Laboratoriya dərslərini aparır: ass. Xanməmmədova E.
ADNSU-2022-ci il «Analoq elektronika» fənni üzrə passiv sillabusun fənnin öyrənilməsində əhəmiyyəti: Tədris planında fənnin mənimsənilməsi nəticəsində tələbənin qazanacağı kredit 6 olduğundan həmin fənn üçün ayrılan saatların miqdarı 6x30=180 saat təşkil edir. Bu saatlardan 75 saat (45 saat mühazirə, 30 saat laboratoriya) auditoriya saatları üçün ayrıldığından, 105 saat tələbələr tərəfindən fənnin sərbəst (auditoriyadan kənar) öyrənilməsi üçün ayrılmış saatları təşkil edir. ADNSU-da qəbul edilmiş qaydalara əsasən tələbələr 45 saatlıqmühazirələrin 6 həftədəlik materialları əsasında 7-civə yaxud 8-ci həftələrdə aralıq imtahan (midtem) verərək maksimal olaraq 20 bal qazana bilirlər. Aktiv sillabusun mühazirələrinin 9 həftəlik mövzuları isə imtahan biletinin 3 sualını təşkil edəcəkdir. Bu halda imtahana maksimal giriş balı olan 50 balı qazanmış tələbə imtahanda yalnız aktiv sillabusun materialları əsasında maksimal olaraq 30 bal qazana bilər və onun qiyməti C (yaxşı ) olacaqdır. İmtahan biletinin 2 sualı isə passiv sillabusda olan mövzulardan (1-ci sual nisbətən asan mövzu olmaqla, 5-ci sual isə nisbətən çətin olan təqdimat mövzusundan) formalaşdırılacaqdır. Deməli, tələbənin B(çox yaxşı) və A(əla) qiymətlərini qazanmasının yeganə şərti passiv silabusda göstərilmiş əlavə mövzuları və təqdimat mövzularını mənimsəməsidir.Odur ki, tələbələr keçirilən hər mühazirə mövzusuna və hər laboratoriya işinə aid göstərilmiş mövzuları sərbəst öyrənməlidir. Mühazirə mövzularına aid olan və tələbələr tərəfindən sərbəst öyrənilməli olan mövzular cədvəl 1-də verilmişdir.
