3. Matematika darsi uchun Microsoft Office PowerPoint dasturi yordamida o‘quv materiallarini, dars taqdimotlarini tayyorlash metodikasi. MS Power Point dasturining imkoniyatlari va uni ishga tushirish, slaydlarga rasm va boshqa obyektlarni qo‘yish, slaydlarga gipperssilkalar o‘rnatish, slaydlarga animatsiyalar kiritish va ularni sozlash, takdimotlarni tayyorlash bosqichlari.
4. Matematikani o‘qitishda AKT va elektron darsliklardan foydalanish. Fanlarni o‘qitishda AKT ning imkoniyatlari, AKT dan ta’lim jarayonida samarali foydalanish, AKT salohiyat modeli, matematika faniga doir interfaol testlarni tuzish
Umumiy o‘rta ta’lim maktablari uchun joriy etilgan elektron darsliklar haqida ma’lumot. Elektron darsliklarni kompyuterga yuklash, ularni o‘quvchi kompyuteriga jo‘natish usullari. Elektron darsliklardan o‘quv jarayonida foydalanish samaradorligini oshirish haqida.
2-Ilova TEST TOPSHIRIQLARI MAZMUNI VA SHAKLIGA QO‘YILADIGAN TALABLAR 1. Har bir test topshirig‘i tegishli ta’lim turi bo‘yicha Davlat ta’lim standarti (Davlat ta’lim talablari), malaka talabi va o‘quv dasturi asosida tuzilishi shart.
2. Test topshiriqlari ta’lim o‘zbek tilida olib boriladigan guruhlar uchun lotin alifbosida bo‘lishi shart.
3. Har bir test topshirig‘i biror-bir yagona maqsadni ko‘zda tutgan holda tuzilishi lozim.
4. Test topshirig‘i uchta qiyinlik darajasi asosida umumiy savollar soniga nisbatan teng taqsimlangan miqdorda tuzilishi va har bir topshiriqning qiyinlik darajasi topshiriq pasportida ko‘rsatilishi kerak:
1-daraja Oson (1) – testdan o‘tuvchining xotirlash qobiliyatini aniqlovchi, uncha murakkab bo‘lmagan bir hodisa yoki qonuniyatni bilishni talab qiluvchi daraja;
2-daraja O‘rtacha qiyin (2) – testdan o‘tuvchidan tahlil qila olishni, ikki-uch qoidani yoki qonuniyatni bir vaqtda qo‘llay bilish natijasida to‘g‘ri xulosaga kelishni talab qiluvchi daraja;
3-daraja Qiyin (3) – jarayonni prognoz qilishda testdan o‘tuvchining to‘g‘ri javobni topish uchun zarur bo‘lgan hodisa va qonuniyatlarni tahlil qila olish qobiliyatini talab qiluvchi daraja.
5. Test topshirig‘ining savoli aniq, lo‘nda, qisqa ifodalangan bo‘lishi, unda zaruriy ma’lumotlar keltirilishi, keraksiz, ortiqcha ma’lumotlar ishlatilmasligi, shuningdek, savol ikki xil tushunilmasligi kerak.
6. Test topshirig‘i savolida to‘g‘ri javobni topishga yordam beruvchi so‘zlar, iboralar va belgilar ishlatilmasligi, javob variantlari qiymati va xajmi bilan boshqalaridan keskin farq qilmasligi lozim.
7. Test topshirig‘ining to‘rtta javobi bo‘lib, ulardan faqat bittasi mutlaq to‘g‘ri bo‘lishi kerak.
8. Test topshirig‘ining muqobil javoblari orasida «javoblarning barchasi to‘g‘ri», «javoblarning barchasi noto‘g‘ri», «to‘g‘ri javob yo‘q», «to‘g‘ri javob A va V», «to‘g‘ri javob 1 va 2», «V va D», kabi iboralar ishlatilmasligi hamda ikki va undan ortiq bir xil javob variantlari bo‘lmasligi lozim.
9. Test topshiriqlari yozilgan faylning nomi namunaviy o‘quv rejaga muvofiq fanning to‘liq nomi va qavslar ichida ajratilgan soat miqdori bilan nomlanishi shart. Faylni nomlashda qisqartmalar kiritish mumkin emas.
10. Test topshiriqlari Microsoft Word dasturida, “Times New Roman”da, 14 shriftda yozilishi lozim.
11. Test topshiriqlari har biri alohida jadval ko‘rinishida, to‘g‘ri javob esa javob variantlarining birinchi satrida joylashishi kerak, ya’ni
