XəZƏr universitetiNİN 2015-ci IL elmi fəaliyyəti haqqında hesaba t

Bakalavr üzrə ixtisas proqramları	Magistr üzrə ixtisas proqramları
Doktorantura üzrə ixtisas proqramları
1	Tərcümə	Beynəlxalq münasibətlər	German dilləri
2	Ingilis dili və ədəbiyyatı	Beynəlxalq münasibətlər tarixi və nəzəriyyəsi	Sosial fəlsəfə
3	Politologiya	Beynəlxalq münasibətlər və diplomatiya	Fəlsəfə tarixi
4	Beynəlxalq münasibətlər	Dünya siyasi prosesləri	Tarix
5	Regionşünaslıq	Beynəlxalq jurnalistika	Azərbaycan tarixi
6	Psixologiya	Kliniki psixologiya	Dünya Ədəbiyyatı
7	Jurnalistika	Ümumi psixologiya Regionşünaslıq	Siyasi nəzəriyyə
8	-	Konfliktologiya	Beynəlxalq münasibətlər
9	-	Tərcümə	-
10	-	Dilşünaslıq	-

Təhsil Fakültəsi

Təhsil sahəsində tədqiqatlar aparılması həmişə Xəzər universitəsinin strateji inkişaf proqramının əsas amillərindən biri olmuşdur. Bu məqsədlə Xəzər universitəsi 1992-ci ildə, Azərbaycanda ilk dəfə olaraq, ABŞ-nin Los Angeles Kaliforniya universitəsi (UCLA) ilə universitet idarəçiliyi sahəsində əməkdaşlıq proqramını həyata keçirməyə başladı. Bu əməkdaşlıq proqramına əsasən Xəzər Universitetində Təhsil və İnformasiya Araşdırmaları Mərkəzi yaradıldı. Daha sonra isə Avropa Komissiyasının dəstəyi ilə “Təhsildə Keyfiyyətin Qorunması Mərkəzi”nin əsası qoyuldu.

Bundan başqa, Xəzər Universitetinin müəllimləri məcburi qaçqın və köçkün düşərgələri də daxil olmaqla Azərbaycanın müxtəlif regionlarında müəllimlərin treyninq proqramlarını həyata keçirməyə başladılar.

1998-ci ildən Xəzər Universiteti nəzdində orta məktəb yaratmaq istiqamətində ilkin tədbirlər görüldü. Əvvəlcə kiçik bir sinif açıldı və beləliklə ibtidai təhsil sahəsində ilk təcrübə qazanıldı. Sonradan tədricən ibtidai təhsil sinifləri təşkil edildi və Universitetin nəzdində “ Dünya” məktəbi fəaliyyətə başladı.

2003-cü ildə İbtidai təhsilin pedaqogikası və metodikası ixtisası üzrə bakalavr pilləsinə ilk tələbələr qəbul edildi. Fakültədə tələbələrə “Təhsilə giriş”, “Təhsil psixologiyası”, “Kurikulum: hazırlanması və təkmilləşdirirlməsi prinsipləri”, “Ölçmə və qiymətləndirmə”, “Təlim texnologiyaları, metodları və material hazırlanması”, “Sinfin idarə olunması”, “Məktəbin idarə olunması” , “Təşkilatı davranış və müəllim etikası” və s. kimi fənlər tədris olunur.

Təhsil fakültəsi 2012-ci ildən etibarən beynəlxalq layihələrlə yanaşı Azərbaycandakı təhsil islahatına dəstək və öz töhfəsini vermək məqsədilə Təhsil Nazirliyinin elan etdiyi müxtəlif layihələrə qoşulmağa başlamışdır. Son üç ildə üniversitet Təhsil Nazirliyinin sifarişi ilə həm orta məktəb müəllimləri, həm də təhsil rəhbərləri üçün müxtəlif təlimlər həyata keçirmişdir.

2012-ci ildə “Ümumi orta təhsil səviyyəsində fənn kurikulumlarının tətbiqi” mövzusunda Təhsil Nazirliyi tərəfindən keçirilən tenderdə 3 müxtəlif layihənin qalibi olmuşdur. Bu layihələr çərçivəsində 38 müxtəlif rayonda 117 qrupda həyata keçirilən təlimlərdə 2751 müəllim iştirak etmişdir.

2013-cü tədris ilində isə İbtidai sinif müəllimləri üçün “Yeni fənn kurikulumlarının tətbiqi” mövzusunda 722 nəfər ibtidai sinif müəllimlərinə təlim kursu təlim kursu təşkil etmişdir.

Bundan başqa Təhsil Nazirliyinin sifarişi ilə respublikada ilk dəfə “İdarəetmədə qərarların verilməsi üçün təhsilalanların nailiyyətlərinin qiymətləndirilməsi və monitorinq tədqiqatları nəticələrindən istifadə” üzrə təlim kursları hazırlamış və 2013-cü ilin yay və payız aylarında təhsil rəhbərləri təlim kursunu təşkil etmiş və 1273 təhsil rəhbəri və metodistlərinə müasir idarəetmə və qiymətləndirmə sistemi haqqında 6 günlük 36 saatlıq ixtisasartırma təlimi keçirmişdir.

Təhsil fakültəsinin təhsil sahəsi ilə əlaqədar 2014-cü ildə başlayan və fasiləsiz 2015-ci ildə də davam edən layihələrindən biri də UNICEF-lə birlikdə Təhsil Nazirliyinin müasir tələblərə cavab verən məktəb rəhbərlərinin yetişdirilməsi siyasətinə dəstək məqsədilə təşkil olunmuş “Potensial məktəb rəhbərlərinin hazırlanması” layihəsidir. İndiyə qədər 200-dən çox potensial məktəb rəhbərinin 12 həftə ərzində 9 fənn üzrə təhsil aldığı təlim kursu uğurla davam etməkdədir.

2015-ci ildə Təhsil fakültəsinin uğurla həyata keçirdiyi və ümumtəhsil pilləsinə töhfələrindən biri də Azərbaycandakı ümumtəhsil məktəblərindəki dərsliklərin yeni fənn kurikulumlarının tələblərinə uyğun yazılması xidmət edən “Dərsliklərin hazırlanması və qiymətləndirilməsi üzrə təlim kursu” layihələsidir. 2 illik tədqiqatın və araşdırmanın nəticəsi olan bu layihə çərçivəsində Təhsil fakültəsi ümumtəhsil fənləri üzrə dərslik müəlliflərini, dərsliklərin qiymətləndirilməsi və monitorinqi üzrə ekspertlər və mütəxəssisləri, fənlər üzrə dərsliklərin müəllifi olmaq arzusunda olan müəllifləri təlimdən keçərək lazımi bilik və bacarıqların formalaşdırılmasını məsləhətçi qurum olaraq öhdəsinə götürdü və uğurla təlimdən keçirdi.

Hal hazırda fakültə aşağıdakı ixtisaslar üzrə bakalavr, magistr və doktorantura proqramları təklif edir: