| Tsənaye – sənayenin bütövlükdə inkişaf sürəti.
Bu düsturda kəsrin məxrəcinə digər sahənin inkişaf sürətini yazmaqla iki sahənin bir-birini qabaqlama və ya bir-birinə geriqalma əmsallarını hesablamaq olar.
Sənayenin sahə quruluşunun təhlilində müəyyən dərəcədə maraq doğuran bir məsələ də hər hansı konkret il üçün və dinamika üzrə ayrı-ayrı sənaye sahələrində bir iş yerinin dəyərinin nisbi və yaxud mütləq mənada öyrənilməsidir.Bu məsələnin əhəmiyyəti əhalinin məşğulluq səviyyəsinin artırılması zərurəti yarandıqda daha önəmli olar.
Sahənin qabaqlama əmsalı sənayenin sahə quruluşunda hər şeydən öncə kəmiyyət dəyişikliklərini xarakterizə edir.Lakin həmin kəmiyyət dəyişikliklərinin hansı sənaye sahəsi hesabına baş verdiyini hesablamaqla sənayenin sahə quruluşundakı meylləri, keyfiyyət cəhətlərini öyrənmək olar.Hər bir ölkə sənayesinin sahə quruluşunun optimal səviyyəsini formalaşdırmaqla, xalq təsərrüfatı kompleksinin səmərəli fəaliyyətini təmin etməklə ictimai istehsalın iqtisadi səmərəliliyini yüksəltmək və əhalinin rifahının yaxşılaşdırılmasına nail olmaq kimi qlobal iqtisadi və sosial problemlərin həllini sürətləndirmək olar.Sənayenin sahə quruluşu və onun təkmilləşdirilməsi bütünlükdə ölkə iqtisadiyyatının quruluşunu müəyyən edir və özü təkmilləşdikcə sonuncunun mütərəqqiliyi təmin olunur.Bu baxımdan dövlətin struktur siyasəti onun iqtisadi siyasətinin mühüm tərkib hissəsindən biridir.
Dostları ilə paylaş: | 
