Davamında buyurur: “Mənim bütün hallarımı və işlərimi düzəlt!” Mənim bütün işlərimi və hallarımı islah et. Mənim dua halımı, mənim və ailəmin adi yaşayış halını, çalışdığım işin halını, bütün xüsusiyyətlərimi islah et. Hər bir işin düzəlməsi, özünə görə kamil və hərtərəfli bir duadır. Sonra deyir ki, məni yaxşı əməllə, kamil ilahi nemətlə, Rəbbin razılığı ilə və gözəl həyatla uzun ömür sürən şəxslərdən et. Bundan yaxşı bir şey varmı?! Məsumlar Allahdan nə istəməyi öyrədirlər. Allahdan istəməli olduğumuz onların göstərdikləridir. Bəzi insanlar dünyada maddiyyatın çoxluğunu düşünürlər. Deyirlər ki, filan ticarət işim düzəlsin, filan səfər düzəlsin, filan işə düzələ bilim və sair. Nə üçün insan əsas məsələləri Allahdan istəməsin?! Din rəhbərləri bizə öyrədirlər ki, belə dua edin və belə şeyləri Allahdan istəyin. Əlbəttə, onların bizə öyrətdiyi duaların növləri çox genişdir.
