Guruhga topshiriq beriladi. Har bir talaba o’z javob variantini varaq qog’ozga yozib, uni qo’shnisiga o’zatadi, o’z ruchkasini stolning o’rtasiga surib qo’yadi. Javobni bilmaydigan talaba qog’ozni keyingisiga uzatib ruchkani o’zida olib qoladi. Javob variantlari yozilgan qog’oz o’qituvchiga beriladi va birgalikda muhokama qilinadi. Bu metodda o’qituvchi mashg’ulotga kim tayyor, kim tayyor emasligini ko’rib turadi.
Masalan: Tarbiya usullarini belgilab bering. Yoki temperament turlari va ularning asosiy xususiyatlarini ko’rsating.
“Galereyani aylanish” metodi.
Kichik guruhlarga 1 ta muammo taklif etiladi. Har 1 guruh 10 min davomida o’z fikrlarini yozadida, javob yozilgan varaqlarni 2 chi guruh bilan almashtiradi. Keyingi guruh oldingi guruhning javoblarini baholashi va javob to’liq bo’lmasa, o’z javobi bilan tuldirishi kerak.
Masalan: Kadrlar tayyorlash milliy dasturi va uning bosqichlari. Javoblar yozib bo’lingach, varaqlar doskaga osib qo’yiladi va birgalikda muhokama qilinadi.
AKADEMIK MUNOZARA.
Guruh 2 komandaga bo’linadi, har biriga vaziyatga oid topshiriq beriladi, masalan: “pedagog - talaba muloqoti”. Bunda 1chi guruh muloqotning salbiy tomonlarini tahlil qiladi - ya’ni “prokurorlar”. 2 chi gurux vaziyatning ijobiy tomonlarini izohlab beradi. Vaziyatga oid topshiriq yoki rolli o’yinni muhokama qilish uchun talabalar shu mavzu yuzasidan chuqur bilimga ega bo’lishi kerak.
“Qor bo’ron” metodi.
Ikki guruh talabalari bir muammo yoki vaziyatni muhokama qilib eng ko’p miqdorda to’g’ri javoblar olish ko’zda tutiladi. Xar bir to’g’ri javob yumaloqlangan qor ko’rinishida o’sha guruhga ball tariqasida yozib qo’yiladi. Eng ko’p ball olgan guruh a’lo baholanadi.
Kritik vaziyatni tahlil qilish.
Biror bir tashvishli muammoli vaziyat muhokama qilinishi ko’zda tutiladi. Bunda nimani boshqacha qilish kerak edi, nima uchun bu xatoga yo’l qo’yildi, xatoni takrorlamaslik yoki tuzatish uchun nimalar qilish lozim, degan masalalar ko’rib chiqiladi. Javob variantlari iloji boricha ko’p bo’lishi kerak.
