Microsoft Word al adab oqshom ziyouz com doc

606-bob. Bola sog'lom tug'ilsa, Xudoga shukr qilish haqida 
1292. Hz. Oyisha (r.a.) biron oilada farzand tug'il-sa, o'g'il yoki qizligini so'ramas edilar. 
Balki: "Sog'lommi?" -deb so'rar, "Ha", deyilsa, "Olamlarning Parvardigori Allohga shukr", 
derdilar. 
607-bob. Kindik osti tuklarini olib yurish haqida 
1293. Abu Hurayra (r.a.) aytdilar: "Rasululloh (s.a.v.): "Beshta narsa fitratdandir: 
mo'ylabni qisq-artirish, tirnoqni olish, kindik osti va qo'ltiq osti tuklarini olib yurish va 
misvok qilish", deb marha-mat qilganlar". 
608-bob. Tuklarni olishning muddatlari haqida 
1294. Ibn Umar (r.a.) har 15 kunda tirnoqlarini va har oyda badanlaridagi tuklarini 
tozalardilar. 
609-bob. Qimor haqida 
1295. Ibn Abbos (r.a.) aytdilar: "Johiliyat davri-da odamlar: "Tuya qimorbozlari 
qaerda?" - derdilar. Shunda o'n kishi bir joyga yig'ilib, yangi sutdan chiq-qan o'nta 
bo'taloqqa bir tuya sotib oladilar. So'ng qimor o'qlarini aralashtirib bir xaltaga soladilar, 
ulardan biriga bo'sh o'q chiqquniga qadar xaltadan o'qni sug'urishda davom etaveradilar. 
Qolganlari esa quruq qoladilar. Bo'taloqlar tugagunicha ismi yozig'liq o'q chiqqan kishi 
hissasini olib ketaveradi. Mana shu qimordir". 
1296. Ibn Umar (r.a.) aytdilar: "Maysir qimordir". 
610-bob. Xo'roz ustidagi garov haqida 
1297. Rabi'a ibn Abdullohdan rivoyat qilindi: "Hz. Umar (r.a.) xalifalik yaqglarida ikki 
kishi ikki xo'rozdan garov o'ynadi. Hz. Umar r.a.) xo'rozlarni so'yib yuborishni 
buyurdilar. Shunda ansorlardan bir kishi: "Allohga tasbih aytib turgan jonivorni 
o'ldirasizmi?" - dedi. Hz. Umar (r.a.) xo'rozlarni qo'yib yubor-dilar". 
611-bob. Do'stiga: "Kel, garov o'ynaymiz", deyish haqida 
1298. Abu Hurayra (r.a.) aytdilar: "Rasululloh (s.a.v.) dedilar: "Sizlardan kimki qasam 
ichib, qasamida "Lot va Uzzo haqqi", deb yuborsa, "La ilaha illaloh", desin. Kimki 
do'stiga: "Kel, garov o'ynaymiz", desa, sadaqa bersin", dedilar. 

---

Al-adab al-mufrad. Imom Ismoil al-Buxoriy