Biomüxtəliflik problemlərinin yaranmasının səbəbi nədir?
Giriş.
Biomüxtəlifliyin tükənməsinin əsas səbəbi-insanın fəaliyyəti nəticəsində yaşayış arealının dağılması və azalmasıdır. Bəzi hallarda təbii amillər də çox vacibdir. Biz bu amilləri dəyişə bilmərik, lakin gələcək proqnozlar üçün onları dərk etməliyik.
Bu poster uşaqlara insan fəaliyyətinin Xəzər regionunda biomüxtəlifliyin tükənməsinə təsirini izah etməkdən ötrü hazırlanmışdır. Posterin əsas ideyası müxtəlif amillərin biomüxtəlifllik problemlərini necə yaratdığını uşaqlara başa salmaqdan ibarətdir. Uşaqlar səbəbləri söyləməklə yanaşı Xəzər ekosisteminin elementləri ilə onların arasında qarşılıqlı əlaqəni və səbəb-nəticə əlaqələrini göstərməyi bacarmalıdırlar. Biz ümid edirik ki, posterdəki rəngi fotoşəkillər emosiyalar yaradaraq, biliklərin möhkəmlənməsinə kömək edəcəkdir.
Posterdə müxtəlif qrup şəkillər insan və təbii amillərin Xəzərin biomüxtəlifliyinə təsirini nümayiş etdirir. Fotoşəkillər elə seçilmişdir ki, Xəzərin biomüxtəliflik problemlərinin yaranma səbəblərini öyrənərkən həm təbii, həm də insanın tələbatının hədindən artıq artmasının yaratdığı sosial amillərin təsirini təhlil etmək mümkündür.
Dostları ilə paylaş: | 
