Ayətullah məHƏMMƏd məHƏMMƏDİ reyşƏHRİ İslamda aiLƏ SƏADƏTİ Mütərcim: Dr. Əfzələddin Rəhimov

Hədislər:

571. Allahın rəsulu (s): Həyat yoldaşı heyizli olduğu halda onunla cinsi əlaqədə olan şəxsin övladı, anadangəlmə cüzam, alaca xəstəliyinə tutulsa; özündən başqa heç kimi qınamasın.¹

572. "Təhzibül-əhkam": Eys ibn Qasim rəvayət edir: İmam Sadiqdən (ə) kişinin öz qadını ilə heyz halında cinsi əlaqəyə girməsi haqda soruşdum. Buyurdu: "Belə iş etməsin! Çünki Allah-təala, qadınla heyizli olan vaxt cinsi əlaqədə olmağı qadağan edib."²

573. İmam Sadiq (ə): Bzimlə yalnız napak doğulanlar və ya heyz halında bünövrəsi qoyulanlar, düşmənçilik edər.³

574. "Əl-Kafi": Əzafir Seyrəfi rəvayət edir: İmam Sadiq (ə) buyurdu: "Bu naqis yaranmış (əlil və ya səmə) məxluqları görürsənmi?"

Dedim: Bəli.

Buyurdu: "Bunlar, valıdeynləri heyizli vaxtı yaxınlıq edənlərin övladlarıdır."⁴

575. İmam Sadiq (ə): Heyizli qadın, bu müddət ərzində səbir etməlidir. Namaz qılmamalı və həyat yoldaşı ilə yaxınlıq etməməlidir.⁵

576. "Dəaimül-islam": Əhli-beytdən rəvayət olunan hədislərə əsasən, qadın heyizli və nifaslı olduğu zaman, paklaşmayana qədər, ərinin onunla cinsi əlaqədə olması haramdır¹.²

2- Məsciddə etikaf³ saxlayarkən cinsi əlaqədə olmaq

وَ لا تُبَاشِرُوهُنَّ وَ أَنْتُمْ عاكِفُونَ فِي الْمَساجِدِ تِلْكَ حُدُودُ اللَّهِ فَلا تَقْرَبُوها كَذلِكَ يُبَيِّنُ اللَّهُ آياتِهِ لِلنَّاسِ لَعَلَّهُمْ يَتَّقُونَ

Qurani-kərim:

"Məscidlərdə ibadətdə (etikafda) olduğunuz zaman onlarla (qadınlarınızla) yaxınlıq etməyin. Bunlar (bu hökmlər) Allahın hədləridir, bunları aşmayın! Allah (insanlara) hökmlərini bu cür bildirir ki, müttəqi olsunlar!"¹

Hədislər:

577. "Mən la yəhzərühül-fəqih": Zürarə rəvayət edir: İmam Baqirdən (s) soruşdum: Etikaf saxlayan şəxs cinsi əlaqədə ola bilərmi?

Buyurdu: "Etitikaf saxladığı zaman cinsi əlaqədə olan şəxs, zihar² edib, gecə həyat yoldaşı ilə intim əlaqəsində olan şəxsin kəffarəsi miqdarında kəffarə ödəməlidir. Gündüz vaxtı bu işi görsə, iki qat kəffarə ödəməlidir."³

578. "Əl-Kafi": Səmaə ibn Mehran rəvayət edir: Etikaf saxlayan şəxsin həyat yoldaşı ilə cinsi əlaqəyə girməsi haqda soruşdum. Buyurdu: "O, Ramazan ayında bir gün orucunu yeyən şəxs kimidir."⁴

579. "Əl-Kafi": Həsən ibn Cəhm rəvayət edir: Əbül-həsəndən (ə) etikaf saxlayan şəxsin həyat yoldaşı ilə cinsi əlaqəyə girməsi haqda soruşdum. Buyurdu: "Etikaf saxladığı müddətdə, istər gecə olsun, istərsə də, gündüz, həyat yoldaşı ilə cinsi əlaqəyə girə bilməz."⁵