Fiziologiya kafedrasi "biofizika" fanidan laboratoriya

Jami:	60

LABORATORIYA MASHG‘ULOTLARINING REJASI

9 №	Laboratoriya mavzulari		Soat		Imzo
1	Laboratoriya tadqiqolarining umumiy qonuniyatlari (membranaviy preparatlar va to‘qimalar ustida ishlash.		2
2	Laboratoraviy asbob-qurilmalardan foydalanish/		2
3	Ochiq sistema barqaror statsionar holatining entropiyasi.		2
4	Statsionar holatni Teorell modelida aniqlash.		2
5	Biologik suyuqliklarning ba’zi bir fizik xossalari.		2
6	Biologik suyukliklarning sirt tarangligini o‘lchash.		2
7	Sirt aktiv moddalar eritmalarida mitsella hosil bo‘lishining kritik konsentratsiyasini aniqlash.		2
8	Sirt aktiv moddalar eritmalarida mitsella hosil bo‘lishining kritik konsentratsiyasini aniqlash		2
9	Biologik suyuqliklarning osmotik bosimi.		2
10	Eritmalar va to‘qima suyuqliklarining osmotik bosimini Bardjer Rost usulida aniqlash.		2
11	Biologik jarayonlar kinetikasi.		2
12	Biologik jarayonlar kinetikasiga havo haroratining ta’siri.		2
13	Qurbaqa yuragi misolida harorat koeffitsiyenti va aktivlanish energiyasini Straub usulida hisoblab topish.		2
14	Model sistemalarning potensiallar farqi.		2
15	Potensial, kuchlanish va elektr potentsiallar farqi.		2
16	Diffuzion potensiallar.		2
17	Xlorid kislota eritmalariaro yuzaga keladigan potensiallar farkini ulchash va xisoblash.		2
18	Model sistemalarda potensiallar farki.		2
	Elektr kimyoviy potensiallar farki.
19	Fazoviy potensiallar farki.		2
20	Olma po‘stida yoki aloe bargida yuzaga keladigan potensiallar farkini o‘lchash.		2
21	Membranaviy potensiallar.		2
22	Tabiiy to’qimalarda shikastlanish potensiali
23	Tinchlik potensiali.
24	Kaliy ion potensiallar farki.
25	Kollodiy membrana orqali vujudga keladigan potensiallar farqi.		2
26	Elektrokinetik hodisalar.		2
27	Achitqidagi elektroforetik va ζ- potensialini aniklash.		2
28	Ko‘rinuvchan va UB sohalarida spektrofotometriya.		2
29	Fotokolorimetriya.
30	Biologik suyuqliklarda optik zichlikni o‘lchash.		2
Jami:		60

1-LABORATORIYA MASHG`ULOTI
Mavzu: Labaratoriya tadqiqotlarining umumiy qonuniyatlari (membranaviy preparatlar va to’qimalar ustida ishlash). Laboratoriya asbob-qurilmalaridan foydalanish.


Nazariy tushuncha: Biologik tadqiqotlar va tibbiyotning ko‘pgina usullari fizik prinsiplar va g‘oyalardan foydalishga asoslangan. Ko‘pgina zamonaviy asboblar tuzilishiga ko‘ra fizik asboblardir. Mexanik kattalik - qon bosimi bir qator kasalliklarni baholash uchun foydalaniladigan ko‘rsatkichdir. Ishlashi simobning kengayishiga asoslangan meditsina termometri - keng tarqalgan diagnostik asbobdir. Keyingi yillarda elektron qurilmalarning rivojlanishi natijasida tirik organizmda hosil bo‘layotgan biopotensiallarni yozib olishga asoslangan diagnostik usullar keng tarqalmoqda.
Hozirgi zamonaviy biofizika va meditsinada tekshirishlarning ko‘pgina usullari joriy etilmoqda. Shulardan ayrimlariga to‘xtalib o‘tamiz.
Spektrofotometriya - bioobyektlardan o‘tgan nurni bir qismining yutilishini o‘lchashga asoslangan. Bu metod bilan biomolekulalarning konsentratsiyasini o‘lchash mumkin.
Polyarografiya - biomolekulalarning qutblarini va ularning o‘zgarishlarini o‘lchashga asoslangan. Bu metod yordamida mitoxondriyada yuz beradigan oksidlanishli - fosforlanish jarayonini o‘rganish mumkin.
Elektrokardiografiya - yurak faoliyatini aks ettiruvchi biopotensiallarni yozishdir.
Fluoressensiya usuli - molekulani ma’lum bir to‘lqin uzunlikdagi nur bilan ta’sir ettirganimizda, molekula qo‘zg‘aladi va o‘zidan boshqa to‘lqin uzunlikdagi nurni chiqazadi, bu nurni fluometr asbobi bilan o‘lchash mumkin. Bu usulda maxsus kimyoviy moddalar zontlar ishlatiladi. Zontlar o‘rganilayotgan molekula bilan birikkanida yuqoridagi nurlantirish oqibatida o‘zidan nur chiqaradi.
Mikroskopiya - ko‘zga ko‘rinmaydigan mayda hujayra qismlarini kattalashtirib (bir necha yuz yoki ming marotaba) o‘rganishga asoslangan. Mikroskopning tibbiy va biologik tadqiqotlardagi ahamiyati nihoyatda katta. Tolali optikaga asoslangan asboblar organizmning ichki bo‘shliqlarini ko‘rishga imkon bermoqda.
Spektral analiz - usulidan tibbiyotda va biologiyada keng foydalaniladi.
Atom va yadro fizikasi sohasida qo‘lga kiritilgan yutuqlar natijasida bir qancha diagnostikada va biologik tadqiqotlarda foydalanish mumkin bo‘lgan metodlar ishlab chiqildi. Bu metodlar: rentgen va nishonlangan atomlar. Bulardan tashqari pH - metr, elektron mikroskopiya va potensiometriya va boshqa metodlardan biofizikaviy tadqiqotlarda foydalaniladi.
Zarur jihozlar: fotometr, sentrifuga, elektrokardiograf, elektroensifalograf, pH-metr, fluometr, ionometr, laboratoriya mikroskopi, elektron mikroskop, ossillograf, fotoelektrokalorimetr, elektron tarozilar, probirkalar, menzurkalar, har xil stakanlar va boshqa jihozlar.