Mübariz süleymanli

Quruleləx (Büt.ş.) – iri arı quşu.

Çölgöyü (Büt.ş.) – çöl göyərçini.

Şanapipix (Büt.ş.) // hibob (Q., Cava.) // bubob (C.).

Qeyd: rayon ərazisində yaşayan quşların əksə­riy­yə­tinin adı ədəbi dillə müştərəkdir.

c) Həşərat adları

Acı milçəx (Büt.ş.) – qara milçəkdir, ağcaqanad ki­mi qan sorur.

Ananqız (Büt.ş.) – parabüzən.

Almaquşu (C.) – alma ağacında olan qanadlı həşərat.

Biçinçi (Büt.ş.) – məzarçı böcək.

Bızbıza (Q., Cava.) – may böcəyi, pıspısa.

Qara büvə (Büt.ş.) – iri qara rəngli zəhərli hö­rümçək.

Qanadlı qarışqa (Büt.ş.) – qanadları olan qarışqa.

Qara qarışqa (C.) – adi qarışqa.

Sarı qarışqa (Büt.ş.) – kiçik sarı rəngli qarışqa.

Qara əxrəb (Büt.ş.) – qara əqrəb.

Sarı büvə (Büt.ş.) – sarı rəngli zəhərli iri hörümçək.

Qızıl milçəx (Q., Cava.) – göy işıldayan milçək.

Qılışlı səquqa (Q., Cava.) – iri boz rəngli çəyirtkə.

Danaburnu (Əks.ş.) // bizoburnu (C.) – danadişi.

Yaşıl səquqa (Büt.ş.) – çəmənlikdə yaşayan ot rəng­li çəyirtkə.

Yeriti (Büt.ş.) – yer qarışqası. Torpaq rəngli qa­rış­qa­ya oxşar həşəratdır. Torpağın altında yaşayır. Yuvası oy­maq şəkilli olur, ora başqa həşərat düşdükdə onları çə­kib torpağın altına aparıb qidalanır.