Nur təFSİRİ

Dünyaya Quran prizmasından bir baxış

Qurani-məciddə dünya və dünya həyatı müxtəlif təbirlərlə yad edilir, insanlara diqqətli olmaq tapşırılır. Uyğun təbirləri nəzərdən keçirək: Dünya ötəridir¹; dünya oyuncaqdır²; dünya cüzi və əhəmiyyətsizdir³; dünya həyatı aldanış və qəflət səbəbidir⁴; dünya həyatı kafirlər üçün cilvələnmişdir.⁵; var-dövlət və övlad dünya zinətidir⁶; dünya kimsə üçün açılmayan qönçədir⁷; nə üçün dünyanı axirətə satırsınız⁸; nə üçün fani və məhdud dünya sizi razı salır⁹; nə üçün kiçik və ötəri dünya sizi şad edir¹⁰; nə üçün dünyanı axirətdən üstün tutursunuz¹¹; nə üçün dünyaya sahib olanlar sizi heyran qoyur¹²; nə üçün təkcə dünya haqqında düşünürsünüz¹³; dünyapərəstlər bilmirmi ki, onların yeri cəhənnəmdir¹⁴.

Şübhəsiz, bütün bu xəbərdarlıqlar dünyagir insanlara ünvanlanıb. Ayə və rəvayətlərdə ədalət və insaf çərçivəsində dünyadan bəhrələnənlər yox, dünyapərəstlər, axirətini satanlar, qəflətdə qalanlar, məst olanlar, yoxsulların haqqını verməyənlər nəzərdə tutulur. Uyğun məzəmmətlər kamillik sorağınca gedən, axirətdən xəbərsiz qalmayan, məhrumların haqqını ödəyən, dünya işlərində zülmə yol verməyən insanlara aid deyil. İlahi çərçivədən çıxmayan var-dövlət və dünya fəzl və rəhmətdir.

Ayə 61:

﴿أَفَمَن وَعَدْنَاهُ وَعْدًا حَسَنًا فَهُوَ لَاقِيهِ كَمَن مَّتَّعْنَاهُ مَتَاعَ الْحَيَاةِ الدُّنْيَا ثُمَّ هُوَ يَوْمَ الْقِيَامَةِ مِنَ الْمُحْضَرِينَ﴾

“Xeyir vəd verdiyimiz və onu görəcək kəs dünya həyatından bəhrə verdiyimiz, sonra Qiyamət günü (cəza üçün) gətiriləcək kəs kimidirmi?!”