəcəyik.”
İmam Hüseyn (əlyhissalam) soruşdu: “Bu məlun kimdir?”
Dedilər: “Təmim ibni Həsin.”
Buyurdu: “Bu kişi və atası Cəhənnəm əhlindəndir.”
Sonra Həzrət belə bir nifrin etdi: “Pərvərdigara, bu məlunu susuzluqdan öldür!”
İmamın (əlyhissalam) duası sona yetən kimi Təmim ibni Həsinə şiddətli bir susuzluq yanğısı gəldi. Çox keçmədi ki, camaatın gözü qarşısında atından yerə yıxılıb onun ayaqları altında tapdalanaraq Cəhənnəmə vasil oldu. Lakin qəlbləri, qulaqları və gözləri kor olmuş düşmən qoşunu İmam Hüseynin (əlyhissalam) bu kəramətindən yenə də heç bir ibrət almadılar.1
Dostları ilə paylaş: | 
