Fond əməliyyatları – qiymətli kağızlarla aparılan əməliy-
53
yatlardır.
Fond əməliyyatlarına aşağıdakılar aiddir:
Veksellərlə aparılan əməliyyatlar (hesablaşma və təkrar
hesablaşma əməliyyatları, veksellərin iddiası üzrə
əməliyyatlar, veksellərin inkassasiyası, aksepti,
indossasiyası üzrə əməliyyatlar, veksel tapşırıqlarının
verilməsi, onların saxlanması və hərracda satışı üzrə
əməliyyatlar);
Fond bircalarında qiymətlənən qiymətli kağızlarla
aparılan əməliyyatlar.
Zəmanət əməliyyatları – bank tərəfindən müəyyən ha-
disənin baş verməsi zamanı müştərinin üçüncü şəxsə borcunu
ödəməsi haqqında zəmanətin (zaminliyin) verilməsi üzrə
əməliyyatlardır. Bu əməliyyatlar banklara həm də komissiya
şəklində də gəlir gətirir.
Bundan əlavə, bank tərəfindən aparılan aktiv əməliyyatlara
aiddir:
Risk səviyyəsindən asılı olaraq – riskli və qeyri riskli
əməliyyatlar;
Vəsaitlərin yerləşdirilməsi xüsusiyyətindən (istiqa-
mətindən) asılı olaraq – birincidərəcəli əməliyyatlar
(vəsaitlərin müxbir hesablarda, kassada yerləşdirilməsi
ilə, müştərilərə, digər banklara ssudaların verilməsi ilə
bağlı olan və bəzi digər əməliyyatlar), ikincidərəcəli
əməliyyatlar (vəsaitlərin ehtiyat və sığorta fondlarına
köçürülməsi ilə bağlı olan əməliyyatlar) və investisiya
əməliyyatları (bank vəsaitlərinin şəxsi qiymətli kağızlar
portfelinə, əsas fondlara yatırılması, digər müəssisə və
təşkilatların təsərrüfat fəaliyyətində iştirakı üzrə əməliy-
yatlar);
Gəlirlilik səviyyəsindən asılı olaraq – gəlir gətirən əməliy-
yatlara (yüksək gəlirli və aşağı gəlirli, sabit gəlir gətirən
və qeyri-sabit gəlir gətirən əməliyyatlar) və gəlir
gətirməyən
əməliyyatlara
(nağd
pulla
aparılan
əməliyyatlar, müxbir hesabı üzrə, Mərkəzi Bankın ehtiyat
54
fonduna köçürmələr üzrə, faizsiz ssudaların verilməsi
üzrə, ssudaların vaxtının uzadılması və möhlət verilməsi
üzrə əməliyyatlar) bölünür.
