Китабын ады
Yüklə 1,34 Mb. Pdf görüntüsü
|
| Nəvvab: «Qibləsahib! Rica edirik, indiyə qədər söylədiyiniz kimi, hər kəsin
anlaması üçün indi də sadə bir şəkildə danışın. Çünki bizə bu ayəni çox oxudular və hamımızı Quranın hökmünə cəzb edərək məhkum etdilər». Dəvətçi: «Əvvəla ayənin əzəməti və sözbazların sözləri ağaları o qədər cəzb edib ki, onun batin və zəmirlərindən (işarə əvəzliklərindən) qafil olublar. Əgər ayənin ədəbi mənasına və nəhv tərkibinə bir az diqqət etsək, iddanızla, əsla, uyğun olmadığını özünüz görəcəksiniz». Şeyx: «Belə isə bir zəhmət çəkib bu ayənin nəhv tərkibini və zəmirlərini bəyan edin, onların iddiamızla necə uyğunlaşmadığını görək». 259 Dəvətçi: «Əvvəlcə ayənin tərkibi tərəfinə baxaq. Bildiyiniz kimi, ayənin tərkibi iki yoldan xaric deyildir: Ya deyəcəyik ki, «Məhəmməd» mübtəda, «Rəsulallah (s)» ətfi-bəyan və «Vəlləzinə məəhu» «Məhəmməd» kəlməsinə ətf edilmiş, «Əşiddau» kəlməsi xəbər və ondan sonra gələnlər də xəbərdən sonra xəbərdirlər. Ya da «Vəlləzinə məəhu» mübtəda, «Əşiddau» xəbər, ondan sonra gələnlər də xəbərdən sonra xəbərdir. Bu qaydanı əqidə və sözünüzə görə dəyərləndirsək, iki məna ortaya çıxar. Əgər «Məhəmməd» mübtəda, «Vəlləzinə məəhu» da mübdədaya ətf edilsə və ondan sonra gələnlər xəbərdən sonra xəbər olsalar, ayənin mənası belə olur: «Məhəməd (s), Əbu Bəkr, Ömər, Osman və həzrət Əlidir (ə)». Əgər «Vəlləzinə məəhu» mübtəda, «Əşiddau» kəlməsi xəbər və ondan sonra gələnlər də xəbərdən sonra xəbər olarsa, o zaman ayənin mənası belə olur: «Əbu Bəkr, Ömər, Osan və Əlidir (ə)». Kəlamın bu cür ola bilməsinin ağla uyğun və ədəbi olmadığını ibtidai tələblər də bilirlər. Əgər bu ayəyi-kərimdən məqsəd dörd xəlifə olsaydı, o zaman iddianıza uyğun olması üçün kəlmələr arasında ətif vavın olması lazım gəlirdi. Müfəssirlərinizin hamısı bu ayənin bütün möminlərə şamil olduğunu söyləyirlər. Ayənin zahirinə də baxsaq, bu sifətlərin hamısı hər zaman Rəsulallahla (s) birlikdə olan dörd nəfərə deyil, bir nəfərə aid olduğu görüləcəkdir. Əgər o bir nəfərin də Əmirəl-möminin həzrət Əli (ə) olduğunu söyləsək, əqlə və nəqlə daha uyğun olar». Yüklə 1,34 Mb. Dostları ilə paylaş:
|