ONOR. NOEL FARRUGIA: Qiegħed inpoġġi fuq il-mejda tal-kamra l-informazzjoni mitluba għall-mistoqsija nru 2531.
SAJJIEDA - IRMIĠĠ
2532. L-ONOR. NINU ZAMMIT staqsa lill-Ministru tal-Biedja u Sajd: Rigward l-irmiġġ tal-qxur tal-baħar tas-sajjieda "full-time", jista' l-Ministru jgħid: 1) Kemm-il irmiġġ hemm f'Marsaxlokk; 2) jekk hemmx talbiet pendenti minn sajjieda f'Marsaxlokk u jekk fl-affermattiv kemm huwa dan in-numru ta' talbiet?
ONOR. NOEL FARRUGIA: L-Onor. membru huwa mitlub jagħmel il-mistoqsija lill-Ministru konċernat mill irmiġġi.
PULIZIJA - LIĊENZJI GĦALL "MOBILE KIOSKS"
2536. L-ONOR. GEORGE PULLICINO staqsa lill-Prim Ministru: Jista' l-Prim Ministru jgħid kemm hemm liċenzji tal-pulizija għall-"mobile kiosks" f'Malta u Għawdex? X'inhi l-"policy" tal-gvern fir-rigward ta' għoti ta' liċenzji għall-"mobile kiosks"?
ONOR. ALFRED SANT: It-tweġiba tingħata f'xi seduta oħra.
