Nöqtələr
Keçmiş qövmlərin tarixini mütaliə etməklə bir növ onların həyatını yaşamaq olur. Əlbəttə ki, fiziki baxımdan keçmişə qayıtmaq olmaz. Həzrət Əli (ə) oğlu imam Həsənə (ə) buyurur: “Mən keçmişdəkilərin həyatını yaşamasam da, onların yaşayışını və nişanələrini mütaliə edib düşünməklə sanki onlardan biri olub onlarla yanaşı ömür sürmüşəm.1”
Bu və bundan sonrakı ayələrdə “Ma kuntə” təbiri dörd dəfə təkrar olunmuşdur. Bu təbir Qurandakı tarixi məlumatların qeybdən qaynaqlandığını göstərir.
Bildirişlər
1. Həzrət Musanın (ə) peyğəmbərlik macərasının həmin dövrdə yaşamamış peyğəmbərin dilindən son xırdalıqlarınadək bəyanı Quranın həqiqət və möcüzə olmasını göstərir.
2. Quranın nəql etdiyi bəzi əhvalatları şahidlərin nəqlinə yox, qeybi xəbərlərə əsaslanır.
3. Tövrat Tur dağının qərb hissəsində nazil olmuşdur.
Ayə 45:
﴿وَلَكِنَّا أَنشَأْنَا قُرُونًا فَتَطَاوَلَ عَلَيْهِمُ الْعُمُرُ وَمَا كُنتَ ثَاوِيًا فِي أَهْلِ مَدْيَنَ تَتْلُو عَلَيْهِمْ آيَاتِنَا وَلَكِنَّا كُنَّا مُرْسِلِينَ﴾
“Amma Biz (qövmləri) müxtəlif əsrlərdə xəlq etdik. Onlar uzun illər ömür sürdülər. (Peyğəmbərləri unutdular və Biz səni səmavi kitabla onlara doğru göndərdik.) Sən Mədyən əhli arasında olmamışdın ki, (onların vəziyyətindən xəbər tutub) ayələrimizi (Məkkə əhlinə) oxuyasan. Amma hidayət üçün fərdləri göndərmək Bizim sünnəmizdir.”
Dostları ilə paylaş: | 
