Neft va gaz kimyosi

Neftni birlamchi qayta ishlash texnologiyasi bilan tanishish va uni

amalga oshirish qurilmasini o’rnatish.

Neft va neft mahsulotlarini bo‘laklab haydash uslublari, ularning tarkibini aniqlash va izlanish uchun asosiy yo‘llaridan biri bo‘lib hisoblanadi. Bunday izlanish neftning texnik qiymati haqida mulohaza qilish hamda motor yoqilg‘isining ekspluatasion sharoitini aniqlash imkoniyatini beradi.

Kimyoviy jihatdan bir jinsli suyuqliklarni o‘rganishda ularni qaysi qurilma yordamida haydash ahamiyasiz, negaki haydash natijasi qurilma konstruksiyasi bilan emas, balki haydalayotgan suyuqlikning qat’iy belgilangan va doimiy harorati bilan aniqlanadi. Turli uglevodorodlar va boshqa organik birikmalarning murakkab arlashmalardan iborat neft mahsulotlarini haydash natijalariga qurilmalarning konstruksiyasi ta’sir ko‘rsatadi.

Neft va neft mahsulotlarini haydash uchun mo‘ljallangan tajribaviy qurilmalar uch xil tipda bo‘ladi:

1. 
   rektifikasiyasiz uzlukli ishlaydigan qurilmalar;
   
2. 
   rektifikasiyasiz uzluksiz ishlaydigan qurilmalar;
   
3. 
   rektifikasiyali uzlukli ishlaydigan qurilmalar.
   

Ushbu qo‘llanmada rektifikasiyasiz uzlukli ishlaydigan qurilmalar bilan tanishib chiqamiz.