Hər bir namazın ən azı iki rəkətində deyirik: “Bizi düzgün yola hidayət et!” Siz on yeddi rəkət vacib namaz qılırsınız. Bu on yeddi rəkətin on rəkətində “Bizi düzgün yola hidayət et!” deməlisiniz.
İnsan hər duanı adətən bir dəfə edir. Bizim daimi olaraq düzgün yolu Allahdan istəməyimiz: “Sənə əmr edildiyi kimi (bu yolda) səbatlı ol”1 ayəsinə cavabdır.
Bağışlanma istəmək
Peyğəmbərlərin səhabələri və həvariləri müharibələrdə və müxtəlif hadisələrdə müsibətə düçar olduqda Allaha dua edib deyirdilər: “Ey Rəbbimiz! Bizim günahlarımızı və işlərimizdə israfçılığımızı bağışla”.2 Yəni İlahi, bizim günahlarımızı və işlərimizdəki israfçılıqları və diqqətsizlikləri bağışla!
