Sistemli islahat (Systematic reform) - Təhsil prosesinin bütün səviyyələrini əhatə edən və
ardıcıl sürətdə bir-birini tamamlayan islahat.
Situativ təqdimat (Situational Presentation) - Yeni dərsi sadə hekayə, yaxud bu məqsədlə
yaradılan situasiyalar vasitəsi ilə təqdim etmək üsulu. Situasiyaların yaradılması üçün müəllim
müvafiq şəkillərdən də faydalana bilər.
Siyahıyaalınma (Enrolment) - Cari tədris ili ərzində konkret sinifdə təhsil alacaq şagirdlərin
siyahıya alınması. Belə bir siyahıyaalma adətən, əhali sıxlığı, miqrasiya prosesi, maliyyə dəstəyinin
səviyyəsi, siyahıya alınmış məktəbyaşlı uşaqların ərazilər üzrə paylanma nisbəti, tədris planının növü
və s. amillər də nəzərə alınmaqla aparılır.
Sokrat/Erasmus (Socrates/Erasmus) - Əsası 1987-ci ildə Avropa Birliyi tərəfindən qoyulmuş
proqram.
Bu proqramın əsas məramı Avropada ali təhsilin keyfiyyətini artırmaq və Avropa standartlarını
gücləndirməkdən ibarətdir. Proqrama cəlb edilmiş ölkələrin universitetləri arasında əməkdaşlığın
təşviqi, şagird və pedaqoqların qarşılıqlı mübadiləsinin təmin olunması, proqram ölkələrində verilən
diplomların qarşılıqlı şəkildə tanınması, təhsil sahəsində şəffaflığın artırılması Sokrat/Erasmus
proqramının məqsədlərinə daxildir.
Sorğu vərəqəsi (Questionnaire) - Təhsil üzrə peşəkar fəaliyyətin ən müxtəlif cəhətləri haqqında
məlumat və rəylərin toplanması üçün istifadə edilən, məqsədəuyğun sualların əks olunduğu
vərəqələr.
Sosial ayrı-seçkilik (Social discrimination) - İrqi, cinsi, etnik, dini və sosial-iqtisadi
mənsubiyyətinə görə bir tərəfin digər tərəf ilə müqayisədə üstün, yaxud aşağı tutulması; ona qarşı
qeyri-obyektiv münasibət göstərilməsi; sosial ədalətsizlik.
Sosial bacarıqlar (Social skills) -Sosial və fərdlərarası bacarıqlar. Bunlar bir-birilə qarşılıqlı
əlaqədədir. İctimai bacarıqlar təhsil müəssisələrində və iş yerlərindəki mövcud sosial münasibətlərin
iştirakçıları arasında həssas və səmərəli əlaqəni təmin edir. Şagirdlər (tələbələr) insan-cəmiyyət
münasibətləri, ünsiyyət etiketi qaydaları və s. kimi bacarıqları təcrübədən keçirməlidirlər. (bax:
