Microsoft Word bankir ziyouz com doc

www.ziyouz.com kutubxonasi 
278
javob berilmagan telefon raqamlariga nigoh tashladi. Virjiniya bu telefon raqamini bilarmidi? Balki. 
Balki, uni Berkxardt ham bilar, YuBTKda deyarli hamma, Palmerning kabinetiga kirganlar telefon 
raqamini ko‘rgan bo‘lishi mumkin. Demak, Berns ham. Birdan Palmer sukut cho‘zilib ketganini his 
qildi. 
— Pit kimga o‘xshaydi? — nihoyat so‘radi u. 
— Eshit, azizim uchrasha olamizmi? 
— Gap nima haqida bo‘lishiga qarab. 
— O, mucho1  narsalar haqida azizim. 
— Xudoyim, ko‘p tillarni biluvchilarga ofarin. Ayt-chi, nima uchun ovozing boshqacha? 
— Ovozim boshqacha bo‘lishi kerakmi? — e’tiroz bildirdi Berns. — Bunday deyishingga biror sabab 
bormi? 
— Bir dunyosini sanab berishim mumkin. 
— Chunki ichaklarim jang bo‘lib o‘tgan dalalarga osib qo‘yilganimi? — so‘radi Berns. — Meni 
xonavayron qilding-ku, bolaginam? Ko‘richagimni kesishgandan buyon bunday jarrohlikka duch 
kelmagan edim. 
— Iltimos, xushomad qilmasdan gapiraver. 
— Hech qanday og‘riq qoldiruvchi vositasiz — davom etdi Berns. — Do‘stim, sen so‘yganda ham 
astoydil, chinakamiga so‘yar ekansan. Faqat soat to‘rtdagina nemis xoini haqidagi yangilikdan voqif 
bo‘ldim. Do‘stlaring g‘aroyib ekan. 
— U — do‘stim emas. 
— Endi do‘sting bo‘lmay qoldimi? To‘xta, undan foydalanganingni u qachon bila oladi? 
— Nima keragi bor, Mak. Jet-Texda ahvoli yomon bo‘lib qolgan ekan. Boshqa ish taklif qilgan har 
qanday odam unga qatta yaxshilik qilgan bo‘lardi. 
— Eddi Xeygen-chi? Sen uni qaerga tiqishtirganingni tushunadimi? 
— General Xeygen tadqiqot ishlarida yangi rahbarga ega bo‘ldi. Bu ishni kim qilsa ham generalni 
og‘ir vaziyatdan chiqargan bo‘lardi. 
— Va senat komissiyasi oldiga qo‘ygan bo‘lardi, — qo‘shimcha qildi Berns. 
Palmer qaddini rostladi. 
— Tushunmadim. 
— Xeygen tushunadi. Gauss ham, Jet-Texdagi rahbarlar ham. 
— Ular komissiya oldida turishadi demoqchimisan? 
— Vashingtondagi meni odamim yaqindagina qo‘ng‘iroq qildi, og‘ayni. Mana shunday ishlar bilan 
shug‘ullanuvchi departamentdagilar quturib ketishibdi, dedi u. Yarim soatdan keyin matbuot 
konferentsiyasi bo‘ladi. Ular bunday o‘tishga qarshilik ko‘rsatish maqsadida tekshiruv o‘tkazishni talab 
qilishmoqchi. 
— Bunday qilishga qonuniy huquqlari bor, — javob berdi Palmer. 
— Ish tahlil qilinganda ismingni tilga olmaslikka kim xalaqit bera oladi? 
— O’ylaymanki, hech kim. 
— Bunisi qandoq bo‘ldi? — so‘radi Berns. 
— Nima qipti? Mamlakatimiz erkin mamlakat, Mak. Agar ular meni milliy xavfsizligimiz uchun katta 
foyda keltirishga qodir odamni faoliyati cheklab qo‘yilgan boshqa odam bilan uchrashtirib, har ikkisini 
yo‘ldan urdi deb aytishni xohlasalar, ularni to‘xtata olmayman. Harakat ham qilmayman. 
— Azizim, senatorlar hamma narsaga boshqacha ko‘z bilan qarashi mumkin. Ular seni o‘ta zarur 
“Uotan” loyihasi bilan mashg‘ul ishdan chalg‘itishda ayblashlari mumkinligini unutma. 
— Gaussni nazarda tutayapsanmi? — so‘radi Palmer, chamamda u voqeani butunlay boshqacha 
izohlaydi. U, ehtimol, “Uotan”ning omadi yurishmayotganiga Jet-Texning xasisligi sabab, bu 
kompaniya uni mablag‘ bilan puxta ta’minlay olmayapti, deb izoh bera oladi. Dunyoda uning 
nohaqligini isbotlaydigan o‘n nafar odam topilmaydi. Binobarin, u haq bo‘lib chiqadi. 
Berns anchagina jim qoldi. Keyin yengilgina kinoya bilan “ha-a” deb qo‘ydi. 

---

Bankir (roman). Lesli Uoller