Ii bob. O`Quvchilarda sog`lom tafakkurni rivojlantirishning mazmuni, metodi, shakl va vositalari

2.3.1-jadval. O'quvchilarda sog'lom tafakkurni rivojlantirish texnologiyasining shakl, metod va vositalari

Bosqichlari	Motivatsion-diagnostik	Axborotli-kognitiv	Faoliyatli	Qadriyatli
Shakllari	Individual, guruhli, ommaviy, munozaralar, treninglar, anjumanlar, suhbatlar.	Individual, guruhli, ommaviy, o'quv mashg'ulotlari, tarbiyaviy soatlar, axborot soatlari, auditoriyadan tashqari mashg'ulotlar, to‘garaklar, juftliklarda ishlash, treninglar	Individual, guruhli, ommaviy, ekskursiyalar, musobaqalar, konkurslar, tanlovlar, ijodiy ish topshiriqlari.	Individual, o'z-o'zini baholash, o'z-o'zini nazorat qilish, o'z-o'zini rivojlantirish, o'z-o'zini takomilashtirish, refleksiya
Metodlari	Muammoli tavsifdagi suhbat, o'yin tavsifidagi mashqlar, bahs-munozarali o’quv mashg'ulotlarini tashkil etish, erkin yozish, aqliy hujum, fikrlar hujumi, o'z-o'zini baholash	Ma'ruza, tushuntirish, o'rgatish, namuna ko'rsatish, reproduktiv obrazli suhbat, test (asosiy tushunchalar mazmuniga oid, tushunchali), tugallanmagan gaplar metodikasi	Mashq, namoyish etish, mushohadali tajriba, pedagogik vaziyatlar, real hayotiy vaziyatlar, musobaqa, rag'batlantirish, loyiha, o'yinli vaziyat, matn ustida ishlash, pedagogning suggestiv faoliyati.	Ijtimoiy voqelik, vaziyatlarni tahlil qilish va munosabat bildirish, rolli vaziyatlar, “Tanqidiy fikrlashni aniqlash” metodikasi”,
Vositalari	Badiiy adabiyot, o'qituvchi nutqi, radioeshittirishlar, videofilmlar, tarqatma materiallar.	Badiiy-ma'rifiy asarlar, slayd-prezentatsiya, texnik jihozlar, o'quv darsliklari, elektron qo'llanmalar	Videoroliklar, teleko'rsatuvlar, tarqatma materiallar	Radioeshittirishlar, teleko'rsatuvlar, jonli muloqotlar, jurnallarda chop etilgan maqolalar, insoniy munosabatlar tizimi.

O'quvchi-yoshlarda sog'lom tafakkurni shakllantirishning motivatsion bosqichi haqida gap ketganda eng avvalo, “motiv”, “motivlashtirish” tushunchalarining mazmun va mohiyatiga to'xtalib o'tish lozim.
Motivatsiya – motivlarning harakatlanish jarayoni, insonni asosiy faoliyatga undovchi motivlar yig‘indisi. Motiv esa fransuzchadan tarjima qilinganda, undovchi kuch, sabab degan ma'noni bildiradi²³.
Motivatsion-diagnostik bosqichni amalga oshirishda biz o'quvchilar guruhida tadqiqot maqsadidan kelib chiqib suhbatlar, munozaralar uyushtirdik. Unda tahlil etish uchun nashriy va badiiy adabiyot materiallaridan hamda shaxs rivojlanishiga oid video lavhalardan foydalandik. Texnologiyaning mazkur bosqichida muammoli tavsifdagi suhbat, o'yin tavsifidagi mashqlar, bahs-munozarali o'quv mashg'ulotlarini tashkil etish, erkin yozish, fikrlar hujumi, o'z-o'zini baholash kabi metod va usullardan foydalanish maqsadga muvofiq.